سلطان العازمي

🃏عقارات مكة ما تعطيك كل يوم فرصة … مربع كامل بثلاث واجهات، دخل قائم، وتصريح أبراج فوق 23 دور. اللي يفهم مواقع مكة يعرف إن بعض الفرص ما تنشرح كثير. للتواصل: 0558620336

@Alaboudi_rei وقتها بتشوف عمولة الوسيط 500 ريال مثله مثل الموثَّق والمأذون 😅

تخيل بس تخيل ‼️ لو تم ربط الإفراغ بوجود عقد وساطة .. ما تشوفه أقوى دعم للوسيط السعودي 💪🏼

@argz2009 حي هالراس وابشر

@SultanAqaria تم التواصل على الواتس مسبقاً ... أخي الكريم

القريب له حسابه… عقارات مكة

#خربشه_عقارية "العقار والحرب".. لا تصدِّق اللي يقول لك السوق هادي العقار يا جماعة الخير يشبه الحرب، بس بدل الدبابات عندك دلالين،، وبدل الخرائط العسكرية عندك كروكيات، وبدل: "تقدَّموا يا رجال"، تسمع: "السوم وصل؟ في الحرب أول شيء تسويه الجيوش أنها تدرس الموقع. وفي العقار نفس الشيء، الفرق أن العسكري يقول: "الهدف شرق الجبل"، والعقاري يقول: " الأرض شرق المخطط، ع شارعين، قريبة من الخدمات، والمستقبل قدامها نعنبوا دارها". المشتري يدخل السوق وهو حذر كنه داخل معركة. يسأل عن الموقع، الصك، المساحة، الواجهة، عرض الشارع، السعر، السوم، سعر البيض في بقالة الحارة، الجار، الحي، هل فيه خدمات، هل عليها ملاحظات، هل السعر قابل للتفاوض؟ ثم بعد المرطسه وكل هذا يقول لك: "خلني أستخير وأرد لك". ويروح يختفي اختفاء استراتيجي كامل. أما المالك؛ فهو قائد ميداني من الطراز الرفيع. يبدأ بسعر مرتفع يوشك أن يلمس السماء، ثم يقول: "ماني مستعجل". وهذه العبارة في العقار معناها: أنا مستعجل، بس تكفى لا تخليني أبان. والوسيط؟ الوسيط هو مراسل حرب. واقف بين الطرفين؛ يتلقى الضرب من هنا وهناك. المشتري يقول: " وش ذا؟ السعر نار"، والبائع يقول: "لا تنزل ريال، حلالي وانا حر فيه"، والوسيط بينهم يحاول يتم الصفقة وهو محافظ ع ضغطه وسكره وكرامته وعمولته. والسوم في العقار له تكتيك خاص. فيه سوم جاد، وفيه سوم اختبار، وفيه سوم مجاملة، وفيه سوم يجيك من واحد ما شاف الأرض ولا يعرف وين هي هآبًه، بس يقول: "أعطيك نص القيمة كاش اليوم". يا حبيبي هذا مو سوم، هذا استهبال فرط صوتي. وأخطر لحظة في المعركة العقارية هي لحظة "الزبون الجاد". يطلب الموقع، ثم يطلب الصك، ثم يسأل عن السعر، ثم يقول: "تمام، أرسل لي اللوكيشن". وبعدها يصير مثل الطائرة بدون طيار؛ تشوفه أونلاين بس ما تدري وينه. العقار ما هو سوالف مجالس فقط؛ العقار أرقام، موقع، صك، استخدام، طلب، عرض، خدمات، مستقبل حي، ذرابه وحنكة وواقعية في التسعير وقبلها أمانه تدين الله بها. تذكر اللي لك وعليك.. اللي يشتري بدون فهم ياكلها مفلفله، واللي يبيع بدون تقدير للسوق يتعلق فالهواء، واللي يسمع كلام كل من هب ودب بيعيش في معركة نفسية ما لها وقف إطلاق نار؛ والصح تستخير قبل النظرة الأولى وبعدها وتشاور ثم تقدح. الخلاصة: العقار حرب ناعمة؛ المنتصر فيها مو اللي يصرخ أكثر، المنتصر اللي يعرف الموقع، ويفهم السعر، ويتحرك في الوقت الصح. وتذكر؛ أن الرزق لقمة؛ ووقته مو محصور في يوم ويومين وشهر وشهرين.. ذي أرزاق تبذل فيها وسعك والباقي ع الله. ونحن في سلطان العقارية…نبيع الأرض قبل لا يعرف الرصيف أنه رصيف.

#حقيقة الناس اليوم،؛ تقرأ الصور وتتفرج على الكلام.

يا مدوّر الهيِّن ترى الكايد أحلى

#بوح_آخر_الليل يا حمام الشوقِ غرِّدْ وانثرِ النَّغْمَا فالنَّوى أضْنى، وجمرُ البُعدِ قد سَقَما كمْ سَهِرتُ الليلَ أسْقِيهِ من حُرَقِي حَسْراتِ قلبٍ، بها الآهاتُ قد رُسِمَا ما للمشاعرِ تُخْفي النَّبضَ مُنْكسِراً والعينُ تسْكُبُ من أوجاعِها الدِّيَمَا هذي جِراحُ الهوى في القلبِ نازِفةٌ أما لها بَعدَ لَيْلِ البُعدِ مُلْتَحَمَا ؟ أطْوي الفؤادَ على جَمْرٍ وأكْتُمُهُ فالصبرُ إن خانَ، كان الحُبُّ مُنْتَقِمَا

يا كثر سوالف أهل العقار والوساطة في تويتر…واحدهم؛ يشرح متن نظام الوساطة، وثانيهم؛ يُعلِّق ع الشرح، ورابعهم؛ يضع حاشية ع الشرح، وخمسطعشرهم؛ يندب حضه ويقدم الاقتراحات ثم يفترض واقعة عقارية ليس لها ذكر منذ أن خلق الله الأرض ومن عليها.. والعميل للحين ما دقّْ، واللوكيشن ما انرسل، والعقار ما انشاف. السوق ما يحن ع التنظير والفذلكة… يحنّ ع اللي ينزل، يلف، يصور، ويتابع لين تقفل البيعة.. وقبلها يخرج متوكلًا ع الله وساعيًا في الرزق بابتسامه وخلق حسن وقلب أبيض وعين حمراء

التليجرام صار مزبن وملاذ لأكثر الوسطاء العقاريين

على كذا؛ الجارُ أَحَقُّ بصَقَبِه

أرض في مكة حول الحرم.. والنية فندق

النرجس بـ 8 آلاف.. هذا حي ولا محفظة عقارية؟

مالك لوا عند البدو؛ هي أسلوب لطيف لكلمة لا

#بوح الناس يحتاجون الثناء والكلام الطيب؛ فيهم اللي يكفيهم؛ وكلنا عنده نفس لوامه تجلد فيه ليل نهار؛ مو فاضي أنك تجلس تنقده وتزيدها وتعميها بحجة أنك صريح؛ سد حلقك يا خلف أبوي؛ ولو مارسنا عليك هالنقد، لقيناك تبيع فصفص ع طريق بيشه. عين خير وخلك شقردي

الشغف مثله مثل الإيمان؛ يزيد بالطاعة وينقص بالمعصية

المال يستر رذيلة الأغنياء والفقر يغطي فضيلة الفقراء

كبَّر دماغك… عبارة كثيرة السماع، قليلة البركة. أحيانًا ما يكبر راسك إلا وتكبر المشكلة معك