Eng. Abdullah

العلم يعلمك الاخلاق، يعلمك الرقيّ ويعلمك صرف النظر عن توافه الامور.

مهم تكون ايجابي وتحسن النية بالاشخاص دايم بس خلي لك ارشيف صغير لسوء نية احتياطي فيه افتراضات واحتمالات عشان ماتنصدم. من وجهة نظري هذي الافتراضات احيانا تكون صحية وتخليك مصحصح.

العمل يخلي الواحد يلتقط عادات من الناس اللي حوله لا إراديّا، بعضها ممتازة وبعضها كارثي لكن إذا وعيت لنفسك وركّزت تأخذ من كل شخص جانبه الإيجابي، تصير اسطوري. أنا شخصياً لاحظت كل مهارة حلوة عندي جت من شخص مختلف: الإدارة المثالية من واحد، تنظيم العمل من ثاني، والإلحاح من ثالث وهكذا.

صباح الخير. تذكر دائم انك ما تكون قاسي على نفسك كل أخطائك اللي سويتها مهما كانت كبيرة تتعلم منها وان الناجحين واللي تعتبرهم قدوتك ارتكبو اخطاء لا نهائية لين وصلو للي وصلو له.

بعيدا عن المثالية والفلسفة لكن انك تكتب مهام اليوم اول ما توصل الدوام بالترتيب حسب الأهمية وتشطب على كل نقطة خلصتها ترتب مخك وتخفف الصداع بشكل كبير. اخر الدوام لما تشوفها كلها مشطوبه ترجع البيت وانت مرتاح

اذكر نفسي دايما ان الله هو اللي يوزع الرزق كما يشاء ويسخّر من يشاء لمن يشاء. ممكن ييسّر شخص واحد ويكتب رزق عشرات على يده. قال تعالى: (نحن قسمنا بينهم معيشتهم في الحياة الدنيا). لذلك عدم رضانا على رزقنا واعتراضنا على رزق غيرنا هو اعتراض على امر الله تعالى!

سبحان الله! يهيئ لك الطريق، ويصنع لك الخطة، ويضع أمامك الفرص، لكنك لا تدرك حكمته إلا عندما تتأمل وتتدبر. فجأة، تجد نفسك تتخذ القرار الصائب أو تجيب على سؤال لم تحضّر له مسبقا، لكنك مررت بإجابته بالأمس دون أن تعلم لماذا. سبحان من يدبر الأمر

الحمدلله على نعمة خاصية Samsung Dex. صراحة فعلا شركة تهتم بتجربة العميل ❤️

أفضل فترة للموظف اللي وده يحصل على شهادة او دورة معيّنة هي الفترة من نصف ديسمبر الى نصف يناير. يكون الشغل خامل نوعًا ما والجهات انتهو من فترة التقييم وشغالين على رسم خطة السنة الجديدة. طبعا باسثناء بعض القطاعات اللي بيسوون استراتيجية السنة الجديدة

بالرغم من اهمية فريق الامن السيبراني في المنشآت وخصوصا الكبيرة الا انه ممكن يتحولون الى مصدر ازعاج وتطفيش للموظفين بصراحة خصوصا اذا الحل الوحيد هو "قفل الباب واستريح" بدون توفير بدائل. كيف نشتغل يامسلم؟

Someone once said, procrastination is the spirit of poverty!

الدائري الشرقي خلال اربع سنوات ✔️ تشجير ✔️ ازدحام مضاعف (ممكن يكون فترة كورونا) 2024 2020

بعد تجربة خمس سنوات احب اقول لا تحط كامل تركيزك بشغلتين بنفس الوقت. لو هدفك توصل لمستوى خرافي لازم تركيزك يصب على شيء واحد، ولو حاب تجرب تشتغل على شيء ثاني لازم تعطيه فرصة محددة (بالتاريخ والوقت) ولا تخلي المجال مفتوح لأنك راح تضيع الشيئين!

اليوم جربت اداوم من البيت • سرعة انجاز المهمات وبالذات المعقدة اللي تحتاج تفكير. • فوق اني وفرت ساعة الطريق الصبح بديت شغل وانا في افضل مزاج عكس لما اروح المكتب يبي لي وقت لين انسجم. • بريك الظهر كان فعلا بريك عكس لو كان في المكتب فهو شغل بشغل. لازم يرجع الدوام عن بعد بصراحة

مداوم بدون اجازة من سنة بس اليوم احس اني بروح المدرسة مدري ليش! 😂

لا تستهين ببذل اكثر قليلا طالما انك تستطيع. في المراحل الاخيرة والحاسمة في بطولة رفع الاوزان، اللاعب يزيد الوزن بشكل بسيط جدا في كل جولة طالما انه يقدر لان ببساطه الربع كيلو اللي اضفتها ممكن تكون السبب والفرق في فوزك في المسابقة!

اللهم تقبل منا حجنا، اللهم اجعله حجاً مبروراً، وسعياً مشكوراً، وذنباً مغفوراً. الحمدلله ربّ العالمين 🤲🤍

لازم نتصالح مع انفسنا ونقتنع ان الاغلب يبي لك الزين بس ماحد يبيك تصير احسن منه. لو استوعبت المفهوم هذا راح تقدّر تصرفات اشخاص كثير بحياتك وتقتنع ان الموضوع مو شخصي.

I have developed a telegram chatbot that is dedicated to providing Islamic fatwas based on the teachings of Sheikh Bin Baz. Users can ask questions about various religious issues and receive answers based on the Quran and Sunnah.

لازال تحت التحسين لكن ممكن تجربه وتعطيني رأيك. Developed by: Eng. Abdullah t.me/FatwaBinBazBot

مساء الخير جميع. طوّرت تشات بوت تليقرام يجاوب على أي سؤال ديني او فتوى حاب تسأله باللغة العربية (فصحى او عامّي) و الانجليزية استنادًا إلى تعاليم الشيخ عبدالعزيز بن باز رحمه الله. المودل يركز تحديدًا على فتاوى الشيخ والهدف هو جعل الحصول على اجابة بهالخصوص بشكل سريع ولحظي. 👇