مرهِي

يارب وأنت الملاذ لوحدة المهتدي يوم إن فؤادي وحيد .. إهده أنا مُتعبه! خلصني من الشعور اللي يهد جهدي و متعني بشيء كل الناس تستغربه وارزقني الحلم والصبر وجميل سعدي في راسي أحلام والأحلام، مترتبه تحتاج عفوك وأنا اللي حسن ظني مدي فيك أنت؛ ولا الأوادم ظنهم ما أقربه

كشح برق السحاب ، وغنّت الغرّا ، وهب النود وبدا ليلي يرتّب حفلة المشتاق كالعاده حضورك يربّك اللحظه ، وأنا يا مترفه موعود على صبحٍ شعاعه من تحت غرّتك ميلاده نهبتي من عناقيد العذيّه درّة العسجود ونثرتيها على لبّة نحرك نْجود وقلاده

يا الفريد اللي ماغيرك على الدنيا فريد العرب ما ظن بلحالها متهوّله ㅤ الطيور اللي تكافخ ومرقاها بعيد لو تشوفك من سماها تجيك محوّله ㅤ القريحة كانها فيك ما قالت جديد لا تباطاها تراها ماهيب مطوّله ㅤ أنت تستاهل محبّة وتستاهل قصيد مثل مايستاهل المدح راعي الاوّلة

يا الله بصبحٍ تستحي منه الأحزان و يا الله بيومٍ يطرد الضيق عنّا و رزقٍ مقدّر منك من دون حسبان و من دون لا قوة و لا حول منّا و بشرى يهل لكبرها دمع الأعيان و نسجد لها سجدة شكر و نْتهنّا يا والي الدنيا و يا عالي الشان و يا عالم اللي بالضمير استكنّا

بين حظٍ لك عليه وبين نفسٍ قلقه ضاعت الاحلام والايام من يامنها اعتقد وصلت انا والحظ لآخر حلقه كل ما قلت استوتلي قال كثر منها

"مرحبا " قبل السؤال .. ومرحبا بعد الأجابه يا هوى القلب العليل و بلسمه من كل عله ما بعد صوتك جمال ولا بعد شوفك رحابه أنتي ؟.. إللي تستحقين ( الغلا ) دقه وجله من يشوفك يبتسم لو كان عايش كئابه كيف عاد .. إللي ف قلبه لك مكانه مستقله

تكثر حشود المشاريه و الخاطر عيوف ما يطاوع قولة الوقت لا عيِّا طعه استمع قولن يماثل مخابيط العطوف من كفوف اللي جباه الرجاجيل انصعه من تضحكه الليالي تصحيه الصدوف لايهمل صاحب الضيق في وقت السعه والله اني ما اتضيعف ولا احب الضعوف جعل يومٍ ياخذ العز ….. ياخذني معه

تنثني يا ناعم العود يا سيد الملاح وتجتمع فيك المشاعر لو تضيع الجمل في عيونك سحر وفـ رمشك السم الذحاح كل عاشق شاف وجهك تسوي له عمل كيف صارت بسمتك كنها الخمر المباح الغريب إني ليا جيتك .. أعود ثمل قدرك اللي ما تحرك من هبوب الرياح اثقل من الظلع واقوا من متون الجمل

تقسى الطبوع اللي من أول ليّنه وش عاد يبقى لابدت تقسى الطبوع وجه الوصال اللي تعبت ازيّنه اصعب علي احيان من كسر الضلوع خل الكلام .. مغلظه وحنيّنه راح الكلام ولا بعد جات الدموع الخوف من ليلة وداعٍ هيّنه عقب الوداع الهيّن نعاف الرجوع

عطيتك من بشوت الهقاوي ثلاث بشوت ولا فيه بشتٍ جاء مقاسك ولا قدك أحسبك من اللي لا دعيته يرد الصوت و أثاريك تسمعني وودك ولا ودك أنا والله المخطي خطأ ما عليه ثبوت عطيتك سلاحِ يرتعد في كنف يدك و ذخرتك لو أنك ما تنذخر في لعب بلوت و تقدمت بك حدٍ ماهو و الله بحدك

يا حبيبي ما تهيا من الوصل مخطوف الزياده خير .. والخير كل يتبعه التعب ماهوب راحه ولاهوب مخلوف عند من يطرد سرابه ويلحق مطمعه جعل ربي ينصر عباده كبار الشفوف من قنع با لهون يلقى له احد يقنعه غيرك من الناس يمشي على الكبد العيوف وانت لو تاطى على قاعها .. ماتوجعه ونت معطيك الله عيون لكن ماتشوف غير ماودك تشوفه وودك تسمعه

إن وقفتي كل الأغصان مالت عود عود و إن مشيتي كل شبرٍ من القاع انتبه و إن رضيتي يقطع السيل مع لبّة نفود و إن زعلتي يزحف الكون لك على ركبه فيك للأبيات غايه ول القيفان مود ينعقد في لساني البيت قدام اكتبه اعشقك وادرى خطاويك من هرج النقود والطريق الملتوي والكلام المشتبه

ضعّت بين المرحباً والهلا والشامتين والأناقه والحلا والاصاله ، والنبل العيون أقوئ من أم خمس ومن المارتين والشفاة الين من الورد لا منه نجل لا حكئ ودك يعيد السوالف مرتين ولا سكت كنك تهايق على .. قمة جبل مالقيّت أشر واخطر من التفاحتين خل تفاحة نيوتن وتفاحة آبل

مطيح المطر بالارض يشبه مطيح خطاك على جرف جفني يا مطر ناظري ، مُرّي أحبّك واقول اني أحبّك ولا يخفـاك انا المعجب المعلن وأنا المعجب السري

على صوته تعاد الرسايل ، ويرجع خلّ لا طاح امطره من بطن سُحبه على كبده أنا الهادي اللّي شاف عمْره معاك ، وظلّ إذا شفتني أنهيت عمْري معك أبده مكاشيف برقه كنّها ثغْرك المبتلّ يا سبحانه اللي علّق العبد في عبده

زفّك النور في صبحٍ نسيمه خزامى غرّتك من يصبّحها؟ لقى ما تمنّى عودك مْن الترف يا ما تثنّى وياما أهيف ٍما أستقام إلاّ عشان يتثنّى جابك الله مثل غيث ٍمزونه تهاما ترتوي من هماليله عروق المعنّى جيتني كنك الماء لا تساقط على ماء ديمتك ممطرة منّا ومنّا ومنّا

طقوس المسا عندك يكون القمر مذهول و تغنين !.. و يلاحيك فوق الغصن قمري و تزف البشاير فـ المطر : وجنه و مجدول  و يصير السحاب إليا سقى غرتك .. مغري حبيبك .. لو يشوف الغلا خالف المعقول ماشاف الغلا واجد .. على عودك المبري

طبعي اجنب عن الناس واصد لاشفت م لا يستحق اهتمامي في ذمتي ماهو بَ معجزني الرد انا اعتبر صمتي جزء من كلامي لكن عندي كل حاجه لها حد قبل توصل هيبتي واحترامي صدي عن اللي م يبادلني الود شيمه ل نفسي واحترام ل مقامي .

جل من خلا النظر في ملامحها ذنوب ذا وهو مافيه طهرٍ مهي تستوطنه من نحرها تشرق الشمس وتموت الحروب والسلام يعم ، والخوف يفقد ديدنه والطيور تودع الغصن والظبي اللعوب لو يعرض .. كل طراد صيده يمنه يستريح الليل في شعرها من كل صوب مثل مايرضى القضا ، كل نفسٍ مؤمنه

عيد الله عليكم مبارك وكل عام وأنتم بخير .. 🤍

عيّدي يا ام الحسن لا مثلك ولا زيك ما خبرت من البنات اللي حلاها قدك هي وجيه الناس تاخذ نورها من ضيك؟ هو نهار العيد يبدا مشرقه من خدك؟ جعلني فدوة عيون الفاتن المتشيك والجواهر والذهب في جيدك وفي يدك