مواطن

كلام شمس الكويتية عن نظام الطيبات أشعل السوشيال ميديا!

كيف تربح السعودية من AI ووش يقصدون المسؤولين في السعودية مثل سمو ولي العهد و السواحة يوم يتكلمون عن Tokens والذكاء الاصطناعي والطاقة؟ بشرح لكم الموضوع بإختصار وفقط تحتاجون تقرون ربع المقال للفهم، اما الباقي للمختصين والهواة بال AI يتم تمثيل كل كلمة برقم، مثلًا كلمة "أنا" يمكن نمثلها برقم 551 وكلمة ماجد يمكن 342 وهلم جرًا، هذي الارقام يسمونها توكن، وبمجرد ما تتحول الكلمة الى توكن يتم ارسالها الى معالج يسمى ترانسفورمر يعالجها .. قبل ما اشرح لكم وش يسوي لها المعالج، خلوا اعلمكم الدور اللي السعودية تبغى تلعبه واللي يتكلم عنه السواحة كثير. في الذكاء الاصطناعي LLM زي جيمناي وكلود وChatGPT هذي التوكن تعتبر هي العملة الأساسية، نقدر نسميها عملة الذكاء الاصطناعي نظرة السعودية للموضوع هي نظرة من ناحية الطاقة. يوم تسأل الذكاء الاصطناعي أي سؤال، يبدأ يسوي عمليات رياضية كثيرة بشرحها بعد شوي، هالعمليات يسويها عشان ينتج بس توكن واحد يعني لكل توكن يحتاج معالج GPU زي Nvidia H100 انه يسوي ملايين العمليات الرياضية، ومهو حي الله عمليات وانما عمليات كسرية او مايسمى floating-point operations او الاختصار حقها FLOPs فقط عشان يتنبأ بالكلمة القادمة كل FLOP او عملية رياضيات كسرية تستهلك جزء من الطاقة نقدر نحسبه بالجولز Joules الوحدة الرئيسية للطاقة. وكل هذه الطاقة تنتج حرارة تخلينا نحتاج كهرباء زيادة لتبريدها. وهنا يجي دور السعودية .. السعودية تعتبر الذكاء الاصطناعي سلعة commodity زي النفط، فنظرة السعودية هي : المدخل: ضوء الشمس "طاقة شمسية" الجهاز: مراكز بيانات مليانه GPU كروت من Nvidia القوية المخرج: توكنس ( ارقام تمثل كلمات وصور وغيره ) لو كان يكلّف مايكروسوفت 0.05 دولار من الطاقة لإنتاج مليون توكن في فرجينيا، السعودية تقدر انها تنتج نفس الشيء بمقابل فقط 0.01 دولار لأن عندها طاقة مجانية وهي اشعة الشمس، وطاقة رخيصة وهي النفط .. تفوز السعودية اقتصاديًا هنا السعودية تحاول تكون محطة وقود الذكاء الاصطناعي بالعالم كله، بحيث تكون هي مكان البنية التحتية لأعظم نماذج الذكاء الاصطناعي وهي موفر الطاقة له، وتكون المصنع الرئيسي له. يمكن تتسائلون كيف تربح السعودية؟ ببساطة هي تعامل AI كالنفط لو انتاج توكنس يستهلك10 كيلو واط بالساعة، بتكون التكلفة: أمريكا 1 دولار السعودية 0.10 دولار يوم السعودية تبيع هذي القدرة الحوسبية لشركة امريكية او بريطانية بمقابل 0.50 دولار بتوفر الشركة 50% والسعودية تربح 400% الان نرجع للتفاصيل التقنية .. للهواة والمهتمين كثير منكم يمكن يتسائل ليه مانستخدم معالج عادي لمعالجة هالكلمات بما ان المعالج فيه ALU او وحدة عمل الرياضيات والمنطق .. السبب هو ان الذكاء الاصطناعي قائم على نظرية الاحتمالات والاحتمالات هي دائمًا مابين 0 و 1 ونحتاج فيها كمية مهولة من الأرقام الكسرية زي 0.002432 وماشابه المعالج العادي غالبًا راح يستخدم integer ويحول الرقم الكسري الى اقرب رقم كامل. ولو اخترناه عشان نمثل الاحتمالات بأرقام عاديه مهي كسرية، بعد شوية عمليات ضرب راح نوصل لأرقام خيالية تسبب overflow لا يستطيع المعالج معالجتها. لهذا الغرض نحتاج نوع خاص من المعالجات اسمه FPU او Tensor مهمته يسوي هالعمليات الكسرية بأرقام صغيرة. هذي المعالجات تمنحنا فرصة انا نستخدم فاصلة بين الأرقام ثم نحرك الفاصلة يمين ويسار كما نشاء ولهذا تسمى معالجات floating point او معالجات الفاصلة العائمة .. فلو وخرت الفاصلة لأقصى اليسار قدرت تستخدم ارقام صغيرة تمثل أمور ذرية، ولو وخرتها لليمين قدرت تستخدم ارقام كبيرة تمثل حتى المجرات. عودة للذكاء الاصطناعي سوفتويريًا يوم تكلمت عن الكلمات وكيف تتحول الى توكن، لازم أوضح ان هذي الكلمات ما تروح وحده وحده وانما تروح كجمل كاملة. فمثلًا: انا اسمي ماجد تصير كذا: 551 342 125 هذي المجموعة من الكلمات او التوكنس يوم تنرسل الى المعالج السوفتيري اللي اسمه ترانسفورمر يتم تسميتها Input stream يعني تيار المدخلات بعد ذلك، كل كلمة يجب إعطائها بعض الصفات، وأول صفة يجب ان تعطى لها ان يكون لها متجه او vector، وش معنى هذا؟ المقصد انه لو عندنا كلمات كثيرة داخله لهذا المعالج وخلوا نقول انها كلها محشورة داخل شكل مكعب نبي الكلمات المترابطة تكون جنب بعض بنفس الزاوية او الاتجاه .. مثلًا كلمات متشابهة زي أنا، أنتم، هم، نحن، الخ نبيها تكون جنب بعض نفس الشي كلمات مرتبطة ببعض زي: ماجد، ذكي، كريم، شجاع، طويل، عريض المنكبين، الخ امزح ههههههههه المهم الكلمات المترابطة تكون جنب بعض .. الصفة الثانية اللي نحتاج نعطيها كل كلمة، هي مكانها بالمجملة. فكل كلمة لازم نعرف موقعها. مثلًا جملة: انا احب الشمس. أنا رقمها 1 أحب رقمها 2 الشمس رقمها 3 الان وش صار؟ المعالج او الترانسفورمر وصلت له الكلمات، وكل كلمه صار يعرف وش علاقتها بالكلمة الثانية وصار يعرف حتى موقعها من الجملة بعد ذلك تذهب هالكلمات الى خوارزمية سوتها قوقل اسمها Self attention تدرس هالكلمات وتشوف علاقتها ببعض ثم تعطي كل كلمة شي يسمى weight او وزن او مايسمى بمجال معالجة الاشارات fourier coefficient وهو مجرد رقم يعلمك درجة أهمية كل كلمة وهل المفترض تكون هي الكلمة القادمة او لا فلو كتبت جملة له مثل: الجو جميل و هو راح يعرف ان الكلمة الجاية "مشمس" لأن رقمها الاحصائي مرتفع وهو الرقم اللي يفيد الترابط بينها وبين جملة "الجو جميل و"، وهذا الرقم بيكون كسري مابين 0 و 1 لانه بالنهاية مجرد احتمال بينما لو الكلمتين مالهم دخل ببعض تجد ارقامهم الاحتمالاتية صغيرة جدًا، مثلا لو ادخلت جملة: "الجو مشمس و" ثم الترانسفورمر شاف كلمة "بطاطس" بيلقى ان احتماليتها 0.1 او 0.2 عكس كلمة "جميل" اللي احتماليتها 0.9، ومن ثم راح يأخذ كلمة جميل يستمر تعليم الذكاء الاصطناعي على هالامور وبعد كل هالخطوات ينتج لك الذكاء الاصطناعي شي اسمه LLM واللي هو chatgpt و جيمناي والتطبيقات ذي اللي نستخدمها. طبعًا هذا شرح مبسط ومختصر للموضوع لمن يهتم. لكن موضوع عمارة الترانسفورمر لحاله يبي له كتب عشان نفهم تفاصيله وكيف يبنونه.

قنبلة جديدة في عالم الرقائق الالكترونية شركة Casimir Inc تقول إنها صنعت شريحة سمتها MicroSparc تولّد الكهرباء مجاناً من الفراغ الكمومي باستخدام تأثير كازيمير. صاحب الفكرة هارولد سوني وايت المعروف بأبحاث ناسا الكمومية للثقب الدودي ومن ثم ققة ويقول ان الشريحة لا تحتاج بطارية ولا ضوء ولا حركة ميكانيكية، وتنتج تيار مستمر صغير، وشركته جمعت 12 مليون دولار seed round وتستهدف طرح أول نسخة تجارية في 2028. الشريحة حجمها 5 mm × 5 mm والهدف التجاري هو تقريبًا 1.5 فولت و 25 ميكروأمبير، يعني حوالي 37.5 ميكروواط وهذا يكفي لمثلا حساسات IoT والاجهزة الطبية منخفضة الطاقة وما شابه

صفعة الخروج من أوبك، أسقطت الأقنعة وكشفت وجه المتآمر بكل وضوح لا بارك الله فيك يالخوّان