سامي سعد

المبسم المعسول.

وش اسود من شعرك الا .. العيون السود سوادٍ.. سود الله وجه من عافه يراودك السمار … وعاتقك ممدود كأن الليل يتسلق على اكتافه نواصي كل برق ف مبسمك معقود يشدون البدو مع يمة رهافه على هونك تدلل تشتهيك النود على ادنى ما تحب يميل هفهافه بعد لبّستك الما وانت مايس عود سحابٍ يرتوي به كل من شافه يرق لك النسيم وتستلذ عدود يزم العشب عوده من تغريافه ليا سلت عيونك رمشك المجرود غدا حالي بخير وجرحي معافه سمت فيك القصايد دامك المقصود يغنيها طرب من يعجبك قافه اخذني معك لا فاقد ولا مفقود انا أول من مشى وعيونه خلافه يحاول يكره .. وبرجع بحبك زود على ظلمه حريص اكثر من انصافه

يا هل الشعر طاب الليل والشعر طاب من معه خير عن وجه العرب لا يخشّه لا تروّح هقاوينا عليكم هَباب اقشر الناس من نفسه بنفسه تغشه المطر قد وصلنا يوم ناض السحاب واستحينا نبل كبودنا من مرشّه ماخذ اللقمة اللي في حلوق الذياب ما يلوعه هديل الورق من فوق عشه كان للعز والتاريخ والمجد باب من بعد الانبياء واصحابهم ما يدشه غير لبّاسة الماهود يوم الحراب عزوةٍ ذكرها بالطيب الانوج نرشّه عاوي الذيب باسماهم بروس الهضاب وباسط المدح لعيال السعودي فْرشّه صوب دولة هل العوجاء تعاج الرقاب من نباهم على وجيه الرياجيل بَشّه كل ما جا يطيح الدمع فوق التراب ما لقى غير كفٍ لاخو نورة يمشه دون الاسلام كم جرّع عدوّه عذاب وكم راسٍ زمى، من بين الامتان طَشه يدحم القوم بالسيف الحدب ما يهاب كل مفتول شارب في يدينه محشه

ارزمي يامخاييل السحاب وتهادي شوف عيني غصن من جور الايام هلاّ عاد غير الفياح ومقرعات التوادي تْهايل على قيعانها وتْفلاّ ولا انا تمطر الغيمه وتنبش فوادي ويتنامى حزن من غيثها ويتدلاّ ليت همي شناحٍ ترتع فـ بطن وادي كنت اهيجن على مقهورها واتسلاّ حادي العيس .. انا لجروح الاحباب حادي اتجرّع مرارة صدهم واتشلاّ هب يا شرهة الدنيا وقسوة عنادي ليتني كنت بـ الصبر الجميل اتحلاّ كان ماغيّبت الايام غاية مرادي واحدٍ حل بيته ب الخفوق وتولّى واهسي لـ القصيد و ملهمي واعتمادي غيبتي من دواعي غيبته لاتغلاّ عاد الافكار واجد والشعور متمادي يا يجي واتغنى في محياه ولاّ لو يزيد الغياب من الشواعير عادي ساحة الشعر يحكمها القصيد المملاّ ولا انا لو اهجرس واتعلى شدادي اتلدد واعاين ف المديح يتعلاّ شاعر ماتغنى كل ما ناح شادي و لو يغني على الطرق القصيّر تجلاّ ..

البارحه والقصيده سرها قدسي بالضبط ما تشبه الا حصان طروادة تبخترت لين ذاب الحبر في طرسي من بعدها جات مثل الريح منقادة من شفتني بعين نجلا شفت انا نفسي على الشواعير والسادات والسادة من غرة الصبح لين العسجد المكسي والكون كله اختلف ما هو على العادة ما غادر الليل عين ولا اشرقت شمسي الا بعد زينها .. المغرور بزيادة من علم الليل بين اكتافها يمسي ياما سهرته وطاول جفني سهادة ما كان شعري على رف الزمن منسي الصوت انا والصدى مدري عن ابعادة سؤالها غيّب الادراك عن حسي متخيل الجيد هذا ماله قلادة ؟ ما عاد اخليه لين يخلده هجسي مثل ما خلد ابن زيدون ولادة اظنها صادقة ما كذبت حدسي ليله مطرها خفيف وصوت ميادة احبك اليوم ولا احبك من امسي يا أول مواليد قلبي واخر احفادة

@3IBANI ههههههههههههه جذي انا و الذوق الرفيع 🤞🏽

@SameiSaad الذوق هذا من زمان ولا توه حدث طارئ

@suhailalmymoni عليك يابو محمد

@SameiSaad ياسلام ياسلام 👏

" ثلاثة حروف " سيّر على القلب ، واكسب فيه معروف ثم سلّم النوم لـ الطرف المسهّد ليتك من العام ويّا الدمع مذروف ما كان لا اوحيت طاريك اتنهّد حتى لو ان الحياة مطارد شفوف مابين مولد ، وسبابة تشهّد عمري توقف على ثلاثة حروف وعن الملذات فالدنيا تزهّد تغيب عنّي ، واحس بوحشه ، وخوف وترجع وقلبي من الفرقا ملهّد يا مذيّر الريم من حقّق بك الشوف حتى ولو ماهو بفهْد يتفهّد مدري متى بتعطف ، وبتحن ، وتروف احس كنّك على الفرقا تمهّد معاد اصدقْك ، واقبل منّك حْلوف الا ان تكتب على نفسك تعهّد

@6olxr صح بدنك يا مطلق

@SameiSaad لعب كباار ياسعد .. الله يصح لسانك

الحب تنكره القلوب السود من كثر النفاق ولا القلوب الخضر عايشةٍ عليه من الأزل - سامي سعد

اشهد انك قدَر .. مكتوب فاللوح كثرْ ما احاول ابعد عنْك.. ألاقيك عاد كانك نويت .. تصد وتروح لا تلفّت وراك .. الله يخليك مامعي غير قلب .. وصوت مبحوح صعب اشوفك تروح ، وصعب اناديك – سامي سعد

من بين مئات اللوحات التحذيرية التي صادفتها اليوم في المدينة ، كانت رؤيتك واقف من بعيد ، بمثابة لوحة كُتب عليها "منطقة آمنة".

@51_z1 هههههههههههههههههه ❤️❤️

رجع حسابه @SameiSaad

تخافين المطر لا يبلل ثيابك ؟ تخافين الرعد لا يرعب أحبابك ؟ تخافين أن لمع هالبرق يبيّن كل ما تخفين " ابركض فالمطر وابتل وأذا أرعبك المطر ليله أنا أرعبني الجفاف سنين " - سعد الحريّص

I was sincere when I wrote that

يا كل الاسرار ما يدري بك الا الله توبي و انا تبت و التوبة هي التوبة - مشعان البراق

@yvvuuy يالبيه

6 أبيات