ذكرَى المحبّين.

و أبيّح ما جنى المحبوب فيّه وترمس بي معاذيل و شموتي فـ لو خلّي قطع فـ الحب ريّه علي و خان ميثاقٍ ثبوتي وعسفني مثل ما عسف المطيّة وصاحبها يقطّعها المروتي فـ لا والله ما أخون الخويّة على ما بيننا بلزم سكوتي ولو إني نويت أبعد شويّه عنه صوبه ترجّعني خطوتي

إذا يرّت بصوت الراعبية عليها بالمثل يرّيت صوتي وأجاوبها بِـ ونّات خفية وليعات المولّع في خلوتي وأسامرها وخلق الله هنيّة وأحارب من الوزا لذات قوتي يسوي مدمعي ع الخد عيّة كما عيَّ البحر بـ الجالبوتي ودقات القلب تمسي قوية وأخاف تفجّر الصدر الصموتي