عبدالعزيز العتيبي

لا بغيت المزح .... دور عالمٍ مزّاحه شوف عيني سعيهم خلف الفلاش وضيّه فوق راسي غيمةٍ والارض تحتي واحه ماني بْملزوم اتبع ..... عالمٍ مبليّه

يوم شفت ان المرض ياكل بقلب السّاحه لا إنكشف وجهٍ ؛ تصدر وجه ثاني زيّه كل بابٍ يا رفيقي ...... عندنا مفتاحه دام عندك ميسمٍ واجب نجاح الكيّه

ألا يا صحيبي ماني ورا الكاس والمرواس طروبٍ لعوبٍ ما يحسب المعوره صحيبك على الامجاد والعز والنوماس يبنّي المباني مير بنيه هوى سوره

سلامي على المنكوس والدرب والهوجاس وكفٍّ على الطالات ما اطول شبوره أعرفه واخط اسمه على اللوح والكرّاس واراعي له اخبارٍ من القاف مخبوره