sarah

@Askmuhami بعد تبين نفقه سود الله وجهك صدمتي عيشته الرجال داخل للحياه مندفع وانتي من اول يوم تتشرطين واربع شهور كبده تفحس مداعبه بس والله عيب عليك واذا ماخاب ظني في احد محفظك الدرس احرميه يعطيك!!!! الحين عطي الرجال حقه خليه يترزق الله مع وحده تقدر رجالها والحياه الزوجيه

من الخاص📩 السلام عليكم تزوجت شهر ١٢ وبعد الزواج بيوم تمشكلنا على موضوع صغير وقلت له ماتقربني أبدا لين تكمل هالشيء وفعلا مرت ٤ شهور ماقربني بالمره غير مداعبات.. والان جابني عند اهلي قال ابي فلوسي كامله لاني مادخلت عليك مع العلم كان اتفاق ماتقربني لين يصير هالشي وقال تم بس الآن تغير رأيه ويطالب بفلوسه وانا لي شهر ونص عند اهلي لا نفقه ولا طلق ولا ردني مع العلم أرسلت له لكن مطنشني ايش الحل ؟

@Askmuhami انا استخير اذا جيت احول ل اهلي كيف عاد شخص ماعرفته الا من موقع زواج وقد يكون محتال نصاب كذاب حرامي!!! شفيكم بنات انتو تاخذون فلوسكم بالراحه ولا بتعب وجهد كيف تصرفونها على مين ماكان شلوووووون!!!!؟

من الخاص📩 السلام عليكم اولًا بدون اي كلام ماله داعي تمامًا ، واعرف غلطي واني غلطانه .. موضوعي انا كنت ابحث عند خطابات للزواج ، وجاني شخص طلب التواصل معاي رفضت بالبداية رفض قاطع تمامًا ، بعدها تواصلنا و قال لي انه موظف و ان اموره تمام و عال العال ، خلال تواصلنا اكتشفت انه مفصول من دوامه بعد اصرار مني انه يعترف بهالشيء و قال مدة فصله سنتين وبعدها يرجع ، المهم والاهم خلال هذي الفترة كان يطلب مني مبالغ ماليه وصلت المبالغ حول ال٨٠ ألف ، كانت كلها تحويلات بنكيه وللاسف غلط مني ان سبب الحواله كنت اخليه شخصي يعني ما اكتب فيه شيء حاليًا لي اكثر من ٣ شهور اطالبه بفلوسي او على الاقل ارفع سند يثبت حقي رافض انه يعطيني رقم هويته ، و لما ارسل له بالواتس مطالبه بالفلوس ما يرد علي ، يرد على كلامي بالسناب عندي كامل محادثات السناب وهو يقر ان عنده مبالغ ماليه لي طبعًا هذا مختصر للقصه كامله ، ايش الطريقة القانونيه اللي اقدر فيها ارجع حقي كامل ؟ علمًا بأنه كنت حتى اطلبه اثناء مكالمات السناب انه يفتح كاميرا فيديو اشوف وجهه نفس الصور اللي يرسلها لي او لا ، للاسف كان يرفض ويفتعل مشكلة ، وضح لي انه انسان كذاب او محتال او نصاب و متمرس لهذي الشغلات بسبب التصرفات اللي كانت تبدر منه

@Askmuhami اذا جت الشوفه جهزي اسألتك ولاتخافين ادخلي في عيونهم هذي فرصتك

من الخاص📩 السلام عليكم أنا عمري ١٧ وقريب عقد قِراني أهلي شاوروني ع الرغم من عدم تقبلي للموضوع إلا وأنهم ماكانوا يعطوني مجال للرفض كلموني وانجبرت أستخير ومن بعدها ب اسبوع شوفتي! م اعرف عن الولد اي شيء غيييير اسمه وشغله ولا اعرف كم راتبه او عمره او حتى مهري حاولت اسأل عن عمره في ناس تقول لي ٣٠،٢٩ وأهلي يقولوا ٢٦،٢٧ واحس مافي مصدر موثوق وأهلي مصغرينه عشان أوافق كيف التصرف ف هذه الحاله؟

@Askmuhami جعل 🤚🏽العطب😬💔

من الخاص📩 السلام عليكم كنت متزوج وحدث خلاف بيني وبين زوجتي بسبب تزوجت عليها زوجه ثانيه وقبل الدخول بالزوجه الثانيه نرفزتني وضربتها واشتكت وتوقفت في لقسم الشرطه ورفضت تتنازل الا بورقه بمبلغ 120000 ووافقت مضطر لكي تتنازل لان مده الشفاء توجب السجن وبعد فتره ذهبت الى اهلها ورفضت تعود الا بورقه ثانيه فيها مبلغ 157000 [شامل المبلغ الاول ] وبشهاده خالها الذي اصلح بيننا بأنها لو اشتكت انه يشهد ان مالها شي ووافقت مجبرا لحفظ بيتي وعيالي وبعد 6 سنوات تقريبا خلعتني واشتكت في المبلغ مع العلم انها كانت تعطيني على سبيل هبه وعطاء وليس سلف او قرض فما هو الحل لان الجلسه بعد 3 اسابيع افيدوني جزاكم الله خير

@Askmuhami يراسي ميه الف ؟ ليتها سحبتها منه من اول مخالفه

من الخاص📩 السلام عليكم زوج بنتي اشترى سيارة باسمها وارتكب مخالفات بمبالغ حوالي مئة الف ريال وهو معترف بالمخالفات والآن أبغى اشتكيه في المحكمة كيف الطريقة ؟

@Askmuhami اتتوقعين فيها فلوس ومخليها يالسياره!؟ الراجحي يطلعون البطاقه ذي لاي احد عادي انا طفرانه وعندي البلاتينيه🤣

من الخاص📩 السلام عليكم انا توي متزوجه لي 7 شهور وزوجي عسكري حسب كلامه راتبه 7000 فقط ولايبقى منها الا 3000 لان عنده ايجار واقساط البنك ، المهم لاننا تونا ببدايه الزواج مراعيه ضروفه اكيد ، المهم انه مايحب يحول لي مصروف ابد ولايحب هالكلمه لابغيت السوق يوديني وينزل معي يحاسب ببطاقته و مااخذ راحتي ولا اقدر اطلب لان ماعندي شي ادفعه ، المهم لقيت مره بدرج سيارته بطاقه بلاتينيه بأسمه اللي اعرفه انها للي دخلهم عالي صح والا انا غلطانه ؟ليش ممكن تكون معه وهذا وضعه ؟ ، ويقدر يطلعها للادخار مثلا يحول عليها ويجمع فلوس ، انا احسنت الظن وقلت ممكن يجمع فلوس عشان مستقبلنا وكذا ، افيدوني جزاكم الله خير

@Askmuhami نصيحه للبنات لا تخلينه يختلي فيك جنسيا الا بعد الزواج الرسمي الكبيرررررر غير كذا انحاشي حتى لو عاقد عقد عليك المجانين اللي زي كذا مالهم امان

من الخاص📩 السلام عليكم زوجي كنسل الزواج قبل الزواج بشهر بعدها تواصل مع ابوي وقال مابي بنتك وورقتها بتجيها بعدها راح حجز قاعه وفندق للزواج وهو مكنسل لإثبات انه يبيني وانه لحظه غضب وتراجع وانا اللي رافضه ورفض الصلح بعدها(رفع بالمحكمه فسخ زواج وارجاع المهر كاملاً مع الشبكه وانكر الخلوه وبعد ماقلت انه هو اللي عايف اضاف لصحيفه الدعوى مع الفسخ لامانع لديه من اكمال الزواج (وسألني الشيخ ماعندك مانع قلت اي لان مدري وش اقول) وردت دعواه الحمدلله ،ومن بكرا بعد ماردت الدعوى صار يرسل لأبوي اكثر من مره ويدق وانه اتفقنا امام الشيخ انا وبنتك بإتمام الزواج واني ابيها وبحدد موعد معك نجتمع ونحدد يوم للزواج ويدق كل يومين وحنا ساكتين ماندري وش الحل له ٣ شهور مستمر يرسل لابوي واتساب ومانرد عليه وش الحل برأيكم انا مابي اكمال الزواج ولاالخلع لان ماعندي فلوس وهو يبي الرفض يجي مني علشان يسترد المهر مع ان الرفض جاء منه بالبدايه وش الحل

@Askmuhami اذا تبين عيالك خذيهم عندك وخليه يدفع لك نفقه كبيره وسكن ومصاريف كامله مكمله واحتوي عيالك حتى تقدرين تتزوجين وعيالك معك اما هو حرام تضيعين ورعانك معه دامه عديمً مسؤليه حسب كلامكً

من الخاص📩 السلام عليكم زوجي أرسلي مسج وصلنا مفترق طريق حاب ننهي الموضوع بهدوء عشان أولادنا طبعاً هو يبي يفتك من مسؤولية الزواج لأن فيها مخرج على قولته ماني مجبور اتحملك منت أمي أوأختي ولما جيت أتناقش معاه مصر عالانفصال بس لاحظت جمله غريبه ماأعرف أيش وراها ((يقولي خلينا نتفق تاخذين الاولاد طول العمر والا اخذهم انا)) قرري وهو يكذب أما شايف له شوفه وشارطه عليه بدون أطفال أو يبي يلوي ذراعي بتعلقي بأولادي وبيساومني ويخليني كنبه ببيته للمعلوميه هو عديم مسؤوليه مستعد يدفع فلوس مدارس عماله اي شيء المهم مايتحمل مسؤوليه ان خذت الاولاد حققت أمنيته وتخلى عنهم وإن خليتهم مادرى عنهم هو ولد أمه يبي يظلم زوجته واولاده عشان يرضي امه واخواته ويمارس حريته وسهره وسفراته شوروا علي اسكت واسلك ولا ادري متى ينتهي من حاجته لي ويطردني او انأى بكرامتي وأطلع من بيته وأخلي أولادي علماً إنهم صغار بس آخذ بيت قريب لهم وأزورهم وأتطمن عليهم كل يوم يايرجع رجعة رجال يايروح مراح جدي!!

@Askmuhami خلها ترفع هي الخسرانه ارسل لها الله يقويك😴

من الخاص📩 السلام عليكم استفسار انا منفصل واحول لطليقتي 3000 ريال لطفلين بدون محاكم ولا شي طيب مني مع العلم ساكنه عند اهلها ومرسله لي زيد النفقه 500 لكل طفل ولا بشتكي مع العلم راتبي9800وعندي قرض. هل الشيخ بيحكم بزيادة النفقه وشكراً

@Askmuhami كل هذا وصابره بعد 🙄

من الخاص📩 السلام عليكم زوجي تزوج اجنبية م….زواج غير موثق من اكثر من ١١ شهر وقلت قضاء الله ارضى واصبر ولاطلبت رضاوه مثل غيري حافظة على العشره ٢٤ سنه وعلى بيتي قايمه بكل واجباتي وووجب اهله واقوم بعزايمه ووقفت معه وساندته بعد كل المشاكل والهجر والطرد من البيت وارجع عشان عيالي والحين فتح للأجنبية بزنس مكياج لانه جايبه فيزة ((عامله )) عشان النظام يقول انا مستفيد منه ياخذ المبلغ له وهي يقول اعطيه منه قليل قلت من باب العدل افتح لي مثله قال انتي عندك وظيفه ؟؟ اللي يغبن وحسيت بطلمه وعدم عدله انه قبل زواجه اكل حلالي اخذ بطاقتي بالغصب وشراء سيارات باسمه وتحويلات لحسابه واثاث البيت واشياء كثيره يعني فلوسي تاكله وتسرقه وهي تفتح له مشروع بارده مبرده انا ماحسدته بس العدل وينه ؟؟ هذا اللي يغبن وين العدل اذا تخاف الله وانا قايمه بكل شي حرفيا لعيالي من سفرات طلعات كماليات حتى بنزين السياره لمدارسهم لانه يرفض يعطيهم وماابي احرمهم وش الحل معه كيف اخذ حقي اللي عنده حتى عيالي فلوسهم حرمهم منه لاشراء لهم سيارات ولااستفدوا منه ( بطاقتي معي الحين ) كيف اخذ حقي وكيف اعرف ان شغله معه كله غير نظامي

@Askmuhami حطو سدادات للبيبان عشان ماتجيكم الريحه وشغلي فواحه بالبيت وخلو الجار في حاله منعا للمشاكل وفقكم الله

من الخاص📩 السلام عليكم عندنا جار مؤذي في عماره سكنيه شقق يوميا يشب حرمل وجاوي ولبان و اشياء شعبيه تزعجنا الريحه و يصعب علينا التنفس حيث ان الريحه كلها تدخل شقتنا تكلمنه معه بالطيب لكن اسلوبه غذر وغير متربي و حاولنا نحلها مع راعي العماره لكنه ضعيف ولا بيده حل وش الجهه الي نتواصل معها وهل لنا حق او لا و شكرا لكم

@Askmuhami لاتخاف خلك قوي وواثق بنفسك ولا تخبي اي شي من اللي تعرفه وصار بينكم الحق تراه معك الحققققق معك بصراحه اللي مثلها قسم بالله ماتتعاشر عقب اللي سوته ولو رجعت اك بترجع وانت كارهها وهي كارهتك ف لا تتمسك اهم شي عيالك حاول تطلع ب اقل الخساير

من الخاص📩 السلام عليكم متزوج وعندي ولدين وزوجتي تركت البيت بسبب اني رفضت اكفل اخوها ببنك التسليف وانا ما ابي اضر نفسي لو صار شي بالكفاله، الحاصل تركت البيت وراحت لأهلها مع اخوها بمنطقه تبعد عن مدينتي ١٠٠٠ كيلو ولا اقدر اروح اشوف عيالي كل فتره احول مصروفهم فقط، زوجتي رفعت قضيه تبي نفقه لها بحكم انها عند اهلها اتهمتني اني انا الي طردتها من البيت مع ان فيه رساله واتس منها تقول (الي ما فيه خير لاهلي واخواني وهم في حاجاته ما اقعد معه دقيقه ) يوم جات جلسة المصالحه من ضمن طلباتها ما ارجع له الا يستأجر فله بدل الشقه عشان اهلها يجون المدينه الي احنا فيها ويكون المكان وسيع لهم قلت ما تزوجت اهلك معك، وقالت للمصلح اني انا مافيني خير لأهلها، بكره جلستي بالنسبه لنفقة الاولاد كم بيحكم القاضي مع العلم راتبي ١١٠٠٠ وعلى قسط سياره واحول للاولاد ٢٥٠٠ شهريا والزوجه ما احول لها شي، وهل بيحكم لها نفقه ماضيه وهي عند اهلها، وهل فعلا ان الشرع يخليني اكون ملزوم في اهلها ويفسخ النكاح عشان السبب هذا

@Askmuhami عاجز وفاكك من شره ومخليك ترقدين وتقومين ع راحتك وماسك المسوليات والمصاريف عنك ابركلك خلي راتبك لك وعيشي وسافري وانبسطي واشتري وسوي اعمال خيريه لاخرتك خلي عنك الانفصال مهوب حل

من الخاص📩 السلام عليكم انا متزوجه من عمر ١٩ ومعي بنت ولدين الحمدالله عشت مع زوجي ٢٥ سنه وكبرو العيال ماكتب الله انجب غيرهم وزوجي جاه عجز مبكر ٧ سنوات مايجيني عمره ٦٨ وانا عمري ٤٧ هل يحق لي افسخ النكاح وهو ساكن معي بالبيت من غير ماينفق علي من اول زواجنا الا الان وانا عشان العيال مابي يصير تفكك بالاسره والان العيال كبرو الحمدالله وانا موظفه اصرف على العيال والبيت وش تنصحوني فيه

@Askmuhami تفتيش الجوال لحاله عليه عقوبه

من الخاص📩 السلام عليكم ابنتي متزوجة منذ سنه عمرها الان 26ولكن بعد زواجها بشهرين لاحظت تغير جذري في تعامل الزوج معها في كل شي اشتكت لنا وطلبنا منها ان تبحث عن السبب واجهت الزوج وتعذر بالظروف المادية ومصاريف الزواج والبيت ( علما بان وظيفته ممتازة)بعدها بحثت بنتي بجوال الزوج ووجدت للاسف تدخل من ابو الزوج في كل شاردة وواردة (وبلغ به الامر التدخل في العلاقة الزوجية ويطلب من ابنه ان يهجرها وهذا ماتم فعلا هجر لمدة شهرين لمرات عديدة )وهو من يقوم بتسيير الحياة الزوجية في البيت حتى في الإنفاق يوجه ابنه بعدم الإنفاق حتى على الطعام وانه بماان الزوجة موظفة (محاظرة)فيجب عليها أن تشارك بالنفقة بالنص واذا رفضت يطلب منه ان يطلقها بحجة ان راتبها جيد وانها انانية ( المهم ابنتي صورت المحادثات فيديو مع اثبات رقم الاب ) السؤال ما هو التصرف الصحيح في هذه الحالة

@Askmuhami احمدي ربك ولد واحد مو اربعه بالعكس ال١٠٠٠ كفايه بس حطي مصاريفه لحاله لاتصرفين منها واخذي المهم والاهم مو كل شي تم وسجلي انتي وياه في الضمان وحساب المواطن،، مابي اقول انك طماعه بس خليك عند اهلك ماراح ينفعك السكن لحالك حتى لو طليقك غني هذا شي يخصه اطلبي بالمعقول

من الخاص📩 السلام عليكم انا طليقي رجل أعمال غني و طلقني قبل ٣ شهور و عنده زوجات ٣ و انا الرابعة و عندي طفل منه عمره ٧ سنوات و ما عندنا سكن الحين حرمنا من دخول البيت و طلعنا بالقوه من البيت و قطع عنا المصروف و بعد الطلاق رفعت دعوى نفقه و بطلوع الروح وافق على ١٠٠٠ ريال فقط لا غير و لا تكفي مواصلات و مصاريف مدرسه و مأكل و مشرب و ملبس و ما اقدر ارفع زياده الا بعد سنه و حالتنا حاله ما يعلم فيها الا الله و رافض يزور الولد و يهتم فيه و مقصر جدا معنا و رافض يكون معي صك حضانه و رفعت عليه دعوى سكن لأني ما عندي سكن و غير موظفه و ظروفي صعبه هل القاضي بيحكم لنا بسكن و بيلزم طليقي يزيد النفقة و يصدر لي صك حضانه ؟ لأني مره تعبت و عانيت كثير 😔💔

@Askmuhami انت الحين زعلان ومتضايق اركد شوي وتنفسسسسس وهدي الوضع وطنشششششهم ورتب افكارك خل عيالها معها ويجونك زياره دامك مصلي وصايم كل البنات يتمنونك بس الحين لعاد تتواصل معهم اختفي شوي خلهم يستغربون اختفاءك واي شي يبون عياله سوه لهم وتوجه لربك بالدعاء بالايام الفضيله اهم شب تواصل معها لا👍🏼

من الخاص📩 السلام عليكم انا طلقت زوجتي وارجعتها بالنظام ولم ترجع لبيت الزوجية رفضت وظلمتني عند الشيخ وكذبت بأني اضربها واني طردتها من البيت ووالله انها كاذبة. طبعا قلت اذا خرجتي من البيت فأنتي طالق هي سمعت هذه الكلمة وكأن هدية نزلت عليها من السماء .طبعا خرجت قبل ذلك وسامحتها والآن كررت نفس العمليه بتخبيب امها واهلها وهي انكرت العشرة والود والتضحيات منذ اكثر من 15 سنة لا يجي احد ويقول اكيد انت مسوي ومسوي . انا صايم مصلي واخلاقي عاليه والكل يشهد لي القريب والبعيد وكل من عاشرني يشهد لي ولله الحمد . الآن النفقة والحضانة معها ما الاجراء اللي آخذه هل ارفع بصحيفة دعوى او ماهي الطريقة او ارفع نزع حضانة اللي فاهم بالنظاااام يعلمني الله يجزاكم خير اسأل الله العظيم رب العرش العظيم ان ينتقم ممن ظلمني وخببها في هذة الايام المباركة واسأل الله ان يهديها واقسم لولا اطفالي لو يوزنونها ذهب ما ارجعها

@Askmuhami حتى انا مو مرتاحه لكتابتك💔🤣

من الخاص📩 السلام عليكم انا خطبت بنت ماشاءالله اهله واهي وانعم فيهم ملكة عليه شهر شهر الثاني طلقته اللي سمعته بنت تضرررت من طلاقه سمعته تضررت نفسيته حيل اخوها اتصل علي يقول بنبرة صوت عالي جدا بصرخ من بدايه ماتبي الزواج ليش تملك على أختي تعبت نفسيته قام يدعي علي يقول حمد ربك اختي راضيه فيك انت موموظف رضت فيك على أخلاقك شترينه الرجال على رجولته انت تعلب معانا شهر تملك شهر طلق مع العلم سببب طلاق مارتحت كيف اتصرف مع أخوها قليل ادب مومحترم انا طلقت يتكلم معي مشكله يهدددني اقدر اتوجه القضاء شورو علي

@Askmuhami لا تسوي ولا شب غير انك تبعد زوجتك عن امك واختك وخل علاقتها فيهم رسميه ثاني شيزعليك بالدعاء ثم الدعاء ثم الدعاء وربي بيفرجها عليك للمهم ماتخسر امك وزوجتك

من الخاص📩 السلام عليكم انا متزوج قبل سنة ونص من انسانة زرع الله محبتها في قلبي وصار بيننا حب ومؤدة الحمدلله، طبعاً الانسانة هذي انا مختارها وهي تصير اخت صديق مقرب لي جداً شفتها بالغلط ومن اليوم الثاني رحت وخطبتها وحمدلله صديقي وافق لان ابوها متوفي، المهم أمي واختي الكبيره كانوا رافضين لانهم كانوا ناوين هم يختارون لي بس انا ماكنت ابي احد يختار لي لاني استخرت وربي كتبها لي، المهم ومن يوم تزوجت وامي واختي اسلوبهم سيء جداً مع زوجتي ويحاولون يدورون عليها اي غلطة بس عشان يقولون لي تزوج عليها او طلقها، طبعاً زوجتي انا مفهمها وقايلها لاتقول ل احد وانا راح احل هالمشكلة، وقلت ل امي خلاص بسكنها في بيت لحالها وعصبت وقالت والله لو ما تزوجت الثانية اني مو امك ولا عاد تقابلني طول ما انا عايشة طبعاً امي قلبها لين بس المشكلة اختي الكبيرة هي اللي تقولها وقبل فتره كذبت على زوجتي انها تكشف في السوق قدام الناس، وزوجتي كل يوم تبكي انا ما اقدر اتحمل والله ومعلق بين اربع نيران هل القضاء يقدر يساعدني في شيء بس بدون ما اضر امي ؟

@Askmuhami مفروض ماتزوجت لين لقيت اللي ترضى بولدك اما تحطها قدام الامر الواقع لا

من الخاص📩 السلام عليكم أم ولدي طلبت الطلاق وأصرّت ولا تريد ولدنا أبدا سرّحتها بإحسان بعد إصرارها، خطبت ويرفضوا لأن لدي ولد ، تمت الموافقة وتم الزواج من إبنة أحد الأسر ، وبعد الزواج قالت الزوجة ليس لي علاقة في ولدك أبدًا ولا تكلمني في مسؤوليته لا أكله ولا ملابسه ولا أجلس معاه وقت دوامك أبدا ولا شي والله تعبت نفسيتي ولا أعلم مالحل خسرت ومديون مع العلم أن لدي زوجة وأبناء رفضوا هذا الولد ولا يفعلوا لي شيء وأنا قائم بواجباتهم كاملة لا أكل ولا نوم ولا أدنى تقدير ، وليس لدي أخوات لكي يعيش معهم الطفل ، مالحل

@Askmuhami اسكني انتي وزوجك معهم وارتاحو من الاجار

من الخاص📩 السلام عليكم أنا امرأة توظفت حكومي ولله الحمد وراتبي ١٣ الف ريال ، بسبب وضع اهلي المالي ، اضطرّيت اشتري بيت ملك للعائلة بقرض من البنك لمدة ٢٠ سنة ، ٦ آلاف شهرياً ، على اساس ان يكون الدفع مشاركة ، أنا ادفع ٣ آلاف و ١٥٠٠ من اخوي ( يعمل في قطاع خاص ) و ١٥٠٠ من والدي ( متقاعد) ، بحيث يحولون المبلغ لحسابي، ، كانت الأمور ماشية تمام، و لكن بعد سنة من القرض ، توقف اخوي وابوي عن الدفع معي بحجة عندهم التزامات مالية، استمرّ الوضع إني ادفع ٦ آلاف شهرياً و وقتها ماكانت عندي التزامات، مر على القرض ١٠ سنوات و متبقي ١٠ سنوات ، أنا الآن متزوجة و عندي أطفال ، والحياة أصبحت غالية ، ماعاد يبقي من راتبي شي ، كله يروح لأساسيات الحياة، و صارت عندي التزامات اكثر لنفسي و لأطفالي ، بالرغم من ان زوجي مايقصر معنا لكن الحياة أصبحت غالية ، هو يدفع ايجار البيت و الفواتير و مقاضي البيت و الأساسيات ، وأنا ادفع قيمة الحضانة و الروضة لأولادي حدود ٥ آلاف شهرياً لأني موظفة و مضطرة اوديهم خاصة يكون وقت دوامهم اطول ، حتى سيارة ماقدرت اشتري اللي خاطري فيها، اشتريت سيارة بسيطة على قد الفلوس اللي عندي، انا الآن ساكنة ايجار مع زوجي ، و البيت يسكن فيه اهلي ، و دي أتخلص من هذا القرض اللي استنزفني مادياً لكن مو عارفة كيف، و لا قادرة أبيع البيت لان امي و أبوي وأخوتي يعيشون فيه و ماعندهم مصدر دخل للإيجار . هذا الدين أ تعبني نفسياً لمدة ١٠ سنوات و متبقي له ١٠ سنوات ، والله إني في هم ما يعلم فيه إلا الله.