عزام المطيري

اللهم القلبْ و ما دعى والخِيره فيما ترى 🤍

( أنا فاقدك ) بـ المختصر لا يطول الشرح و شوفتك ماهي بـ تْهيا لو بْسرقى بنينا على درب الغلا و الموده : صرح و يومين تنزل منه و أيااااام به ترقى وش اللي حصلك تردف الجرح فوق الجرح ؟ كأنك تدرب قلب خلّك على الفرقى

إذا لي قلب يعني لك .. ، علامك صاير اتعنيه ؟ اظن اللي مشعشع لك سراجك عيفك زندي ؟ انا واقف على نفس الطريق اللي تركتك فيه لعل الارض تاخذ بعضها و ترجعك عندي )؛

من : جملة الناس ما كلً بـ عيني قلط ابتشوف : ( معادنهم ) .. و أنقي نقي يخيب : من هو بتكوين المعارف فرط على : مُدراتهم ، يركض و يشقى شقي و يسد واحد و لو : ما في حروفه نقط يوصلك : ( فـ الكايده ) قدام لا تبرقي يا صااااحبي : مالنا عند الخلايق محط يبغالنا : ( سفرةً ) .. تسفر عن المتقي و أليا ركبنا ما ننظر في : عيون القطط ( نْباري الغيم ) و اسمعك من منطقي يموت الإنسان فـ الضوضا وكثر اللغط و مقارعات الحجج و الهقوه أليا هقي و لو انها بـ الأماني و الهوى و الخطط ما كاان سيلت حبري فوق : خد ورقي يا حظ و العمر مره : كب عنك العبط ندري بما رااح ما ندري عن اللي بقي ان كان ما قمت في ذروة شبابي غلط ما ظنتي ( لا بلغت أشُدي ) بنلتقي !

يا ليل الرضى ما عاد نقوى لشيل الضنك على ادناة سلوى عابره : ينشرح بالي مدام ان مال سنين عمري محافظ بنك لجل فرحتي باطى على روس الاموالي تبا تصفي الدنيا ليا من صفى معدنك و لا من تشهب ياخذك لـ اشهب اللالي ولا تسمح لـ من سولت نفسه يْلونك ترى للوجيه ألوان و انواع و اشكالي يِدنيك من هقواتي الطيبه : ديدنك قصير النظر ماهو بـ عمي ولا خالي ترى اللي يبا منك اتعالى و ينهش منك ماهو مثل من خاشرك فالمر والحالي و اذا تحسب اني في رجى جيتك يا عنك انا مستعد اقبل على الموت بلحالي )؛

عزوة #جهينه مفضيت مظلمة السجون ما تخاف الام لو ينسجن منها ضنا youtu.be/WbafInc3UKo?si…

سنينً طوال .. تْزل و اصك دونك باب و هالحين جاك العلم و افتح له آذانك بعد طاح قدرك ما ترجعه بـ المشعاب و لن قصرت يمناك ما طلت بلسانك غصبك الكبر و اخطيت فالماقف الغصاب تعقد المشاكل كنك تْعقد حجانك لو انك خذيت من السما نجم و الا شهاب ترى الحر ما يمكن يدنق لـ تيجانك سؤالً وحيد و لا تقابله بـ استغراب لعل و عسى يوزن على الحق ميزانك مدامك قدرت انك تمرجل مع الأجناب وش اللي يخليك أتردى مع اخوانك ؟

بسم رب الكون و مكون اللي ما يكون خالقه من عتمة الرحم لـ عتمة فنا من ظهر ادم ظهرنا سلالة مخطئون و الخطا حول بنا فـ البسيطه كلنا و قبل تقصير المشالح و تطويل الدقون نذكر الله في ميامي و نذكره فـ منا عندي من الصبر مـ اصد به ريب المنون ماني بمحتاج فـ مداحم الوقت عونا

#الصورة_تقول

بين بيض السنون و بين زرق الدموع لا تردد مع اللي : لـ الجفى صامله يوم قربت نظراتك ! عماك السطوع ابعد شوي و تشوف الصور كامله )؛

( تهمش فـ الرسايل ) .. كنها ما عاد تعني لك و ذي اول ( إشاره لـ الجفى ) يا عارف الوجهه صفت الايام والا ما صفت ، لي قلب صافي لك عط الدنيا ظهر و ارجع على اللي حطك بوجهه

@mohmd2009q وعليكم السلام حياك الله نعم ياغالي الشطر لي 🙏🏻

@_azaam السلام عليكم .. هل الشطر اللي تقول فيه ( تحت البسيطه ناس ماهم بسيطين ) لك ؟ ام انه متعارف عليه كمثل او نحو ذلك؟

أليا انربط شيطان .. باقي شياطين لا تقوم في دوره و تسأل عن الحل ! ويش انت من طينه قبل تنزل الطين ؟ عن الغرور و شوفة النفس أنحل تحت البسيطه ناس ماهم بسيطين حاول : تحسن سيرتك قبل ترحل

قفى و قفى .. ماهي مره و لا مرتين العقل شكاك و القلب العمى عاذره ان كان ما عاد ، ما حنا من العايدين و اعناق الأحباب في حفظ الغلا ناذره

عسى الله يدبر وجهتي : فـ الزمان الجاي قبل يستوي ظهر البسيطه بـ باطنها سنين العمر تركض بي و لا وصلت أقصاي وراااها وراااها … ( لين ربي يزينها )

يا عين غضي عن محقرة العباير و ادمعي على الشعور اللي ما تنصفه المحابر و الورق واليا بدالك ما بدالك ودعي و استودعي في طية الايام ما ينسيك عن كل الأرق الشك هو اول علامه من علامات الوعي لولاه ما ينشد عن السلعه ولا عن من سرق ماهو على كيف الانانيه تحدد موقعي وانا حفيد اللي يوقف في نحرها ما درق يا مبرد الايام لا من صارت تْواكب رعي و يا مجمل الايام لا من لحقت كبدك حرق اللقمه اللي جات بين ايديك و بليا سعي ما تشبه اللي جات من صلفاقه و بشت عرق ست سنين اجاذب اللوعات و اخفي موجعي ما عاد باقي في جدار القلب رمحً ما زرق واللي هقيت انه يشد إيديّ و يوقف معي هو نفسه اللي لوح بـ يمناه فـ أول مفترق

تسلب الايام من عيني الافراح سلب من يعلم ليلة البارحه معنى السنع ؟! ودي امشي فوق جمره و لا امشي فوق قلب واحدً : ( ابطيت اعزه ) و عيا يقتنع !

ترى حتى الرفيق اللي بنبش جروحنا يسهب ليا من مرني ( شيً يحسه ) مـ أتطفل به مدام ان الفرح بابه مسايف و الهبوب تهب عسى ربي يجيب النسمه اللي ما تزرفل به

لا تعلق عثرت الحظ في ماض السنين دام تجهل وش مقابلك خل اللي وراك ان كتب ربي سعادتك يـ القلب الحزين سخر الأسباب و الناس تركض في رضاك

القلوب تْطول شيً ما طاولّه الذراع يحزم الرجال قلبه و يترك محزمه في عجب عين الليالي و قدر المستطاع واحدً ما يخدم السيف لا يستخدمه  الضعيف يسحب الطيبين لـ كل قاع ان عجز بالفعل عجزهم بـ فتحة فمه   و من تشبع بالمبادي ما يقنع بـ القناع الشهامه تلزمه و المرؤه تلزمه    الثرى مدكوك و الارض مليانه بقاع ما على المخلوق الا يدرج بـ قْدمه   محدً بـ البهت يبني و لا يهدم قلاع كل من يبهت تساوى وجوده بـ عدمه   و لا يوطي هامة الراس عقب الارتفاع غير منهو فـ الخصومه ما يبقى به سمه   الرجال رجال في سلم و الا في نزاع يفحمك واحد من القوم و آخر تفحمه   لي عدوً في عداوته شي من المتاع ان لقى الخير اخطمه و ان لقى الشر اخطمه  ما كلى لحوم الاوادم و لا لحوم السباع وجهه ابيض مع غريمه و دمه و لحمه غاسلً سود النوايا مثل غسل الشراع و لا يضيع الحق حتى لو يْضيع نْسمه ان قتلني صار موتي على يد الشجاع و ان فزعلي داري اني ما عاديت رخمه