Chaudhry 5

روهڑی کے قریب جہانگڑو تھانے کی حدود میں گُلان بھارو اپنے شوہر کے گھر سے نکل کر تھانے پہنچی اور تحفظ کے لیے درخواست دی۔ پولیس نے اسے عدالت میں پیش کیا جہاں اس نے دارالامان جانے کی درخواست کی، لیکن اس کے باپ نے پگڑی اتار کر سامنے رکھی تو گُلان نے کہا: "مجھے یقین ہے کہ مجھے قتل کر دیا جائے گا، لیکن میرے والد نے پگڑی اتار کر رکھی ہے اس لیئے والد کی عزت کی خاطر موت بھی قبول ہے، میں اپنے والد امداد بھارو کے ساتھ جانا چاہتی ہوں۔" ہفتہ قبل سکھر کی عدالت میں ایسا بیان دے کر اپنے باپ کے ساتھ گھر واپس جانے والی یہ خاتون گُلان بھارو آج کاروکاری کے الزام میں قتل کر دی گئی۔ سندھ کو قبائلیت سرداری نظام کھا گیا ہے ،صرف اپریل کے مہینے میں غیرت کے نام پر بیس قتل، دو عورتوں کو پنچائت نے فتوے کے بعد ہجوم کے سامنے قتل کیا، ایک کو سندھڑی میں سرپئنچ سردار نثار شر نے فتوے کے بعد گولی ماری۔