Mamidala Yashaswini

హక్కుల కోసం పోరాడిన కార్మికుల విజయ గీతిక శ్రమజీవుల సంఘటిత శక్తికి ప్రతీక.. మేడే.. #Mayday

అంటరానితనం, వివక్షలపై అలుపెరగని పోరాటం చేసిన సామాజిక వేత్త, భారత రాజ్యాంగ నిర్మాత శ్రీ డాక్టర్ బీఆర్ అంబేడ్కర్ గారి జయంతి సందర్భంగా ఆ మహనీయుడి స్మృతికివే మా ఘననివాళులు. #drbrambedkar #jayanti

ఇవాళ పాలకుర్తిలో అంగన్వాడీ టీచర్లకు స్మార్ట్‌ఫోన్‌లు పంపిణీ చేశాను. చిన్నారుల ఆరోగ్యం, పోషణ, విద్యలో అంగన్వాడి వ్యవస్థ కీలక పాత్ర పోషిస్తోంది. స్మార్ట్‌ఫోన్‌లతో అంగన్వాడీ సేవలు మరింత పారదర్శకంగా, వేగవంతంగా అమలవుతాయి.

ఇవాళ పాలకుర్తిలో నిర్వహించిన మహాత్మా జ్యోతిబా ఫులే జయంతి వేడుకల్లో పాల్గొన్నాను. ఈ సందర్భంగా ఫులే గారి చిత్రపటానికి నివాళులర్పించాను. అణగారిన వర్గాలను అంధకారం నుంచి వెలుగు వైపు నడిపించిన మహనీయుడు మహాత్మా జ్యోతిబాపులే గారిని స్మరించుకోవడం అందరి బాధ్యత.

ఇవాళ దేవరుప్పులలో విజయ డెయిరీ పాల ఉత్పత్తిదారుల సహకార భవనాన్ని రాష్ట్ర పరిశ్రమాభివృద్ధి సహకార సమైక్య లిమిటెడ్ చైర్మన్ గుత్తా అమిత్ రెడ్డి గారితో కలిసి ప్రారంభించాను. మాప్రభుత్వం ప్రోత్సాహకాలు, రాయితీలు అందిస్తూ పాడి రైతుల ఆర్థికాభివృద్ధికి కృషి చేస్తోంది.

వరంగల్ పార్లమెంట్ సభ్యురాలు, కాంగ్రెస్ పార్టీ నాయకురాలు శ్రీమతి కడియం కావ్య గారికి పాలకుర్తి ఎమ్మెల్యే యశస్విని రెడ్డి గారు జన్మదిన శుభాకాంక్షలు తెలియజేశారు. నిండు నూరేళ్లు ఆయురారోగ్యాలతో వర్ధిల్లాలని, చిరకాలం ప్రజాసేవలో కొనసాగడంతోపాటు మరిన్ని విజయాలను సాధించాలని ఆకాంక్షించారు.

ఇవాళ తొర్రూరు ఎంపీడీఓ కార్యాలయంలో వివిధ గ్రామాలకు చెందిన 135 మంది లబ్ధిదారులకు రూ.1.35 కోట్ల విలువైన కల్యాణలక్ష్మి, షాదీ ముబారక్ చెక్కులు పంపిణీ చేశాను. ఆడబిడ్డల పెళ్లిలతో పేదలు ఇబ్బందులు పడకూడదనేదే ప్రభుత్వ ధ్యేయమన్నారు.

పాలకుర్తి నియోజకవర్గంలోని తొర్రూరు, పెద్దవంగర మండలాల్లో ఎమ్మెల్యే యశస్విని రెడ్డి గారు పర్యటించారు. ఈ సందర్భంగా పలు అభివృద్ధి కార్యక్రమాల్లో పాల్గొన్నారు. రైతుల నుంచి మొక్కజొన్నలను కొనుగోలు చేసేందుకు కేంద్రాలను ప్రారంభించారు. రైతులకు వ్యవసాయ యంత్రాలను పంపిణీ చేశారు.

ఇవాళ తొర్రూరులో ప్రధానమంత్రి జనౌషధి కేంద్రాన్ని ప్రారంభించాను. అనంతరం తొర్రూరు వ్యవసాయ మార్కెట్‌లో మొక్కజొన్నల కొనుగోలు కేంద్రాన్ని ప్రారంభించాను.

ఇవాళ పెద్దవంగర మండలం పోచంపల్లిలో మొక్కజొన్న కొనుగోలు కేంద్రాన్ని ప్రారంభించాను. అదేవిధంగా గ్రామంలోని రైతులకు వ్యవసాయ ఆధునిక యంత్రాలను పంపిణీ చేశాను. అనంతరం చిట్యాలలో నూతన గ్రామపంచాయతీ భవనానికి శంకుస్థాపన చేశాను.

ఇవాళ రాయపర్తి రైతు వేదికలో రైతులకు వ్యవసాయ యంత్ర పరికరాలను పంపిణీ చేశాను. రైతుల కష్టం తగ్గించేందుకు మరియు వ్యవసాయ ఉత్పాదకతను పెంచేందుకు ఆధునిక యంత్ర పరికరాల వినియోగం ఎంతో అవసరం.

రాయపర్తి రైతు వేదికలో మండలానికి చెందిన 48 మంది లబ్ధిదారులకు రూ.48.05 లక్షల విలువైవ కల్యాణలక్ష్మి- షాదీముబారక్ చెక్కులు పంపిణీ చేశాను. ఆడబిడ్డల పెండ్లిల్లో తల్లిదండ్రులపై ఆర్థిక భారం పడకూడదనే ఉద్దేశంతో ప్రభుత్వం విజయవంతంగా ఈ పథకాన్ని అమలు చేస్తోంది.

ఇవాళ రాయపర్తి మండలం పానిష్ తండాలో నూతన గ్రామ పంచాయతీ భవన నిర్మాణానికి భూమిపూజ చేశాను. గ్రామస్థాయిలో పాలనను బలోపేతం చేయడం ద్వారా ప్రజలకు త్వరితగతిన సేవలు అందించగలం.

సమాజంలో విద్వేషాలను రెచ్చగొట్టేలా సాగుతున్న ద్వేషపూరిత ప్రసంగాలను అరికట్టేందుకు ప్రజాప్రభుత్వం బిల్లు ప్రతిపాదించడం శుభపరిణామం. సోషల్ మీడియాలో మహిళలు అని కూడా చూడకుండా నీచంగా ట్రోల్ చేస్తున్న వారిపై కఠిన చర్యలు తీసుకోవాల్సిందే.

పాలకుర్తి మండలం వల్మీడిలో వైభవంగా నిర్వహించిన శ్రీ సీతారాముల కల్యాణ మహోత్సవంలో పాల్గొన్నాను. ఈ సందర్భంగా స్వామివారికి పట్టు వస్త్రాలు, తలంబ్రాలు, పుస్తె మెట్టలు సమర్పించి ప్రత్యేక పూజలు చేశాను. ప్రజలందరూ ఐక్యతతో, శాంతియుతంగా జీవించాలని స్వామివారిని ప్రార్థించాను.

ధర్మస్వరూపులు, ఆదర్శ దంపతులైన సీతారాముల ఆశీస్సులతో ప్రజలందరూ ఆయురారోగ్యాలతో జీవించాలని ఆకాంక్షిస్తూ అందరికీ శ్రీరామనవమి పర్వదిన శుభాకాంక్షలు. #Sriramanavami2026

ఇవాళ గౌరవ మంత్రివర్యులు శ్రీమతి కొండా సురేఖ గారిని కలిశాను. శ్రీ సోమేశ్వర లక్ష్మీ నరసింహాస్వామి ఆలయ అభివృద్ధి, మౌలిక వసతుల కల్పనకు రూ.4.65 కోట్లు మంజూరు చేయాలని కోరాను. సమస్యను సానుకూలంగా పరిశీలించి చర్యలు తీసుకుంటామని హామీ ఇచ్చారు. @iamkondasurekha

గత ప్రభుత్వ మాయమాటలకు పేదలు ఇండ్లు కూలగొట్టుకుని నిలువ నీడ లేకుండా రోడ్డున పడ్డారు. పాలకుర్తి, తొర్రూరు మండలాల్లోని పలు గ్రామాల్లో శిథిలావస్థలో ఉన్న ఇండ్లు కూలగొట్టుకున్న పేదలకు ఇందిరమ్మ ఇల్లు మంజూరు చేయాలని ప్రభుత్వాన్ని కోరుతున్నాను.

ఇవాళ గౌరవ మంత్రివర్యులు సీతక్క గారిని కలిశాను. మైలారం నుంచి సామర్లకుంటకు వెళ్లే ఊర కాలువను పునరుద్ధరించాలని కోరాను. ఈ కాలువ ద్వారా సుమారు 500 ఎకరాలకు శాశ్వతంగా నీటి సమస్య తీరుతుంది. సమస్య పరిష్కారానికి హామీ ఇచ్చిన మంత్రి గారికి ధన్యవాదాలు.

హైదరాబాద్‌లోని అసెంబ్లీ ఛాంబర్‌లో గౌరవ మంత్రివర్యులు అడ్లూరి లక్ష్మణ్ గారిని కలిశాను. పాలకుర్తి నియోజకవర్గంలో గిరిజనులు సమావేశాలు, సామాజిక కార్యక్రమాల కోసం గిరిజన భవనాలను కోరాను. అడిగిన వెంటనే రెండు భవనాలు మంజూరు చేస్తామని హామీ ఇచ్చిన మంత్రి గారికి ధన్యవాదాలు. @minister_adluri