Um azeez

@XrAcb الله يفرج له. ياربي شي يعور القلب. فمن عفا وأصلح فأجره على الله. الله يرحم الهاجري ولعل موته وما اصابه من قتل تورده جنات النعيم .والله يلهم اهله الصبر والسلوان

مناشدة صوتية إنسانية وصلتني من النزيل (أحمد محمد قاطع) المحكوم عليه بالإعدام ، موجهة إلى والد أهل الدم (مبارك رسام الهاجري) ، وقفت عاجزًا أمام هذه المناشدة ، خائفًا من الله أن تكون فى ذمتي يوم الحساب ، فأبرأ ذمتي بنشرها مستلهمًا قول الله تعالى: ﴿فَمَنْ عَفَا وَأَصْلَحَ فَأَجْرُهُ عَلَى اللَّهِ﴾ (سورة الشورى: 40)‼️ علماً بأن #المؤسسات_الإصلاحية سوف تقوم بتنفيذ حكم #الإعدام بحق 5 مدانين خلال الأيام القليلة القادمة ، وهم 3 مواطنين + 1 من فئة البدون + 1 مصري الجنسية ، إنا لله وانا إليه راجعون‼️ #المحامي_يكيكي #وزارة_الداخلية #فهد_اليوسف_الصباح

@waleedalkuwait لا اله الا الله. اللهم اتكلنا جالنا عليك !!!

السيد الفاضل المحترم سمو رئيس مجلس الوزراء الشيخ/ أحمد عبدالله الأحمد الصباح تحية طيبة مرصّعة بالاحترام والتقدير أما بعد؛ أناشدكم كولي أمر بالتدخل لإنقاذ الصرح التعليمي وإنقاذ أبنائنا من الممارسات التي يقوم بها وزير التربية والتخبطات والعشوائيات التي انعكست سلبا على أبنائنا وتحصيلهم العلمي والحالة النفسية التي وضعهم بها الوزير بسبب قرارته، فما حصل بين قرار الأمس وقرار اليوم سبب ارتباكا واضطرابا ترتب عليه ضياع يوم كامل من الدراسة لم يستفد منه الطلاب ليأتي قرار الوزير اليوم بجعل موعد الاختبارات متعلقا برؤية الهلال! سمو رئيس مجلس الوزراء، أبناؤنا أمانة في أعناقكم والله سائلكم عنها دمتم بحفظ الله ورعايته @KuwaitiCM

@talalalenazi_9 اللي قاعد يصير مو معقول. ليش كل هذا.

نناشد وزارة التربية إعادة النظر في جدول اختبارات الصف الثاني عشر حرصاً على مصلحة أبنائنا الطلبة، نأمل إعادة النظر في جدول الاختبارات النهائية، حيث يخلو من أيام الراحة بين بعض الاختبارات خلافًا لما جرت عليه الأعوام السابقة. إن طلبة الصف الثاني عشر يمرون بمرحلة مصيرية تتطلب أعلى درجات التركيز والاستعداد النفسي والعلمي، وتوفير أيام راحة مناسبة بين الاختبارات يسهم في تحسين الأداء والتحصيل الدراسي ويمنح الطلبة فرصة أفضل لتحقيق طموحاتهم ونتائجهم المنشودة. أبناؤنا يستحقون جدولًا يراعي جهودهم ويمنحهم فرصة عادلة للنجاح والتفوق #طلبة_الثاني_عشر #وزارة_التربية #الكويت

الوووه انت صاروخ فوق راس الطلبه ما اجلت الامتحان وفي عطله السنه الهجريه الي مانستخدمها ولا نعترف فيها اجلت وخسفت فينا ؟؟؟ عقولكم فيها شي ولا مستحيل هذا قرار من عاقل #وزاره_التربيه

@nugget3_f ممتاز جدا

الساده مسؤولين وزارة التربيه، الحين لما صار بالديره ظرف والوضع كان خطر على الطلبه من ناحيه الامان! و حتى اولياء الامور كانوا يطالبون بحل، ماسويتوا شي؟ بس الحين على خريجين 2026 وعشان عطله رسميه المفروض كانت يوم الثلاثاء ضغطت الطلبه باسبوع كامل؟ هل هذا يعقل؟ انك انت قادر تأجل امتحانات كامله عشان عطله رسميه! بس ماكنت قادر تأجل لما كان الوضع مو امن على الطلبه؟ وصفارات الصبح والفجر وضرب وكانوا الطلبه يداومون يمتحنون اثناء كل هذا الضغط! هل هذا يعقل؟ حدث العاقل بما يعقل ✋🏻

@its965q8 حلو جدا. ياليت يأخذونه بعين الاعتبار

خريجين دفعة 26 اتمنى توصلون اقتراحي ، اذا كان تأجيل الاختبارات للصف ١٢ بسبب رأس السنة الهجرية فلا داعي لتأجيلها ليوم الأحد دون اخذ ايام الراحة بالاعتبار ؛ حبيت اشارك هالجدول الي بينتهي بنفس انتهاء الجدول اليديد ( المعدل ) بس الفرق اول امتحان الخميس. #وزارة_التربية

يا جماعه ابي اقابل وزير التربيه شلون ؟؟ شنو الدبره مع هالوزارة !!!!!!! قسم بالله بدعوا لان تغيير جدول اختبار 12 مو معقول اللي قاعد يصير اكبر غلط تأجيل الاختبارات كان الاربعاء رياضيات والخميس عربي يعني في فرصه لمراجعة الفيزيا بوقت كافي والفيزيا ماده علميه صعبه تحتاج مجهود الحين على الجدول اليديد الاحد رياضيات والاثنين عربي والثلاثا فيزيا بتقول صار عندهم وقت قبل للدراسه اقولك الطلبه في منهم يسهر للدراسه خصوصا ان الفيزيا تحتاج مجهود منو يخطط للتربيه ابي اعرفه

@talalalenazi_9 نبي الجدول القديم

ومن متى احنا نهتم براس السنه الهجريه ! اول مره تصير حرفياً مانبي عطله ولا شيء رجعو الجدول مثل ماكان ! #وزاره_التربيه

@Ziyaddrl أي نعم والله جذيه خسبقوا عيالنا

كل طلبة 12 علمي مرتبين دراستهم على انه الفيزياء كان قبله ويكند والاحياء كان قبله راحه والكيمياء قبله ويكند ، 99% من الطلبه مرتب دراسته على هالطريقه، ما اقول الا الله يعيين هالدفعه بس #وزاره_التربيه

@Flammaass @MOEKUWAIT يبى مانبي شي خلوا الاختبارات على متمها مانبي عطله الاربعاء مانبي الكل راضي.

نتمنى من اخوانا في وزارة التربية مراعاة الأمر قدر الإمكان 💐💐 @MOEKUWAIT #وزاره_التربيه #ثاني_عشر #الجنسيه_الكويتيه

@Sary_q8 الدنيا سلف ودين. والله لا يبلانا بمن خف عقله وقلت رحمته

ما استوعبت تربية عائلتي لي إلّا لمّا شفت تصرفات بعض الناس !! يشمتون بالمسحوبة جناسيهم ويفرحون بمصيبة غيرهم ويحسبون القسوة قوة وقتها عرفت إن الأخلاق تربية وإن الإنسان ما يُعرف وقت الرخا بل يُعرف وقت ضعف الناس وحاجتهم الحمدلله على تربية أهلنا🤍

@kurbaag @MOEKUWAIT او يخلون الاختبارات على حالها مو لازم عطله الاربعاء

مناشده مستحقة الى الاخوه في وزاره الترببة الطلبه والطالبات يأملون بمراجعة القرار الاخير بخصوص الجدول وايام الراحه ومنا الى وكيل وزاره التربية الجديد خالد الرشيد باتخاذ قرار عادل ومنح الطلبه راحه خلال تأديه الاختبارات @MOEKUWAIT

@stalkerrtype @alfaid_al3ony اي مافيه مشكلة نبي نختبر هالاسبوع ولا يأجلونه للاحد الجاي. او يعدلون الاسبوع الجاي ويحطون عطله الثلاثاء

@alfaid_al3ony وشنو المشكله إذا امتحنا بهالاسبوع وخلصنا؟قاعدين شهر ونص بالبيت شنو قعد تسوون تبون ايام راحه زياده؟ لا تقولون ما تحسون فينا أنا طالبه ١٢ علمي حالي من حالكم ومو حابه القرار بس شيءٌ خير من لا شي خلاص امتحنوا خل نتخرج باب تقديم البعثات الخارجيه يخلص اول سبعه وفي وايد ناس بيقدمون!!

🛑 وزارة التربية المحترمة : قلتم ما تبون أون لاين وقلنا معاكم قلتم ما تبون تنجحون الطلبة بدون اختبارات وقلنا معاكم قلتم تبون الاختبارات حضوري وقلنا معاكم لكن سالفة إنكم تجون وتحطون الاختبارات ورى بعض بدون ولا يوم راحة وتضغطون الطلبة لا والله حنا مو معاكم بهذي. الجدول لازم يتعدّل ولازم تحطون يوم راحة بكل أسبوع. القرار الخطأ ما راح نجاملكم فيه ويا ليت تعدلونه بأسرع وقت . قدروا وراعوا ظروف طلبتنا الله يجزاكم خير 💐 #وزاره_التربيه

@FAHDMZAEL @MOEKUWAIT @KuwaitiCM تخبط. يا الهي

استياء من اهالي الصف الثاني عشر . جراء تعديل مواعيد الاختبار وضغط المواد الدسمه عالتوالي بدون يوم عطله للراحه واسترجاع المعلومات . معالي الوزير ابناءك الخريجي ماترقعو المساكين من الضغط النفسي والقصف والدراسه اونلاين . @MOEKUWAIT @KuwaitiCM

@alfaid_al3ony مايصير خمس امتحانات طقه وحده. ليش هالتعذيب لعيالنا. ماكفاهم ما سووا الاختبارات اون لاين ولا راعوا اللي يختبرون تحت الخطر هم بعد اجلوا الاختبارات ولما اجلوها عطوهم خمسه ورا بعض.

🛑 معالي وزير التربية المحترم، تعودنا منكم العدول عن القرارات غير الموفقة متى ما تبين أن المصلحة العامة تقتضي ذلك، لذا نرجو إعادة النظر في جدول اختبارات الصف الثاني عشر، وإضافة يوم الثلاثاء من كل أسبوع كيوم راحة للطلبة، مع تأجيل نهاية الاختبارات إلى يوم الخميس بدلاً من الثلاثاء. راحة الطلبة في هذه المرحلة المهمة لا تقل أهمية عن الاختبار نفسه، ويوم الراحة يمنحهم فرصة للمراجعة واستعادة التركيز والطاقة النفسية، وهو أمر اعتاد عليه الطلبة واستفادوا منه خلال السنوات الماضية. نأمل منكم التكرم بإعادة النظر في الجدول بما يحقق مصلحة أبنائنا وبناتنا الطلبة. شكراً #وزاره_التربيه

@MOEKUWAIT ماتبون تسون الاختبارات اون لاين رضينا. خلاص احنا قسمنا دراستنا على الجدول الاولي. ليش ليش وهم بعد خمس امتحانات طقه وحده

- تعديل موعد انطلاق امتحانات الصف الثاني عشر للعام الدراسي 2025-2026 - بدء امتحانات الثاني عشر في 21 يونيو بدلاً من 17 يونيو تفادياً لتعارض الإجازات الرسمية - امتحانات القسم العلمي تنتهي في 29 يونيو والأدبي والتعليم الديني في 30 يونيو - تعديل الجدول الزمني للامتحانات ليتماشى مع مواعيد التقديم للبعثات والجامعات - الحرص على انتظام إعلان النتائج وتسليم الشهادات دون أي تغيير في المواعيد moe.edu.kw/news/GetNewsDe… #وزارة_التربية

@MOEKUWAIT مانبي عطله فكونا.