همس المشاعر

@fawaz_dr نفس الشي زوجي مع اولاده والان ولله الحمد يُشهد لهم بالدين والعلم والاخلاق والحمدلله

الاستئذان أمان ولداي عبدالعزيز ومهند جامعيان حفظهما الله، ولم يسبق لهما أن خرجا مع الأصحاب إلا بعد استئذانهما مني، أو من أمهما، ويذكران أين سيذهبان، ومع من، ومتى يعودان، وهكذا كنت أفعل مع أبي وأنا في بيته، بل إني ما زلت أستأذنه وأستأذن أمي قبل السفر. ليس لدينا ما نخفيه ولا ما نخافه، فنستأذن بكل ثقة، فما بال بعضهم وبعضهنّ يتضايقون من الاستئذان؟

@Askmuhami البيت موجود والبنات كثر ودامك ماظلمتها تزوج وعيش حياتك وخلها عند اهلها لحد مايطيح الي براسها

من الخاص📩 السلام عليكم زوجتي قالت لي تسافر لأهلها زيارة وبعد ماوصلت أرسلت لي أنها لاترغب بالرجوع وانصدمت جدا رغم اني معيشها أجمل عيشة ولا أخليها تطبخ ولا تسوي شيء وقالت الله يعوضك وبعدها كلمت الوالدة تتصل على أمها وبعد الاتصال عليها قالت انه مافيه توافق بينهم يعني مع بنتها وعندما راسلت امها بالواتساب قامت تهددني قالت لي سوي الي تبغاه بنتي عندي ولا يهمنا شيء والأن صارلها 6 أشهر انقطاع تام وسويت لها حظر وردته لي وانا رفعت فسخ بعوض للشيخ نشوز وأقرت زوجتي بكل شيء امام القاضي وطلب منها ارجاع المهر ورفضت وأنا لا أرغب بالطلاق أبدا الى في حالة إرجاع المهر كامل والان رد دعوة الفسخ لأنها لم توافق على ارجاع المهر والان هي معلقة مالحل ؟

@9tttty من حقه يختار زوجة تجلس في البيت لكن هذا الكلام اول مايتقدم لبنت الناس ماهو بعد العقد مثل ماهو حقه وهي حقها في القرار لمستقبل حياتها اما البيت او العمل الوظيفه الي ماتعجبه ممكن تعجب غيره

للنقاش: هل من حق الزوج يغير كلامه بعد الزواج ويفرض رأيه كذا ؟؟

@fatimaalmas18 @Askmuhami اتقي الله لاتفتين من راسك زواج المسيار زواج عادي بس هي تعرف انه يسقط المبيت مهر تاخذ مصروف تاخذ بيت تاخذ وهو معلن بس اهل الزوج وزوجته مايدرون اما اهلها وجماعتها دارين وقد تحتاج له بعض النساء لظروف خاصه وهو افضل من ان تقع في محرم الله

@Askmuhami المسبار عزيزتي محرم في الاسلام.. ولا يجوز.. هداك الله لا تجري وراء من يدعون المشيخة وهم أصحاب سنوات.. الاسلام وضع كرامة للمرأة وحقوق لم يتزوج الرسول مسيار ولا أحد من صحابته.. الزواج في الاسلام لا يكون إلا معلن وحقوق أمام الجميع.. حل مشكلتك أن تتفقهي وتدرسي الدين .. يتبع..

من الخاص📩 السلام عليكم انا تعرضت لزواج فاشل من واحد مايخاف ربه أخذني تسليه تزوجت مسيار من واحد يقول عن نفسه ملتزم انا الزوجه الثالثه دام ثلاث شهور مازارني الامرتين يتعذر بمشاكل ماديه وظروفه كان هو بمدينه وانا بمدينه واخر مكالمه قال لي ماقدر اكمل معاك بكل برود جن جنوني ليه التلاعب كذا ببنات الناس.مع أن ماينقصني شي حتى اللي يشوفني يعطيني اصغر من عمري .اللحين ابي الحل علشان اطلع من دوامه التعلق والزواج الفاشل. ارجو بدون تجريح وياريت مختص في الشي هذا ..

@AlTrendAlsaudi الثلاث التي جدهن جد وهزلهن جد هي: النكاح (الزواج)، والطلاق، والرجعة. والمقصود أن هذه العقود تعتبر نافذة ولازمة شرعاً بمجرد التلفظ بها، سواء كان الإنسان جاداً أو مازحاً أو لاعباً، ولا يُقبل منه الاعتذار بأنه كان يمزح.

مشجع هلالي : علي الطلاق مايفوز النصر علينا وان فاز لاطلق زوجتي

@l00502 @faisalbinturki1 لاقدر الله

@faisalbinturki1 عقبال الهلال الدوري ان شاء الله

مبروك لكبير العاصمة وجماهيره العظيمة 💛💙

@Askmuhami اذا مشروعك ناجح بدون شركاء ماله داعي لشراكه مع احد قريب والا بعيد بكره يدخل الشيطان بينكم وتخسرين كل شي تذكري ذيك الايام لاتروح من بالك يوم كنت وحيده ماتلاقين اللقمة مثل ماهم قدروا يتركونك وقالوا لا قولي فكرت مابدخل احد على رزقي ورزق بناتي والوجه من الوجه ابيض

من الخاص📩 السلام عليكم انا متزوجه وعندي ٤ بنات ( زوجي ترك وظيفه وفصل ) كان عسكري وقعدنا ب بيت اخوه قديم ب قريه وماكان عندنا اي دخل فقط حساب المواطن حدود الفين تجينا صدقات وزكاة من اقاربنا المهم (هذا كلامي قبل صدور الضمان المطور ) يشهد علي ربي حتي سياره ماكانت عندنا ناخذ وقت ضروري سياره اي احد ونرجعها فتح ربي لي باب رزق ب بيع حنا وسدر وكبر مشروعي وصارت عندي طلبات كثير الحمدلله جاني رزق عظيم شريت سياره تغير وضعي الحمدلله من فصل ربي ( اهلي ماكانو يساعدوني لما كنت محتاجه نهائي ويعرفون اني محتاجه وكان يقوولون اضغطي علي رجال يرجع للوظيفه مانقدر نصرف عليكم عندنا ضغوطات ) مع العلم ابوي عنده راتب وامي عندها راتب ابوي عنده محلات ايجار شهري يطلع له حدود ٩ الالف منها بيتهم ملك ( ( ااحين ابي اخذ رايكم يشهد علي ربي ضايقه مره ( اهلي لما عرفو ان مشروعي كبر وتغير وضعي قالو بندخل معك شركاء ب مشروع ) ) مع العمل اني كنت اقول حق ابوي ابيك نكفلني عشان اقدر اوسع ب مشروع كنت ب بدايه ورفض يقول مابي خساير علي واخوي رفض بعد الكفاله وقلت خيره منها والحين الحمدلله عندي محل وعندي موقع وعندي رزقي وطلبو مني يدخلون شركاء معي ؟ انا قلت لهم بفكر وصدق بيني وبين نفسي زعلانه مررره لان ب وقت حاجتي والله ماشفت وقفتهم ووش رايكم انتو

@SAUDALmUQHIm يقال له سيدي عتدما يكون سيدا لأفعاله عندما يكون سيدا في كلامه... فكلمة سيدي لا ينادى بها احد الا من يستحقها واظن ان الزوجة ليست عبدة لتنادي زوجها بسيدي فخديجة رضي اللّٰه عنها كانت تتباهى برسول اللّٰه هل كانت تنادي له سيدي ؟

لا يجوز للزوجة أن تخاطب زوجها باسمه، بل يجب أن تناديه بـ"سيدي العزيز" أو أي عبارات أخرى تدل على الاحترام والتقدير الكبيرين… مع أم ضد؟…

@ali_alrandi هذي الي صورت هي مفروض تتعاقب قبل المتحرش الساكت عن الحق شيطان اخرس

في واقعه أخلاقية هزت القاهره مالك مدرسة هابي لاند ببشتيل بمصر يتحرش بطالبة.. ووزير التعليم يقرر إحالة كافة مسؤولي المدرسة للشئون القانونية للعلم هذا الفيديو صارله أكثر من سنة بس في وحدة تشتغل بالإدارة توها أنشرته بعد ماصار بينها وبين الإداره خلاف حسبي الله ونعم الوكيل فيهم جميعاً

@Askmuhami النظام اذا هو الي مايبغاك ياخذ نصف المهر فقط اما اذا انت الي ماتبغينه ترجعين المهر كامل ولد اخويه كذا هي الي رفضت تكمل معاه رجعت المهر كامل والهدايا

من الخاص📩 السلام عليكم ملكت وحصل بيني وبين زوجي خلوة شرعية بدون دخول ٥ مرات جاني زيارات بعد شهرين حصل خلاف بيني وبين زوجي وطلقني (طلقني بدون علمي رغم اننا كنا لسا في مرحلة الصلح والمفاوضات) جاني صك الطلاق بعدها بأسبوع ابوي حول له نصف المهر والان بيرفع قضية على الوالد يبغا المهر كامل هل له حق بالمهر كامل؟ وهل اقدر اطالب انا بالمهر كامل بحكم انه اختلى فيا ؟

@M_Abdullah_9 النصر يقول والهلال يقول وذاك يقول ونسيتم أن الفوز بيد الله رب العالمين مكتوب مثل كل مافي حياتنا مكتوب قدرة الله تقلب الموازين في لحظة المهم لاننسى اننا سنحاسب على كل كلمة من سب وغيبه ولعن والله لا لاعب ولا نادي درى عنك اوزار تحملها على ظهرك ولن يحملها غيرك وستحاسب عليها

هاردلك يا عالميين الحمدلله ما راح شيء … الدوري ما زال في الملعب. إذا تبون البطولة، لازم نكسب المباريات المتبقية وبالتوفيق للعالمي 💛💙

@ra01in والله لو انا لاعطيها يكفي انها اختي يقعدون عندها وقلبي مرتاح

@SALIFATI9 ١ + ١ = ٢ هي ماجاءت على هواك ولا عندها استعداد تتغير عشانك خلاص مايحتاج تسأل واضح الحل لاتنتظر يجيك عيال وتبتلش بالنفقه والسكن الله يعوضك ويعوضها بالي يتوافق مع طبيعة كل واحد منكم

#سالفتي انا شخص متزوج من ٤ سنوات شخصيتي هاديه مسالم زواج تقليدي زوجتي بصراحه غير متطلبه ولا تروح السوق رغم اني احينا أصر عليها مصليه صايمه اول سنه تركتها على راحتها يعني ماطالبتها بطبخ وغسي الملابس كل خميس وغداي من برى اغلب الايام يعني مريحها بحكم انها موظفه،بعدين جلست معاها بهدؤ وقلتلها الوضع كذا ما يناسبني وعطيتها الملاحظات من ضمنها الطبخ قالت انا ماعرف اطبخ ليش ما سالت اهلي قبل تاخذني المهم شديت عليها لين طبخت مره مالح مره مايكتمل طبخه وكانها مغصوبه وانا كنت اقولها ملاحظاتي في الطبخ وحاولت فيهاتدخل اليوتيوب تتعلم مافيه فايده اخذتها وديتها عند ابوها اول ما دخلت عند ابوها تنفخ وتصارخ المهم علمت ابوها الموضوع وانها ماتجيد الا نوع واحد من الطبخ كبسه فقط انصدمت برد ابوها قدامها قالي اذا ماعجبك روح تغدي في المطعم ودخلت امها من طرف المجلس قالت كلمه وطلعت وليتها ماجت لك ان تتخيل تقول(طلقها وانقلع) انا هنا انقهرت يعني وليش التصعيد كله انا جاي ابي حل ماجيت ضاربها والا كاسرلها يد والبنت قل احترامها لي بعد موقف أهلها وانا والله تعبت من المطاعم غير كذا مهملتني ولا تراعي نفسيتي لاني اعاني من اكتئاب لكن ما أثر على حياتي إذا كنت مضغوط ولا هي سند وتعاملني بنديه وكل ما اختلفنا في موضوع تقول وبكل برود إذا ما عجبك ودني عند ابوي يعني حتى ماعندها كنترول وحرص تبي تحافظ على بيتها، ابغا احس اني متزوج، تحملت ديون وتكاليف وانا ماني مقتدر بس ابغى ابني اسره لكن للأسف الواقع مرير مع اني أوجب أهلها والأعياد اهدي امها وابوها وهي لا توجب ولا تهدي مع ان عندها خير لكن سبحان الله النفس شحيحه يعلم الله اني ماقصرت معها بشي من طلعات وسفريات،لازلنا بدون أطفال افكر بجديه انهي العلاقه وش الحل ،، وهل ترجع هدايا الملكه الرئيسيه والمهر لأنها بصراحه ماتستاهل ولاني لا زلت متحمل ديون الزواج،، ارجو الافاده من اهل الخبره

@Nawwal236606 يارب تتزوج غيرك ويرزقها الله بالذرية الصالحة مسكينه معاد احد يستاهل التضحية انا في مكة وان شاء الله لروح عند الكعبة وادعيلها وش هذا الظلم انت ماتخاف الله وهل جزاء الاحسان الا الاحسان

وش رأيكم في تصرفه ⁉️ .

@Askmuhami الحمدلله ان الله كشفك قبل ماتزوجها يارجال خاف الله ماعندك خوات ماهو لازم تعلمك وين تروح مابعد جات عندك عشان تحكم فيها وبعد ناشز شكلك ناوي ترفع عليها قضية الله يخلصها منك على خير ويرزقك بوحده تطلع حق هذي المسكينة منك انت لو صادق كان قلت وين تروح بس هدفك ابعد من كذا

من الخاص📩 السلام عليكم انا مملك اكثر من ٤ شهور و الزوجة تخرج بدون علمي و ابو البنت متوفي و اخونها سكنهم خارج المنطقة هل تعتبر ناشز ؟

@almaathon1 @Askmuhami ياويلك من الله قذفتها وانت ماتعرف عنها لمجرد سماع شكوى من واحد

@Askmuhami #مشكلة_وحلول نصيحة انفذ بجلدك وقلل خسائرك وتخلص نها بافضل الطرق هذه داشرة خراجة ولاجة لا تصلح ربة بيت ولا يوجد أحد يعلمها الأصول ستخسر وتنفق وتتسلف وتتكلف وآخرها ناشز نسوية احذر فقد سرى داء النسويات في النساء كانتشار النار في الهشيم ولا عاصم اليوم من قدر الله الا من رحم.

@talal30950 @Askmuhami اي بيوت هذي الي تستأذن وهي ماراحت بيته البيت مافيه رجال عشان يجينا واحد من برى يتحكم في بنتنا وحنا باقي ماعرفنا خيره من شره عجايب

@Askmuhami تخرج تروح وين يعني عالعموم شرعا مالك عليها طاعه وباقي ما انتقلت لبيتك وتستأذن من وليها فيه بيوت فيها رجال طحاطيح من يوم تملك بنتهم ماتطلع الا بأذن زوجها ولكن مو كل البيوت فيها رجال

@Askmuhami حديث النبي ﷺ مَن كانت له امرأتان فمال إلى إحداهما، جاء يومَ القيامةِ وشِقُّه مائلٌ". رواه أهل السنن بإسناد صحيح، ويحذر الحديث من ظلم الزوجات وعدم العدل بينهن في القسم والمبيت والنفقة، لما في ذلك من وعيد شديد.

من الخاص📩 السلام عليكم ابوي هجر امي قبل ٢١ سنة بطلب من زوجته الثانية لأنه على كلامهم زمان قالت ما ابغى تجيب لي منها ( التهابات ) عذراً على كلامي ، طبعاً الكلام هذا واحنا صغار وما بيدنا شيء نسويه وفعلا ابوي هاجر امي في الفراش من ٢١ سنة ودخلت سن اليأس وهي مهجوره والشيء هذا أثر على نفسية امي بشكل مخيف لدرجة تاخذ ادوية اكتئاب وكل ما كبرت كل ما نعاني معاها وننقهر عليها غير طفولتنا اللي عشناها بقهر عليها وعلى انكسارها قدام الكل هل اقدر اني ارفع عليهم قضية فسخ نكاح مع قضية ضرر نفسي واثبت تدهور امي النفسي بسببهم للعلم امي ما كان بيدها تتطلق لانها يتيمة وكانت دايما تكرر انا جالسة عشانكم

@Askmuhami خلهم يروحون للقضاء احسن وهو بيقيم وضعك من ناحية راتبك متزوج وعندك اطفال وبيت ايجار لاتفتكر ان القضاء بياخذ نص راتبك ويعطيهم والمدرسة تدخل حكومي اما لاتحول انتبه بعدين يقلبون الطاولة عليك والقضاء حتى بينصفك تشوف بنتك تتعرف على اخوانها الله يسهل امرك ياولدي

من الخاص📩 السلام عليكم انا مطلق من ٦ سنوات تقريبا ولدي ابنه وعايشه مع امها انفق عليها ٧٠٠ ريال شهريا جد البنت كلمني ان المبلغ لايكفي الان البنت سنة اولى ابتدائي ويقول زيد المبلغ ولا بنرجع للقضاء انا بعد الطلاق بسنتين اخذت قرض من البنك وقرض من شركة تمويل وتزوجت ولدي ابن عمره سنتين وابنه عمرها ٩ شهور ولله الحمد ساكن ايجار وفي منطقه غير المنطقه الي كنت متزوج فيها زواجي الاول طبعا ما يخلوني اخذ للبنت ومره وحده اشوفها فالشهر واحيان يتمرقعون اذا جيت اشوفها ويصرفوني وانا مارجعت للقضاء علشان ما ابغى نفسية البنت تتأثر جدها مسيطر على كل شي وهو الامر الناهي وانا احتراما له ما قد سويت شي يزعلهم احترام للعيش والملح وكل ما اقوله باخذ بنتي تشوف جدانها وعمانها واخوانها يقول لسى البنت صغيره ماينفع وش الحل معه هل الجأ للقضاء او ماذا افعل امي وابوي ما شافو البنت الا ٣ او ٤ مرات من يوم انولدت لحد الان عمرها ٦ سنين ويقول احنا مدخلين البنت احلى مدرسة وال٧٠٠ اللي انت تحولها ماتسوي شي لازم تشوف لك حل ما العمل وكم تشوفون المبلغ اللي تستحقه ابنتي مع العلم انه لدي قرضين وبيت وزوجه واولاد ما ابغى اضلمها ولا ابغى جدها يهدد افيدوني اريد اخذ ابنتي تشوف اهلي وتتعرف عليهم واريد ان اعرف مقدار النفقه مع العلم كل ما قلت له ماعندي امكانيه يقول احنا في خير اذا بتدفع ال٧٠٠ لا عاد تحول شي حنا نصرف عليها قلت له هذي مقدرتي ولو عندي زود بزيد من غير تقولي للعلم هو عنده خير ومقتدر ويقول كلام ماله داعي وهو عارف حالتي الماديه وانا شرحتها له ويقول منت قد الزواج ليه تتزوج كلام كثير والله العظيم يعور القلب افيدوني ما افعل بالنسبه للنفقه وبالنسبه لبنتي ابغى اخذها اوريها اهلي وتقعد عندي كم يوم وارجعها لامها وشكرا لكم

@fawaz_dr وفي روايةٍ في "الصحيحين" عن أَبي هريرةَ ، من قوله: بِئْسَ الطَّعَامُ طَعَامُ الْوَلِيمَةِ؛ يُدْعَى إِلَيْهَا الأَغْنِيَاءُ، وَيُتْرَكُ الفُقَرَاءُ.

مشهد محفور لا يَبور وأنا ابن اثني عشر عاماً شاهدتُ أحد العمالة يأكل في حفل زواج، وجاءه أحد أهل الزوج أو الزوجة وسأله عن الذي دعاه، فتبيّن أنه جاء من تلقاء نفسه دون دعوة ليأكل مع الآكلين. المشهد ما زال محفوراً في ذاكرتي واللئيم يأمر العامل المسكين بالخروج، ووددتُ لحظتَها لو امتلكتُ ما يكفي من القوة والجرأة لأمسك بوجه اللئيم وأدعكه على المائدة دعكاً يشفي الصدر كما تَدعَكُ قَعْرَ القِدْر، لكنني اكتفيتُ بالخروج من صالة الطعام مع العامل. أنتَ لو كنتَ مكاني فماذا أنت فاعل؟