أَلِف

"الشِعر والنكته ،طُرق آمنة لقول الحقيقة"

"الغلا قواعده مشدودةٍ بالضمّه"

@FahadAl3eban عسى شعرٍ تقوله ماينقطع

عسى غيمٍ على دار الحبيب رْكام تلوح بْروقه ، وترجف مراعيده يفزّز كل ذاوي من نفل ، وخْزام ويطرق عوده الغَضّ .. وجراهيده تسيل ، ولا تجَفّل قايد الاريام هدير الما يدندن له تهاويده يذكرّني صبيب الغيم فيه شْمام لاحوّل من سماه ، وْسال في بيده مقاطير المطر على شفيف الجام محاويل الدموع بـ ناعم خْديده ابو قدٍ تِقل ماخِلق فيه عْظام وجودي ليتني سلسال في جيده يا قوّه يوم قفّى يسحب الاقدام وخلّى صدري لْـ حرّة تناهيده وخلّاني على الآمال ، والاحلام معلّق في رجا الله ثم مواعيده يضحّكني من يقول العوض قدّام وانا في كل يوم ارقب معاويده وَنَس كل العمر عشته زمان العام يا ليت انّ الزمن ينعاد ، واعيده يمرْ مْن البشر مايشبه الانسام خبرتوا من مسك نسمة هوا بيده !؟ ومع ذلك انا عندي يقينٍ تام يقينٍ مَحَض ما يحتاج تأكيده احسّ بْيرجع بْيومٍ من الأيام متى هاليوم هذا ..؟ صعْب تحديده

"هذا انت ياريح المطر ماتغيّرت" *ناصر مناحي

"ترفّق بحال اللي بلي بك وشف بلواه وقلّ له يجي ولا انت سجّ القدم و اج له" *شقير الجذع

كم كلمةٍ تبري كبود المجاريح أقولها ، وانا ماعرف الطريقة محتاج لي عن كثرة الهم ترويح انا ابتسم وجروح قلبي عميقه ونظرات من يبغاني أنهار واطيح تزيد عزمي .. لو هْمومي عتيقه مثل الجبل ،ظلّه ما مالت به الريح و أن غاب نور الشمس ياكبر ضيقه @_0lih

"إذا جرحت أحدًا من غير قصد.. وتألمت أنت؛فأعلم أنك ماتزال على قيد الحياة" *خلف الأسلمي.

عيدكم مبارك ، عدتوا على العيد والنهار السعيد 🙏🏻❤️

@FahadAl3eban قِدْ ضاع في غبْ الوساع المساويد قلبٍ عجز ياصل لـ يابس ضفافك من عقْب ماهو يقطع البيد .. والبيد جفافها ماكنّه الّا جفافك أرويتنا شعر يا شييييخ

قِدْ ضاع في غبْ الوساع المساويد قلبٍ عجز ياصل لـ يابس ضفافك من عقْب ماهو يقطع البيد .. والبيد جفافها ماكنّه الّا جفافك والله لو انّ الراحه فْـ راحة الايد ماشفتني قدامك ، ولا خلافك لكن وش اسوّي بقلبٍ مقيريد يغليك ، وانت لـ دمّ الاجواد سافك متعلّقٍ بين النحر ، واتلع الجيد ولا طرا في باله انّه يعافك تزعل ، وتنضب لا زعلت المواريد على حبيبٍ يرتجيك ، ويخافك وعلى رضى قلبك تفزّ الجراهيد وان لاح برّاق الحيا من رهافك يميل عودك ، واتّدلّى عناقيد ثمرْك .. وآحنّ لـ مواسم قطافك لا صدفةٍ جابتْك .. ولا مواعيد يبدو لي ان هذا هو آخر مطافك يا سِعد عينٍ تلمحك في ضحى العيد ترفل بنفنوفٍ توشّى عفافك يا موقّف الدنيا ، واهلها على حيد مافيه احد قدْ مرّ جنبك ، وطافك محسود من شافك من بعيد لـ بعيد وشلون عاد اللي من قريب شافك !

@FaresAyedh حيه وحي ما جاب ياسلام ياسلام

يا بنت

يا ليلة العيد وين خيالي اللي نشا اللي من العام برّاقه يثير دْهشي عزالله اني تضايق خاطري واحتشا يالله عليك الفرج للضايق المحتشي تهاني العيد اخذها سيل وادي الرشا واخذت همي وضيقة خاطري و اطفشي يالله ياللي لرحمتك العباد عْطشا ألهمني الصبر والسلوان وأجل وْحشي *كامل الحليلي

@dih2i ذمة الحب في عنق الغزال الحياوي خاف قلبي عليه، وصدّ ماخاف ربه 🤷‍♂️

لي بيت هنا مع أخواني الشعراء المبدعين.. عطوني توقعاتكم.

حَت الخريف الغصن وأومت به الريح وأنا الغريب اللي نفته أمنياته عاش الهوى بين إلتفاته وتلويح وقضى العمر بين الشعر وأغنياته ماعاد عنده حيله يقوم ويطيح تعبان من مجراه في مجرياته عسى السكينة في صلاة التراويح تريّحه في مابقى من حياته *مشاري محمد

@dih2i شعر وعذوبه من المطلع الى القفله 👏🏻

الله يغسل القلوب.. من الكراهيّة والله يغيث الهشيم الدمدم البالي

@in9August لا حول ولا قوة الا بالله، عظّم الله اجركم والله يربط على قلوبكم ويصبركم ويجبر كسركم الله يرحمه ويغفر له ويسكنه فسيح جناته .

@pro__q8 يوم تمشي على قاعٍ وروده شحيحه ينبت الورد فوق الخطوة اللي مشتها

@_0lih لا

round 3

@pro__q8 يوم شفت الورد ينبت على اطراف الطريق قلت اكيد انك تمرين دايم من هنا !

الختاميه

@pro__q8 المشكله راسك مثل راس كبريت ما يقدح الا مرّةٍ في حياته 😂

@pro__q8 حتى الشراري قبلنا قال ياليت رقبتي اطول من رقبة النعامه

@pro__q8 اخير منها ركعةٍ تالي الليل لا طاب نوم اللي حياته خساره