Sharvaan

#HappyBirthdayRajinikanth ரஜினிகாந்த் அவர்கள் நடித்த படங்களில் அவரது கேரியரை அடுத்த கட்டத்திற்கு நகர்த்திச் சென்ற படங்களாக என்னுடைய பார்வையில் 5 படங்கள். முள்ளும் மலரும் கோபக்கார இளைய தலைமுறை அத்தனை பேரையும் மொத்தமாக வசீகரித்த படம். அவர் காட்டிய அண்ணன் பாசம் பெண்களையும் கவர்ந்தது. முரட்டுக்காளை இதற்கு முந்தைய ரஜினி படங்கள் எல்லாம் நகரத்து இளைஞர்களை மிகவும் கவர்ந்தவை. கிராமத்து ரசிகர்களையும் தான். இந்தப் படம் அதுவரை ரஜினி ரசிகராகாத மீதமிருந்த கிராமத்து இளைஞர்களையும் அவரது பக்கம் கொண்டு வந்து சேர்த்தது. அதேபோல ஆக்சன் விரும்பிகளான சிறுவர்களையும் அவர் பக்கம் தள்ளியது. தம்பிக்கு எந்த ஊரு ரஜினி படம் என்றாலே குடும்பத்தோடு தான் போயாக வேண்டும். ஒரு குடும்பத்தில் உள்ள எல்லோருக்கும் தேவையான அனைத்து பொழுதுபோக்கும் ஒரு சூப்பர் மார்க்கெட் போல ரஜினி படத்தில் கிடைக்கும் என்ற பிராண்டை விதைத்தது இந்தப் படம் தான். தில்லுமுல்லு படத்திலும் அதற்கு முந்தைய படங்களிலும் காமெடி ரோல்களில் நடித்திருந்தாலும், இந்தப் படத்தில் இருந்து தான் சிறுவர் முதல் பெரியவர் வரை ரசிக்கும்படியான ஆக்சன் பிளஸ் காமெடி காம்போ ரஜினிக்கு பக்காவாக அமைந்தது. அண்ணாமலை ரஜினிக்கு ரசிகர்கள் எண்ணிக்கை ரீதியாகவும் பட வியாபார சம்பந்தமாகவும் அதற்கடுத்த எல்லைகளை வென்று கொடுத்தது இந்தப் படம். அடுத்த 10 ஆண்டுகளுக்கு ஒரு பக்காவான டெம்ப்ளேட்டை ரஜினிக்கு அமைத்துக் கொடுத்தது. சிவாஜி ரஜினி திரைப்படங்கள் தேசிய அளவில் பேசுபொருளாக, எல்லையற்ற வியாபாரம் கொண்டதாக மாற இந்த படம் ஒரு முக்கிய காரணம்.