مِرَاس

أنا الانسـان والفنان والشاعر معًا

يا طابع الشفه على حافة الكاس  الكاس ابيض وفيه حمرة شفاتك من رقة البوسه غدى الكاس حساس  وصار يتنافض في ايدك من حلاتك

ضمّ الضلوع العوج لـ اللّي عنالك و ادفن جبيني في ربا حضن كفّيك يا واحدٍ روحي و قلبي حلالك آمر تدللّ تصرخ الروح لبيك آمر تدللّ قول و الطيب فالك لا تستحي اطلب عيوني و بـ اعطيك تبغي قصيدي شف قصيدي قبالك كلّ القصايد فـ الغزل .. قلتها فيك احسد قصيدي لو يوصّف دلالك و اموت غيره من قصيدٍ .. يسلّيك يا غير قلّي وين وداك .. بالك يوم القصايد و الغزل ما تبدّيك لو تسأل عيوني تجاوب سؤالك و ليت الاجابه في سؤالي توافيك و ليه ارتجف لو مر .. جنبي ظلالك و ليه الحروف تضيع لحظة الاقيك و ليه الشموخ قبال عينك .. تهالك و ليه السما و القاع تحضن مواطيك و ليه الغرام انقاد طوع لـ حبالك و ليه الثرى .. يبكي اذا ما يوديك و ليه النسايم لو تهب بـ شمالك مالت غصونك و انْثنى كل عاليك هذا سؤالي جعل عمري فدالك و يا جعل عيني فدْوه لكل ما فيك و جعل الدروب اللي تخاوي رحالك تنبت ورودٍ يانعه .. في اراضيك و يا جعل ليلٍ يسترك هو بـ حالك تبقى نجومه خاتمٍ لـ اصبع ايديك

أكذب عليك إن قلت لك ما تضايقت والله يا حاديني من الضيق حادي عاتبت فيك -شعور ما يزهد- وضقت إني في وادي عنك وإنك في وادي اشتقت لـ أعجابي قبل -فيك- واشتقت لـ وجهك اللي كان يأسر فؤادي وجدي على وجهك قبل دورة الوقت -الفارق- اللي صار هالحين عادي

Elegance in every detail 💫

علميني يابعد حيي وميتي وين بالدنيا بلاقي لك مثايل لك جبالٍ ظللت روحـي وبيتـي لك صحاري خلّدت صيت الفعايل إشربي ياعين علّك ما ارتويتي من ثراها من سماها بالتخايل ويا مساييري رضيتي مارضيتي ما لك ديـارٍ تشابـه قلب حايل

يا ليت الزمان يعود بي لاول المشوار قبل .. لا تقص أحداث الأيام تذكرتي وتاخذني الدنيا عن الدار وأهل الدار غريبٍ يضج بـ غصّتي همس حنجرتي شعوري شعور التايه المرغم المنهار اعرف اوّلي .. لكنّي اجهل وش اخرتي عرفتك وانا نفسي صبوره على الاقدار قبل تختبر .. صكات الاقدار مقدرتي ماعاد اعرف من كثر ماني معك محتار تغيّرت انا .. ولا أنتي اللي تغيرتي كلام العيون .. يبرر الواقع اللي صار عطاك الزمن عدة خيارات واخترتي ورحتي وانا من يوم رحتي غريب أطوار من الضيق صرت ادور في نفس دايرتي يا ليت الكلام اللي حبسته ورى الاسوار مجرد " رسايل عالقة " في مذكرتي على كثر ما كانت .. ليال الوصال قصار على كثر ما كانت " طويلة " بـ ذاكرتي

ما جيت أسمّعك الكلام الي تبيه جيت أودِع الذكرى القديمة فاللحد خل الكلام الحاد والرأي الوجيه يمكن يكون الاعتراف أقسى وأحد ما كنت وجه وبس من ضمن الوجيه إنسان عاهدني على شي وجحد أنت الشعور الي ما قد حسيت فيه وأنت الكلام الي ما قد قلته لأحد @Alsraheed

مادريت الا وهو بالقلب وازي غفلةٍ ماهي على قلبي حسوفه قلت ياعذب اللمَى ثقل المرازي يابعد من داعبت كفي كفوفه لاتعزويني وانا ماني بعازي ريض المسيار لو فيها كلوفه قال يابويا وهو ماهو حجازي قلت وابويااه من قلبٍ تلووفه

المرأة التي تقودها جَهامة الحدس لن يعجبها ريّع الطريق ولا سِحر العاطِفة .

لو جت على الودّ أنا ودّي أشرب قهوتي وأتأملك ❣️

تقسى الطبوع اللي من أوّل ليّنه وش عاد يبقى لا بدت تقسى الطبوع وجه الوصال اللي تعبت أزيّنه أصعب علي أحيان من كسر الضلوع خلّ الكلام .. مغلّظَه وحنيّنه راح الكلام ولا بعد جات الدموع الخوف من ليلة وداعٍ هيّنه عقب الوداع الهيّن نعاف الرجوع

عاد تنشدني عن علوم القصيد دام القصايد ، مانفع مفعولها مابيك تزعل يا عسى عمرك مديد والكلمه العوجاء ما ابيك تقولها !! افلح وذب الريع ، لا تقعد تعيد قصة غرامٍ ، منجرح من هولها والله ما عاد اداني اكتب لي جديد كل ما نويت اكتب طرا لي زولها .. !

وكل ما كنتُ اخشاه ارتكبته بيدي

لامنك ولامني .. تصير الجفيّا نرضى وننسى ياهوى البال مافات والا انت حبك في الضماير هنيّا تطري علي في ساعتي عشر مرات

ما عاث بقلوب المواليف وأجتاح كثر الهوى اللي ينثني ويتمايل شيٍ نقوله بالقصايد ونرتاح وشي ورا عوج الضلوع النحايل ولا فرحت بشوفة البرق لا لاح الا حزنت من أنعدام الوسايل ما جا الجواب بظرف ساعي ولا راح والفقد له بعيون ناسه دلايل ياما تمنيت المطر كل ما طاح ألقى بصندوق الرسايل رسايل

أبسط الأشياء معك تورّد لي الدرب لأنه « بالجليسّ لا بالمكان » وانت الجليسّ الي لو أتكّي معه على أطرف رصيف غدت روحي بعد الصحاري بساتين ورد ..

« أدري أني كل ليلة بينه وبين الحسايف يوم يذرفني دموع و يوم يكتبني قصيدة »

تعال أقبل على حضنٍ يقاسمك الهموم أنصاف توسّـد كتفي الأيسر على قلبي .. ودقاته وتعال لكتفي الأيمن وسايد راسك الأكتاف وأنا حتى البكاء ببكي عن عيونك وعبراته تعال وعطني همومك حبيبي ماعليك خلاف تعوّدنا على وقتٍ معذبنا بصفعاتّه …

انت سرٍ من اسرار الحياه الجميله ما يسولف به العاقل على اغلى اخوانه

وش ألذ من القصايد و الهوى يطرقنا ؟ ومن تجمّاع الولايف في المساء الماطر