Wael

اتذكر زمان لما كانت ايامي سعيدة وكنت انام وقت كافي، وكانت نفسيتي جدا حلوة كنت وقتها انقد على اي شخص مكشر واقول بنفسي وش هالقرف ليش مكشر ذا على هالصبح، الحياة حلوة ليش معبس ذا؟ لين دارت الدنيا بي - ومن موقف واحد بس - تغيرت حياتي كلها وانقلبت فوق تحت وتغير عملي ونومي ونفسيتي وصحتي واختفت ابتسامتي وكل هذا بفترة خمس سنوات بس !! وعرفت من يومها ان ظروف الناس ماهي مثل بعض. وفهمت ان كنت انا سعيد، او عندي وقت، او رياضي، او غني، او نشيط، او مبتسم .. الخ لايعني ان الكل مثلي ولازم يصير مثلي. مادمت تعيش سعيد يادكتور ، احمد ربك فقط ولا تحكم على حياة الاخرين من خلال نافذتك وانت لاتعلم مايعانون. ومادام الناس مااشتكو لك، مايحق لك ابدا - مين ماكنت - انك تحكم على حياتهم وتنتقد سلوكهم اللي مافيه اذى مباشر عليك. ترا الدنيا دواره، وحاول تتعلم من تجارب الاخرين قبل تدور الدنيا فيك وتعلم ( غصب ) .