Rume

تَعلَّم! أعجب من البعض لا زال في مقتبل الثلاثين وأواخر العشرين، ويعيش حياة الأربعيني الخمسيني! فيكون كل همّه إطعام نفسه وأهله ثم النوم والاستيقاظ، بلا طموح ولا شغف. هذه حياة حتى الشيخ الكبير لا يعيشها فما بالك تعيشها! تعلّم واطمح واصعد بارك الله فيك... حدّد أهدافك وسدّد.

المستغفر أذكى انسان على وجه الأرض، عرف سر شقائه وسر نعيمه."

أسوأ 10 نصائح في البزنس نشوفها دايم هنا: ❌ قدم استقالتك وابدأ مشروعك! ✅ أسس مشروعك وانت موظف، ولا تستقيل الا اذا استقالتك بتساهم في توسّع المشروع بشكل كبير، والايرادات تغطي راتب جيّد لك. ❌ دورتي/كتابي/استشاراتي بتساعدك تنطلق في عالم التجارة! ✅ تأكد انك تتعلم من تاجر مو من بيّاع. حتى لو البياع قال دورة/كتاب/استشارة مجانية، غالباً هذي هي اللي راح يبيعك فيها. هو غني بسبب ناس مثلك فقط. ❌ خذ قرض وابدا مشروع وفالك النجاح! ✅ وفّر قرضك الشخصي لضروريات الحياة مهما كانت الفرصة مغرية. خذ قرض تجاري بعدين على المشروع (باسم الشركة) لو احتجت للتوسع. ❌ سيخ الشاورما ب100 ريال، ويطلع لك 50 شاورما لو تبيع الوحدة ب5 بتربح 250 🤑 ✅ فكرة رائعة في حال كان سيخ الشاورما يبيع نفسه بدون ايجارات ولا عمال ولا فواتير ولا تسويق، ويدبر لك باقي المقادير ببلاش. ❌ اسس متجرك باشتراك فقط وبدون راس مالك! والبضاعة علينا! ✅ ميزة رائعة بس معناته الكل عنده نفس ميزتك ونفس بضاعتك، والتنافس بيصير صعب جداً جداً حتى لو اغروك بقصص النجاح. ❌ الشغف والاصرار سر النجاح ✅ الشغف والاصرار مالهم قيمة اذا السوق اللي تستهدفه تعبان. اختر سوق في فلوس وابن خدمة او منتج يسد فجوة فيه او يضيف شي مختلف. ❌ لا تشارك احد فكرتك عشان ما يسرقها ✅ شارك فكرتك واستفد من خبرات وتجارب غيرك في السوق المستهدف. حتى لو سواها احد قبلك بتستفيد من تجربته وبتكبرون السوق لبعض. ❌ لازم تجهز مشروعك من كل النواحي قبل تطلقة ✅ ابحث عن ابسط الطرق لاختبار الفكرة باقل التكاليف. لو الفكرة مكلفة (مطعم مثلاً)، جرب تشتغل في مطعم اول تفهم وش صاير. ❌ لازم راس مال عشان تبدا مشروع يجيب فلوس ✅ فيه مليون خدمة تقدر تقدمها للغير وتدفعهم عليها فلوس. مب لازم منتجات او محل. قدم خدمات في السوق اللي ودك تدخله (توصيل، وساطة، مبيعات…الخ) واكسب خبرة فيه لمشروعك. ❌ جرب هالمشروع الناس دخلوا منه ذهب ✅ غالباً اول مشروع لك بتفشل فيه. قلل تكاليف التجربة ولا تطمع. افترض انك بتخسر كل فلوسك اللي بتستثمرها فيه وقرر بعدها اذا المخاطرة تسوى او لا. عطونا بعد اذا عندكم زيادة