حركة الأمة السورية

بفترة الانتداب الفرنسي على سوريا بلش الفرنسيين يعاملوا العلويين بطريقة مميزة من خلال دعم العلويين كمجموعة عرقية وطائفية حتى تكون حليف الهن ضد القوى الوطنية السورية التانية اللي كانت بتطالب بالاستقلال، وهاد الدعم شمل إقامة قوات شبه عسكرية علوية وتوفير فرص تعليمية وإدارية للأبناء العلويين. المطالبة بدولة علوية كان لأول مرة في تلاتينات القرن العشرين، وبسبب وجود روابط اجتماعية وثقافية قوية بين العلويين، تم طرح فكرة إنشاء "دولة علوية" على غرار الدول الطائفية اللي كانت موجودة ببعض المناطق، وهاد كان جزء من التوترات اللي صارت بين العلويين وبين الحكومات الوطنية السورية. كانت هي المطالب بتتزايد مع استمرار عدم استقرار الوضع السياسي في سوريا، خاصة بعد الاستقلال عن فرنسا بعام 1946. كامل المقال: syriannation.net/2025/01/blog-p…

@ShObaida ما فهمت ولا كلمة مين وصف مين داعش؟

@SyrianNationAR حط حالك محلهون كل وقفة احتجاجية بتلاقي ناس ماضيهون اسود.بيطلعوا بيهاجموا كلشي مسلم انو داعشي .ودايما البروباغندا تبعهون مليانة كذب وقصص ما صارت . كيف بدك ياهم يتعاملو معهم.

في جماعة مصرّة تشوّه أي تحرّك ضد السلطة الحالية وتلصق فيه تهم الخيانة والفلول، وعم تحاول تحتكر الوطنية وتصوّر حالها إنها الجهة الوحيدة الغيورة عالبلد. هدول الجماعة عملوا مظاهرة بالعباسيين للرد على اعتصام باب توما المطالب بحماية الحريات. ورغم إنو من عناوين مظاهرتهن "التنديد بالإساءة للعلم الوطني" ليعطوا حالن طابع وطني، بس المضحك إنو كان في علم جبهة النصرة مرفوع، بينما اعتصام باب توما (السكرجية والفلول على قولتهن) ما كان فيو غير العلم السوري. مظاهرة العباسيين كانت بلون واحد، وما كان فيها أي حضور للمرأة السورية (يمكن لأنو حرام)، بينما اعتصام باب توما شارك فيه من كل مكونات المجتمع السوري، ومع حضور واضح للمرأة السورية. فرق كبير بين ناس عم تطالب بحماية الحريات العامة، وناس عم تطبل وتبرر وتدعم تقليص هالحريات، والسوريين بيعرفوا منيح وين لازم يوقفوا وقت الجد بساحة باب توما ولّا بساحة العباسيين. #سوريا_لكل_السوريين

@kndh57209329 بتعرف الفرق بين حرية الرأي والحريات الشخصية ؟ لما تدعي انك وطني لازم ما ترفع غير علم سوريا، لو كان رافعين بالاعتصام راية دينية كنت رح تشوفها عادية ؟ المرأة جزء من المجتمع ونصفه واذا مو موجودة معناها في مشكلة

@SyrianNationAR قصة الكحول هي لحد الان احسن مثال على حرية التعبير الي بدنا ياها. كل الجهتين الها رأي عبرو عنو بشكل محترم بس اذا مشكلتك مع الاسلام هي مو غلطنا هالعلم راية التوحيد وين الغلط وشو مشكلتك مع المسلمين واذا مافي نساء شو المشكلة يعني هم مابدهم يطلعو ولا بس المظاهرات الي فيها نساء هي الصح

حماية المظاهرات المعارضة مو مكرمة من حدا، هاد واجب على أي سلطة موجودة. ويمكن لأنو هالشي جديد علينا كسوريين، طبيعي نشكر الأمن لما يحمي المظاهرات، بس الأهم ما ننسى إنو التظاهر بحرية هو وسيلة، مو الهدف بحد ذاته، والهدف الحقيقي هو نحافظ على سوريا حرة، ونوقف أي تدخل من السلطة المؤقتة بالحريات العامة والخاصة للسوريين. وإذا ما كان في تجاوب، طبيعي نشوف توسّع بالاحتجاجات بكل المدن السورية، لأنو الشعب السوري ما رح يقبل بحرية منقوصة. #الأمة_السورية #سوريا_لكل_السوريين

@Epiphaneia_300 كانت الله سوريا بشار وبس اسقطنا بشار وحطينا الحرية، فكرك الالحادي منحترمه بس ما بتقدر تفرضه على الشعب

@SyrianNationAR لا تفهمني غلط لكن انت وقت بتقول حرية وسوريا هدول اولوياتك لكن الله هو الاله بالنسبة لالك وليس اولوية يعني انت بتعبدو بس ما بتطالب فيه كاولوية لانه الاله مش مخلوق يعني هو اعلى منك طبعا انا ما بامن بس حكيت من وجهة نظرك الشبيحة الجدد وقت بدن يعيرونا بانو الثورة اسلامية بيحكو هيك

حتى تسخف اي وقفة عم نطالب بحماية الحريات العامة بيكفي تسميها وقفة مشان المشروبات الكحولية. اعلام السلطة ومطبليه بيتجنبوا ذكر اي كلمة حرية حتى بذكرهن لثورة 2011. ومحاولة بناء سردية جديدة بتتجنب ذكر انو السبب الأول والأهم واللي بيتمحور عليه كل الاسباب التانية هو الحرية. الله سوريا حرية وبس...

@Epiphaneia_300 هاد شي بقررو الشعب

@SyrianNationAR يعني بتحسن تقول بدالها الشعب سورية حرية وبس بحس هيك افضل

@Epiphaneia_300 مين قال ذكر الله هو مطالبة بحقوق الله؟

@SyrianNationAR بس بمعيتك شيل كلمة الله لان الله مو محتاج نطالب بحقوقه بينما الشعب هو المهم

علم سوريا والسوريين 🇸🇾 #الأمة_السورية #سوريا_للسوريين

في أول احتفال رسمي بعيد النيروز للأكراد بعد عقود من المنع، كان المفروض يكون يوم فرح ووحدة لكل السوريين، لكن للأسف اللي صار ببعض المناطق كان تجاوز خطير وغير مقبول بحق العلم الوطني السوري، خصوصاً بعد كل التسهيلات والحقوق اللي انمنحت للمكون الكردي بالفترة الأخيرة. نعم، في مناطق كتير كانت فيها الاحتفالات مشتركة وجمعت السوريين الأكراد مع باقي السوريين بكل احترام، وهاد الشي بيمثل السوريين الحقيقيين. لكن بالمقابل، في مناطق تانية ارتفعت فيها شعارات وطغى عليها طابع انفصالي واضح، وهاد الشي مرفوض تماماً. العلم السوري خط أحمر، والإساءة إله مو حرية رأي، بل تعدّي على سيادة البلد. ومحاسبة كل شخص أساء للعلم لازم تكون واجب وما فيها تهاون. #سوريا_للسوريين

@logiCANcer شريك في الوطن تعتبر إهانة؟ شو لازم نقول صاحب الوطن ونحن ضيوف؟

@SyrianNationAR شركائنا فالوطن تحسها أهانة قول الكُرد و خلص ليش البياخة ما بعرف Are u kurdophobic?

سوريا مو ملك لطائفة، ولا في حدا فيه يحتكر صفة "السكان الأصليين" لحالو. معظم السوريين اليوم، مهما كانت ديانتهن أو طائفتهن، هنن من أصول محلية عاشت بهالبلد من آلاف السنين. قبل الإسلام كان أغلب سكان سوريا مسيحيين، وقبل المسيحية كمان كان في ديانات ومعتقدات سورية أقدم، من حدّد لعشتار وغيرهن. من حوران والجولان لإدلب والرميلان، كلنا أبناء هالأرض، اختلفت أدياننا عبر التاريخ، بس أصلنا المحلي وانتماءنا لسوريا واحد. المسيحي والمسلم واليهودي كلهن جزء أصيل من تاريخ سوريا، واستخدام هالموضوع بطريقة طائفية ما بيخدم إلا الفرقة. #سوريا_لكل_السوريين #الأمة_السورية

@logiCANcer مذكور شركائنا في الوطن.. أكيد المقصود الكرد مو الفرس

@SyrianNationAR بس الكورد بيحتفلو بالنوروز بسوريا يا امة "سورية"

كل عام وكل أم سوريّة بخير .. قوتك هي قوتنا #عيد_الأم #الأمة_السورية

مع كل صوت عم ينتقد السلطة الحاكمة اليوم بيجي جمهور السلطة (الشبيحة الجدد) ليتهموا هاد الصوت بالولاء لنظام الأسد وإنو فلول! .. بغض النظر عن التهمة اللي صارت تلتزق بأي صوت معارض بدون أدنى معلومات عن تاريخو، السلطة اللي عم يدافع عنها هي نفسها عم تعمل تسوية مع الفلول الحقيقيين، وهاد الشبيح الجديد نايم بالعسل. بوقت الحكومة عم تبيع ملف العدالة الانتقالية وعم تعمل تسوية مع الفلول الحقيقيين بملايين الدولارات عم تلهي جمهورها بحملات الدفاع عنها والتشبيح على كل صوت عم ينتقدها بقصص عن تخلقها هون وهنيك والشبيح الجديد عم يرقع ويبرر ويسب ويخوّن أي معارض. عزيزي المؤيد بدل ما تجي تشبّح على عالم عم تنتقد السلطة مشان ما تتحول لديكتاتورية دينية وعم تحاول هي العالم تحافظ على هامش الحرية الموجود، روح هاجم الحكومة اللي عم تاكل حقنا وحقك. تقييد الحريات اللي بلش باللباس والشرب والأكل والموسيقى بكرا رح يطالك كمان، هي السلطة ما بتشبهنا كسوريين لا أكترية ولا أقلية، وتدخلها بحياتنا رح يستمر ويكبر أكتر وأكتر إذا ما شافت مين يوقفها عن حدها. وبالأخير سوريا إلنا كلنا ورح تبقى. #سوريا_لكل_السوريين #الأمة_السورية

@logiCANcer كل واحد بدو يعارض يعمل دولة وينفصل حلوة هي، الأسد كان هو اللي مو مجرم مثلاً؟

@SyrianNationAR لك اجدب ليش العالم بلا سبب بدها تنفصل؟ تنظيم ارهابي و معروف تاريخو استلم البلد و المواطن شاف الدعم الدولي لهل تنظيم و هل تنظيم عمل مجازر و ابادة بحق أهلو شو مستنى من هل مواطن؟ غير إنو يطالب بالانفصال كون الدول غاضة بصر و الغالبية بالبلد بيدعمو هل تنظيم و مستحيل الجلاد يحاكم حالو

حكومة الشرع عم تحارب الحرية #سوريا_للسوريين

@logiCANcer لما ندعم وحدة البلد ضد الانفصاليين ما منكون صرنا مؤيدين.. نحن مؤيدين لوحدة سوريا معارضين للتطرف والانفصاليين والفلول

@SyrianNationAR يوي من ايمتى صرتو معارضين

@Emad303001 كيف حررها احكيلي

@SyrianNationAR كنتو حرروها و اغتنموها و خرا عاللي بيزعل

الشرع وجماعتو مفكرين سوريا غنيمة حرب يمكن وقاعدين عم يتقاسموها

@abdullah_alaboo مين فوضك تحكي باسم السنة ؟

@SyrianNationAR شو فيك تعمل نحن وليناه امرنا ونحن راضين بما يصنع نحن اهل السنة