عتيق

حين اتوفى ستدخلون هنا لتقرأو ماكتبت فإن وجدتم مايؤجرني انشروه وأن وجدتم مايؤثمني فاتركوه .

عش العمر شامخ لاتعيش الحياه ذلال ترا الحر ما يلطم عيونه ب مخلابه نفوس تضحي بالكرامه عشان ريال ونفوس تعيش بـ عزها لين ترثى به اخذ عفه الزاهد وخذ همة الوبال وخذ طهر من طاحت دموعه بمحرابه واللي مايثمن كلمته عدة فنجال والي مايثمن قيمتك لاتعزوا به

ما عاد تغريني كثير الثناءات حتى و لو قالوا غرور و تعالي أنا الفلك و الناس حولي مدارات تشوف عز نفوسها من خلالي و شلون تعكسني عيون المرايات و وأنا أربعيني ما تعدوا ظلالي

﴿ وَإِذَا مَرِضْتُ فَهُوَ يَشْفِينِ ﴾ اللهم إنّ الداء داؤك، والدواء دواؤك، ولا شافيَ إلا أنت، ولا مُبرئ للأسقام إلا أنت ،اللهم يا شافي، اشفي ابي شفاءً لا يغادر سقمًا

مدّي يدينٍ عاهدتها يديّا ياللي سماك ملبده برق وغيوم لا تشتكين اللوم وانا هنيّا انا هنيّا لأجل ما يلحقك لوم! ياللي جبينك من غلاه الثريا ما عاشرت شمسٍ ولا خاوت نجوم ان كان ما جتني عليك الحميّا ما عاد لي في باقي العمر ملزوم

ماكان قربك قيد كيف الهجر قيد ؟ هذا هو اللي ما عرفت اكتشافه يمديك يا مسافر بليّا مواعيد تحسب حساب موادعي والمسافه قادر تسلمني يدين التناهيد واستقبل طعونك بصبر ولطافه وينك ؟ وانا احبك واجددْك واعيد حلمٍ بدا بك يا نهاية مطافه يمدي حبيب مواجهك يا اتلع الجيد الحب ماله في ضميري حسافه حتى تبّسامي معك ليلة العيد خطاي لكن ما ندمت اقترافه .

انا على كف الزمن .. عايش الجو لو الظروف اقسى من اللي تجينا عشت الحياه وقلت ياخاطري سو محدٍ تفضل .. بـ الوناسه علينا .

الهوى مافي طريقة مجالٍ للهروب صاحبه لو يملك الرأي ما يملك قرار عن غرامك يا أتلع الجيد لو قلبي يتوب يمكن أدخل في حياتك بقلبٍ مستعار جرتك في جرهد البال يا الظبي اللعُوب مثل نبت الورد الأبيض على وجه الخضار مد يمنى الوصل وأقلط على الصدر الرحوب وأحذف كبار المعاذير بالسبع الجمار وأنت عاد عيونك تذوب اللي مايذوب في ملامحها يضيع العتب و الانتظار كنها مطلع قصيدة ترددها الشعوب درةٍ لعيون بلقيس .. كاتبها نزار

تسولف العين لا صار الكلام بثمن يا ليت بعض الدروب اللي تودّي تجيب لو بقدر اردّ كل اللي خذاه الزمن من يقدر يردّ الاحساس القديم الغريب مايوجع انك تقول الوجه هذا لمن ؟ الموجع ان الجروح الغاليه ماتطيب

جابك الطاري وما عندي مناعه الرجى معقود بالصدر الشمالي لو بغيت انساك تطري كل ساعه لين اسج وسجّتي دايم لحالي ولو بغيت ادوّرك بعد انقطاعه كيف ادوّر جرّتك في ربع خالي ؟

بعض الكلام يصير مثل الرمح اللي تمثنى وسْط ظهر كليب ماهيب والله لحية اكتب وامح الصدق بيّن مثل وجه الذيب لا يجرحونك يالقبال السمح حوّل بهم من سلّم الترتيب خلّك من اللي يزرعون القمح وعليك باللي يزرعون الطيب :)

ما لقلبي على. وجه. البسيطه بلاد مل من زيف الارض و للسحايب شهر المحبه. مجَاهد و الموادع جهاد مجلسً دلة ياس و قدوعه. قهر بيدك الامر لو تحكم علي بالبعاد يا معلمني. ان الثلج ما ينصهر ذكريات المحبين القدام الجداد من قصايد زهير و من عطور الزهر لو شعوري جليد و لو فوادي. جماد مستحيل ! اتخطاها من اول. شهر و ان تناسا الفواد انك حبيب. الفواد وش ينسي العيون انك صديق السهر

@qlv04 يسلام👏🏼👏🏼👏🏼

هدو الليل وانسامه عذاب يذكر السالين ياليت الادمي يقدر مع الايام ينساها لو الذكرى ليا مرت ماهيب تذكر الناسين ماكان الضايق اليا شاف له قمه تعلاها تشوف الليله الي غبتها يوم الفراق الشين هاذيك الليله اللي ماتذوق العين ممساها دخيلك لاتناظرني وانا زعلان منك الحين رغم قو الزعل نظرة عيونك ماقدر اقواها تخليني اعيش العمر بين الشك والتخمين وانا اللي لو تجيه الفرصه يشوفك ماخلاها حرام انك تعاملني بقسوه وانت كلك لين تقول انك تخير بابشع الكلمات واقساها مع انك مخطي ولا تعتبر نفسك من المخطين لازلت اللي يحبك … والمحبه ماتخطاها ليا من جيتني ذلحين ولا جيتني بعدين هلا يا مرحبا وابرك ليال العمر واغلاها شعوري لو يديني تلتقي بايدينك الثنتين شعور اللي لقى له حاجتن كان يتمناها لاتستبعد نبات الارض لو ينبت على ابن الطين انا من ليلة فراقك وعيني ما وقف ماها

يا احلى الوجيه اللي بقى في يديني مشاعرٍ ما تقبَل الجمع و الطرْح هذا الجمال اللي يضيع سنيني لا اختار لي طيحة و لا اختار لي صرح ان كان باقي لي حياة ، انقذيني فالحب ما تغني الملامح عن الشرح و ان كان مالي بك نصيب ، اجرحيني على الاقلّ اروح منْك و معي جرح

حبايب القلب قلبي لا تلومونه تراي أحسّ بوساوس حزن متّحده واضحك ليا احدٍ نشد عن حالي شلونه ماهيب ضحكة وناسة ضحكةٍ جحده واخاف من كل غندوره ومزيونه وما آداني الاجتماع،، اداني الوحده مجنون وامنيتي مْن الناس مجنونه وحده وراحت!! ماعاد ابغا ولا وحده

نخفي الوله وقلوبنا كلها شوق وعيوننا تخفي غراماً ، خفيناه نكتب مشاعرنا تحت رأية الذوق والحرف من جوف الحنايا نزعناه

كنت اتمنى رحيلك كذبة ابريل وابريل بيروح وانتي مارجعتي !

مشاعري يا اغلى فصول امنياتي يتوه في تعبيرها معجم الضاد انا معك مهما يطوّل سكاتي ممنون ، من قلبٍ طواريقه اضداد لـ اللحظة اللي جابتك في حياتي و لـ الصدفه اللي خير من الف ميعاد

انت كان اسمك مواطن و صار اسمك غريب ليت لا دمعتك اجابة ، ولا قلبك سألْك كلمةٍ فيها من اللين والقسوة نصيب كيف ما ساوَت صفوفك ولا سدّت خلَلْك ذنبك انّك ماتعَرف البعيد مْن القريب و عذره انّه دوّر رضاك ما دوّر زعَلْك يوم قال ان الليالي تودّي ، ما تجيب كان قصده يقتل الشكّ ، لكنّه قتلْك

ياجليسي غض طرفك لا من النور غاب لا تدقق في جروحي ما دمت اكنها و لا تهجا ذكرياتي و انا صدري كتاب الطلاسم فيه كانت تمارس فنها ميتً ياكل و يشرب على وجه التراب لا تحاول تكتشف موتته و تظنها مرني حاجه و فقد و تبلّد و اغتراب عاد انا مدري وش اللي ذبحني منها