A Y

رسمت له نجد فيّ قلبي لـ مرباعه وضلوعي العوج عتبانٍ يحرسونه ودِّي بشوفه وأشوف الناس طماعه ناسٍ تجي من وراه وناس من دونه ):

أجاهد الشوق بعد غيابك أعظم جهاد أي و الله " أبيك " لكن المراجل تبي - مزيد الوسمي

الرضا والضيق ما كانت على البال العمُوس من يحوس البال هذا ومن يعرف يرتبه إن فرح ما شالته الأرض وتحلواه الجلوس وإن زعل عوّد يشيل الأرض عَلى منكبه ليش أفتش في ملامح ليلتي هذي وأحوس الليالي من ملامحها على وجهي شبه - ماجد النفيعي

رحلة الأيام تجبرني على دفع الضرايب جمرك ماهوب تابع للتجارة والصناعة لازم أدفع رسمها بالطيب ولا بالغصايب فالبداية كل عام وفالنهاية كل ساعة أشغلتني وأنهكت نفسي وجابت لي مصايب شي مقدور عليه وشي فوق الإستطاعة .

يابو علي ماشفت مرعى الشياهين من ساحل الروشة ماهيب جبلية ام الخدود اللي تهاوش بها الزين وسحر الهوى بعيونها الساحرية خلت قلوب اهل الهوى بين نارين نار الخدود ونار حمر الشفيه - عبدالله بن عون

عفى الله عن مواعيد إتنتظارك والسنين حيام وقفت .. ما معي غير الوله واقف ومتسامي يخوّفني ضجيج الشوق لا ارتاد الطريق العام وتغيرت بكل إتجاهاتي وتأثيري وهندامي حرارة فقدك اقسى ما تجيبه بارد الانسام وانا للحين من حر المفارق ترجف عظامي

لاعتلت كبد السماء مثل الحرار صواريخً مثل ضرب الرعود نحتمي بـ اروحنا دون الديار لاحتزمنا واعتزينا بالجدود كل ما ثارت على الدنيا غبار ما تزحزحنا ولا خنا العهود وان حدانا الوقت نرخص فالعمار في مبيع العمر ما ننقص نزود .

يفدا عشيري كل برقا على روق واللي بعيد الدار واللي هنيا ويفداه من يركب على الخيل بعروق مع خيل بن هندي وخيل المحيا ويفداه من يمشي على الارض من فوق واللي يشوفون القمر والثريا ويفداه حضرٍ لجو العصر بالسوق وابن رشيد اللي عن الحكم عيا

عقب الموده كيف تقسون !

ومن امام شارع بيتِه طرا عبالي بيتين لـ عناد الشيباني ويقول : خطفني غرام اللي على شارعه مريت غزالٍ تحت هيبة .. قوانين موطناا تجيه القلوب اللي تشابه حصا حليت وترجع وهي خضراء مثل روضة مهنا ❣️.

من كثر مايعشقك ماقالك بالحب رايه خايف الايام لاتطلع عواقبها وخيمه في طريقك كل ماكنه لمس درب الهدايه تاه ودروب الحياه المستقيمه مستقيمه فدوتك مافات من الايام واللي عاد جايه يابعد عمر مخاسيره معك عندي غنيمه .

عاد عيدك ياغزالً تعيد من زمان في طرف ضلعً عليه السوافي بانيه لاتعرض لـ الهبايب وعودك خيزران تسحبك نود المرابيع سحب السانيه كف سهم عيونك السود رحمه وامتنان العرب مجني عليهم وعينك جانيه انت باشة سحر الألباب غيّ وعنفوان لاتصد ولا تضد الحياه الهانيه .

نطحوني نجد الانجد وذعذاعة هواه نطحوني معي متلازمة تكة صدر امتشبث في هوى نجد واقدّر خلاه جعل تفداه المنامه وكورنيش الخبر .

لاترد أخوان بّدوى عن هواها مايبون إلا الديـار .. المهمهيه في طرف ذودٍ من الوضح بعصاها لو تعنيّهم .. وطرقتها شقيّه !

سامحيني حظي صغير واحلامي كبار والحسايف والتوجـاد نارٍ حارقه كان ماقلطني الحظ من فوق الفقار وش ابي بالنظره الي مغير مسارقه باب ابوك اللي يطقونه طوال العمار واهني من قام حظّه وجاكم طارقه كنت ابيه ومن سبقني بحسن الاختيار والله ان حظّه قوي والسعد مافارقه شبه وضحا في كنف من يحطون الهجار فوق خد اللي لـ قلب اخو بدوى سااارقه تيهوها فـ الصيااهد مرب ام الحوااار وعموقهاا لين صارت علامه فااارقه اللي مايكتب عسر والتجااريب اختبار يـ مناااوي شاعر همِ فقدك طاارقه كيف ابصبر واخذ من الزمن رد اعتباار والليال البيض عقبك ؟ وجييها فارقه

اذا اجتمعت عزة النفس بعيون الكريم : وقوه الوصف يتألق مثل هالبيت لـ الشاعر الكبير عناد معضد القثامي : قرمٍ يموت بحاجته ،، ماترجى الا لاجاء يعزمك قام يترجاك "

@eennad_88 وانت بخير وصحه وسلامة يبو معضد💙

• كل عام وانتم بخير

ليت يوم انه نطحني بالسلاح اللي غزابه ما تعجل لين دورله سلاحً ينغزيبه طلقته لو امكنتني ريحتني من عذابه ما يروع الذيب غير الطلقه اللي ماتصيبه ! - عبدالمجيد الذيابي

تبي تصبر مثل ايوب لاشفت الزمن خداع وتبي تفرح مثل يوسف لاشاف العفو واصّله مدامك تفعل المعروف لا تحزن لامنه ضاع ترا المعروف مايمحق لا سويته لوجه الله .

العمر مره والقلوب البيض ما تبغى دليل والناس لا طابت نواياها تطيب حظوظها .

🫲🏻❤️.