M.

اللهم حاسبنى حساباً يسيرا.

تسلم يا ذووق...

فعلاً

اول مرة أشوف كاتبة تغير من نجاح شخصيات خلقتها فتقرر ان تهدم كل ده وتلعب ف اساس القصة اللى هى حاطاها والشخصيات على أمل النجاح يفضل مكمل وتثبت لنفسها انه نجاح افكارها هى مش كمسترى الابطال،حقيقى الغرور لما يتملك إنسان بيخليه ينهى نفسه بنفسه وقابلى بقى ياجولى عشان انا مستمتعة بفشلك

الدحيح راجع فى نفس يوم وساعة عرض المسلسل وحاسة ان دى رساله انه هيتم إنتشالى من العبث اللى بأشوفه كل اسبوع نسأل الله الثبات.

انا عندى مشكلة أكبر من فصل الصيف نفسه،ألا وهى تخفيف الاحمال اللى بيحصل فيه ومش مستعدة أفتح عينيا فى نص الليل لما أحس بالحر وألاقى الدنيا ضلمة مش شايفة إيدى حتى ونفسى يتقطع وأپانيك فى الكام ثانية اللى بيعدوا عليا كأنهم دهر و أنا بأدور ع الموبايل عشان افتح الكشاف بجد..!!

الخاله عشان هي اللي بتتمرمط

اللهم صل وسلم وبارك على سيدنا ونبينا محمد عليه أفضل الصلاة وأتم التسليم صلاة تنفك بها العقد وتنفرج بها الكرب يارب العالميين.

يارب بحق ليلة الجمعة، إشف كل مريض وفك كرب كل مُبتَلى و آت كل ذى مسألة مسألته يارب يا كريم.

@ranbed1 لا احنا اللى نطفى النور عشانهم

وانتو مش هتطفوا النور؟

كياديين احنا بردوا مش سهليين😂😂

عايشين فين انتوا علشان تحبوا الصيف؟! هااااه!!

عايزة أعيد إحياء افتكاسات الخميس بس انا مفرهدة و ما صدقت لمحت الكنبة بجد.

كل شئ يذكرنى بشئ😂

نفسى بس جبانة للاسف.

الناس كلها بتاكل تفوق تستعيد نشاطها ، انا آكل من هنا اصدع وادوخ وضغطى يعلى وحالتى تبقى حالة.

زعلانة اوى وحزينة ان بسنت الله يرحمها مبداتش تاخد حقها وحق ولادها من النطع طليقها غير بعد ماخلاص ماتت!! أتمنى ان طليقها ينال نصيبه وجزاءه فى الدنيا قبل الاخرة على تسببه فى تفريط انسانة فى روحها من كتر العجز و القهرة وقلة الحيلة، وربنا يرحمها ويغفر لها ويطمأن روحها على بناتها.

زي النهارده من تلات سنين بالضبط، شفت حوار على تلفزيون الاشتراكي لباحثة وكاتبة سودانية شابة اسمها مزن النيل، أعجبت بكلامها المهم والصادق واللي ساعدني أفهم بعض ما يحدث في السودان الحبيب واللي كنا بننظر لتجربته بإعجاب ومحبة، ثم أدمى قلوبنا ما جرى له وفيه، اتصلت بالصديق حسام هلالي وطلبت منه يوصلني بيها، وتواصلت معاها وطلبت استضافتها على قناتي لعل ما أطرحه من أسئلة يساعد متابعي القناة على فهم ما يجري في السودان بعيون حد متخصص ومقيم في السودان، ولما سألتها عن الوقت المناسب لإجراء الحوار كتبت: "ممكن العصر بتوقيت الخرطوم، ده أقل وقت بيكون في أصوات قصف وبرضو بيكون في شوية ضو لو الكهربا قطعت"، وصعقني الرد العادي وخلاني أفهم خطورة الوضع، ومع إني عادة ما بابعتش الأسئلة للي هاحاوره عشان يكون الحوار في عفوية، لكني بعثت لها الأسئلة بالتفصيل لإنها قالت لي إن خطورة الوضع هتخليها متوترة وهي بتتكلم فممكن ما تركزش مع تعالي أصوات القصف، واتربكت واعتذرت لها لإني أصلا باطلب منها حوار في ظروف زي دي لإني ما كنتش متخيل الحالة بهذا الشكل، وتشجعت لما لقيتها مهتمة توصل صوتها لناس كتير خصوصا في مصر حست إنهم فاهمين الوضع بشكل أدى لردود أفعال خاطئة، وعملنا الحوار وكانت مزن النيل كعادتها رائعة وصادقة وكلامها موزون، وتشرفت بحواري معاها وكسبتها صديقة افتراضية، أطمئن عليها بعد ما اضطرت للخروج من الخرطوم وراحت بورسودان أو على رأيها في رسالة "بنحاول نتحرك نحو المستقبل"، وهي محاولات لم يكن أحد من أهل السودان ومحبيه يتصور أنها ستكون بهذه الصعوبة والخطورة. من كذا شهر بعثت لي مزن النيل رسالة متوسمة خيرا في أرشيفي وقالت لي: "بافتش على أرشيف مجلتين مصريات اسمهم القلم والرسالة، حسب كلام أبوي، جدي محمد أحمد النيل نشر فيهم مقالات ربما في الخمسينات أو الستينات، وبنحاول نلاقي مقالاته هدية لعيد ميلاد بابا لا أخفيك سرا، لقينا أرشيف الرسالة أونلاين لكن ما لقينا المقالات، أما مجلة القلم فما لقينا أي ذكر ليها". بدا لي إن الرسالة اللطيفة فيها محاولة تعايش مع صعوبة المستقبل اللي بيبعد أكتر كل شوية، وبدا لي كمان جانب جميل من روح مزن اللطيفة ومن ميراثها الأسري الجميل، وحاولت أساعد في تحقيق طلبها لكن لما فشلنا في العثور على المقالات نسيت أسألها جابت إيه هدية لعيد ميلاد باباها، ومن كام أسبوع قابلت باحث سوداني صديق والكلام جاب بعضه فافتكرت طلب مزن وسألته عن الموضوع، فوعدني بالرجوع لأرشيف جامعة برينستون وقلت يعني هيبقى جميل لو لقاها قبل عيد ميلاد باباها الجاي. النهارده صحيت على خبر رحيل مزن النيل الفاجع فتذكرت سؤال سيد حجاب المؤلم والمتكرر: "الحزن في القلب ياه.. لابِد ما بيفوته.. أحسن ولاد الحياة ليه بدري بيموتوا؟". ألف رحمة ونور عليكي يا مزن النيل يا جميلة، وربنا يصلح حال السودان ويعجل لأهله بالخلاص، ويجمعك بجدك في جنة الخلد ويصبر أهلك وحبايبك على هذا الفراق الأليم.

فى كارثة حصلت النهارده..بس طالعين نعطى نصائح!! جماعة بالله عليكم اقعدوا على جمب شوية.