ثامِـر الشـوّا

أمس اكتشفت إنك تقدر تتبرع كل يوم بـ(١ ريال) عبر منصة إحسان @EhsanSA وتسوي أمر دائم كل يوم يسحب من البطاقة (١ ريال) فقط يعني (٣٠ريال) بالشهر! ما كنت متوقع إن أحد يفكر يخلي الحد الأدنى للتبرع كذا، الله يكتب أجرهم أعانوا على الخير. #السعودية #إحسان

@SehhatyApp هل من المعقول شهر كامل لا يوجد مواعيد؟

ممكن يسوي وكيل يعطيه معارة كتابة white papers للمشروع وينشيء منه خارطة المشروع ويخليه يسوي روتين كل نهاية جلسة يسوي مختصر تنفيذي للمنجزات وبالتالي المشروع يشتغل بنظام sprint مع تفعيل وكيل ذاكرة Memory-Worker يسجل المهارات للوكلاء. كذا يصير المشروع مرتب وكل وكيل عارف الخط اللي ماشي عليه (الخط كامل، ايش انجز، وين وصل، ايش متبقي) كمان باقي الوكلاء يتفاعلوا ضمن خطة الاطار العام واخيرا الوكيل الاخير يدون ويسجل كل شي ضمن white papers المشروع.

المشكلة مو إنه سوّى vibe coding، المشكلة إنه ترك الـ AI يبني بدون أي قواعد ثابتة. لو كان حاط ٣ ملفات md بسيطة في المشروع وخلاها مرفقة مع كل برومت، ٩٠٪ من اللي صار ما كان يصير: ملف يشرح فيه هيكلة المشروع.. وين يتكتب كل شي وش الممنوع تكراره. هذا لحاله يحل مشكلة "٣ طرق لنفس الشي". ملف ثاني للـ conventions.. أسماء الملفات، طريقة معالجة الأخطاء، متى تسوي ملف جديد ومتى تضيف على ملف موجود. هذا يقفل باب "ملف هنا ودالة مكررة هناك". وملف ثالث يكتب فيه القرارات المهمة وأسبابها، عشان الـ AI ما ينسى وش اتفقتوا عليه. وقبل أي ميزة جديدة، يقول له: "اقرأ الملفات الثلاثة، قول لي وين بتكتب الكود وليه، ولا تكتب سطر إلا بعد ما أوافق." صدق، الـ AI ما يطلع لك فوضى من عنده.. هو يعكس الفوضى اللي في سياقك. تعطيه سياق نظيف يطلع لك كود نظيف، تتركه على راحته يطلع لك اللي طلع لصاحبنا. vibe coding بدون قواعد = ديون تقنية تتراكم عليك كل يوم.

آسيا لك عرش يا @ALAHLI_FC مبروك لجماهير #الأهلي 💚💚

من يستبدل #الذكاء_الاصطناعي بجهده وعقله فليتحمل النتائج الكارثية لمسيرته العملية. الذكاء الاصطناعي هو أداة تساعدك في أعمالك تعامد بشكل أساسي على حودة ودقة المدخلات لمهمة محددة، لكنه لن يفكر عنك ولن يبدع بدلًا عنك ولن يشعر بالمسؤولية بدلًا منك.

@Zahrani_iz7 رقم ١٠ ممكن يحرق التوكنز كلها قبل لا يبدا .. بناء مهارات + Memory Worker وممكن تستخدم mem-claude يخلي كل المكتوب في ذاكرة ديناميكية توفر عليك توكينز بشكل كبير جدًا. مجرد رأي شخصي من واضع تجربة قابل للصواب والخطأ 🙂

كيف تضبط Claude عشان يعطيك نتائج احترافية أنظر الصورة 👇🏻

@Zahrani_iz7 حاول تبني ملفات المهارات skills بشكل دقيق ومخصص لكل واحد. في GitHub بتلاقي مكتبات للمهارات لكن ابحث عن المفيد فقط! لأن كثرة ملفات المهارات تبطيء الوكلاء وتخلي النتايج فيها ضجيج كبير.

الحين عندي 4 وكلاء ذكاء اصطناعي يراجعون أحد المشاريع بالتوازي 👀 🔵وكيل للعهدة والمالية 🟢وكيل لمشتريات المستودعات 🟠وكيل للرقابة والخسائر 🟣وكيل للصلاحيات والبنية كل وكيل يشتغل لوحده وأنا بس أتفرج وأنتظر النتائج 🫡 #ClaudeCode #ذكاء_اصطناعي

@Zahrani_iz7 استثمار أول المخطط في بناء المهارات للوكلاء وفّر علي كمية توكينز كبيرة جدًا، الحين المشروع شغال داخله ٧ وكلاء من خلال خدمة كلود (Agent Team) في ذات الوقت، وبالراحة أقدر أوصل إلى جلستين أو ٣ للمراحل في المشروع قبل لا يوصل الحد الأقصى للجلسة.

Claude الأن تصحي الوكيل يكمل الشغل😂🔥 وتعلن عن أداة Monitor اللي تخلّي Claude يسوي سكربتات بالخلفية وتصحّي الوكيل إذا احتاج. توفر توكنز بشكل كبير وطريقة رهيبة عشان تبعد عن الـpolling داخل لوب الوكيل. الحين Claude يقدر: * يتابع اللوقز عشان يلقط الأخطاء * يشيّك على PRs عن طريق سكربت * وأكثر

@khattaf1 بعد معاناة يومين في البحث والقراءة وصلت ولله الحمد 🙂

هل واجهتك مشكلة وصولك حد الاستخدام اليومي أو الاسبوعي وانت مشترك في Claude Pro ؟ اقدم لك هذا الدليل بعد تجاربي الطويلة ومعاناتي مع التطبيق وليس نسخ وتعريب ولصق! أولاً: كيف يعمل النظام؟ Claude Pro يعمل بنظام إعادة تعيين كل 5 ساعات وليس يوميا .. إذا كانت محادثاتك قصيرة تقدر ترسل تقريباً 45 رسالة كل 5 ساعات، يعني تقريبا 216 رسالة يوميا .. ومع نوافذ الـ 5 ساعات، تطبّق انثروبك حدود أسبوعية، تُعاد كل 7 أيام، لمستخدمي Pro وMax ثانياً: التوجيهات الفنية للتوفير 1. ابدأ محادثات جديدة بدل تطويل السالفة😄 تدري ليش؟ لان كل رسالة جديدة تراها تحمّل معها كامل تاريخ المحادثة من جديد اذا كتبت الرسالة رقم 10 في نفس المحادثة كذا تكون استهلكت ما يعادل 110 وحدة ولو نفس الرسايل بنفس الموضوع في 10 محادثات منفصلة بتكلفك 20 وحدة فقط تخيل التوفير 😄 2. وقف ميزة التفكير الممتد (Extended Thinking) اذا ما تحتاج الاستدلال العميق لانه يستهلكك توكنز بشكل كبير. 3. اكيد بتقولي فوضى اذا كل شوي بفتح محادثة والموضوع نفسه! هنا يجي سحر المشاريع. ترى المشاريع تستخدم RAG (استرجاع ذكي)، وهذي تسمح لـ Claude يشتغل مع كميات أكبر من المعلومات بكفاءة أعلى بتحميل المحتوى المتصل بالموضوع في نافذة السياق. احذف الملفات اللي ما تسخدمها من مشاريعك، واجعل تعليمات المشروع مختصرة وتركّز على الأساسيات فقط 4. اضغّط السياق في المحادثات الطويلة واستخدم أوامر /clear و/compact في Claude Code لإعادة تعيين أو تلخيص تاريخ المحادثة، هذا التصرف يُقلل استهلاك التوكنز 5. أرسل أسئلتك مرة وحده وليس متفرقة، ادمج أسئلتك في رسالة واحدة لان Claude يعيد معالجة كامل تاريخ المحادثة في كل رسالة 6. استخدم XML Tags لتنظيم السياق اذا بتقدم عدة قطع من المحتوى (مستند + تعليمات + أمثلة)، نظّمها بـ XML tags بسيطة مثل و. هذا يكلفك 20 توكن ولكن بيوفّر عليك الخساير من طلبات التوضيح المكررة اللي بتكلفك مئات التوكنز مثال:بدون Tags (طريقة خاطئة): هذا إعلان لعيادة .. في الرياض، نستهدف المرضى الباحثين .. الميزانية … أريد منك كتابة 3 نصوص إعلانية قصيرة لحملة Google Ads هنا Claude راح يعتبر بعض الكلام تعليمات وبعضه سياق — ويعطيك نتيجة غلط الطريقة الصحيحة👇🏼 عيادة .. في الرياض، تخصص … الميزانية: … شهرياً مرضى يبحثون عن …. اكتب 3 نصوص إعلانية قصيرة لحملة Google Ads ادري الطريقة صعبة لكن نتائجها مذهله 7.صدّر الجداول كـ CSV بدلاً من XLSX (الحجم أصغر مرررره). وللصو قصها على المنطقة المطلوبة فقط — صورة 1000×1000 بكسل تكلف ~1334 توكن، بينما 200×200 تكلف ~54 توكن فقط (فرق 25x) 8.الأدوات والروابط تستهلك توكنز كثيرة، لذا أدِر استخدامها لتحسين الحدود والسياق مع بعض 9. وقّت أول رسالة لك بحيث تمتد نافذة الـ5 ساعات على فترة عملك الأكثر كثافة. دمج طلبات التعديل في رسالة واحدة طويلة يحرق توكنز أقل من عدة رسائل “راجع وعدّل”

أحد يفهّمنا يوم نطلب طلب من مكان بينه وبين بيتك ٨٠٠م يقبله سائق بعيد عنك ٤كم ليش؟! @Keetaglobal_ksa

وزير المالية السعودي، محمد الجدعان: 📍 أعتقد أن ما شهدناه في الأسابيع القليلة الماضية هو تأثير يتجاوز ما شهدناه خلال جائحة كوفيد-19 من حيث اضطراب سلاسل التوريد، وإذا استمر هذا الوضع، فسنشهد تأثيراً أكبر بكثير 📍 النفط ليس هو القطاع الأكثر تضررًا من تداعيات الحرب الدائرة، بل المنتجات المكررة، والأسمدة، والصلب، والألومنيوم، والبتروكيماويات 📍 استثمرنا أموالا هائلة على مدار 50 عاما بدون عائد في خط أنابيب شرق غرب، الذي نستخدمه حالياً لإدارة الإمدادات العالمية النفطية، ويسهم في الحد من تداعيات أزمات الطاقة - جاء ذلك خلال جلسة حوارية شارك فيها الجدعان، ضمن فعاليات مبادرة مستقبل الاستثمار 🔴 تابعوا اقتصاد الشرق للمزيد

@ahmed_alshuhail جعلها الله في طاعته وخدمة عباده ووفقكم وسدد خطاكم على الحق دومًا،وكتب أجركم. مبارك عليك النجاح ومبارك عليك الشهر ومبارك عليك العيد .. تأخرنا كثيرًا ولكن لم ننساكم.

▪️الحمدلله الذي يسر لنا ما نريد ونسأله الخير فيما نريد فالحمدلله من قبل ومن بعد، اللهم افتح علينا فتوحات العارفين وسخر لنا القوي الأمين من عبادك الصالحين ▪️بعد شكر الله فإن الشكر أوله لأبي وأمي فقد أزاحوا كل العقبات مع المتابعة بالنصح والإرشاد ثم لزوجتي وأم أبنائي التي كانت ولا تزال مرأة الطريق وعين الرفيق ▪️لقد كان البناء صعب وجاء بعد جهد ونصب ولا نعلم ماهو الكسب القادم إلا أننا نؤمن بقول الله تعالى: {وَأَن لَّيْسَ لِلْإِنسَانِ إِلَّا مَا سَعَى} ▪️دفع المظالم ونزع الحقوق شرف عظيم والامتثال أمام القضاء لطلب العدالة هي الغاية ومطلب الأمانة ونسأل الله أن لا نعدل عن مراد قولنا ولا تقلب نياتنا {إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ ۖ إِنَّهُ كَانَ ظَلُومًا جَهُولًا}

رئاسة أمن الدولة: إنشاء المحتوى المخالف أو التصوير غير المسؤول ونشره عبر شبكات التواصل الاجتماعي يُعد ممارسة خاطئة، ويُعرّض مرتكبه للمساءلة القانونية. ( 3 / 3 / 2026 )

#التصوير_يخدم_العدو بجميع اللغات 📷❌

رب اجعل هذا البلد آمنا مطمئناً #السعودية_العظمى

أدوات #الذكاء_الاصطناعي هي (أداة) تساعدك في عملك، وليست (أنت) لتحل محلك تمامًا، استخدامها يرفع من إنتاجيتك ودقة عملك، ولكن لا تتوقع أن تقوم بصلب عملك بشكل كامل. لأن الإبداع أبرز ما يميّز الإنسان.

#حرب_إيران وأزمة #مضيق_هرمز طريق وعر ولكنه سريع جدًا نحو الركود العالمي، فاتورة هذه الحرب ستكون مكلفة بشكل جسيم وحاد على الكوكب. بلادي تعلم ذلك وتحاول قدر المستطاع ضبط النفس من إحساسها بالمسؤولية تجاه البشرية كلها، ودورها الاستراتيجي في كونها صمام الأمان للطاقة في العالم.

المملكة العربية السعودية 🇸🇦

الله يحميك وينصرك على من يعاديك 🇸🇦

المملكة العربية السعودية 🇸🇦