Shaza Sk🇱🇧

قديه بدّك تكون مقهور وزعلان وندمان انك الوحيد اللي بقيت عايش وتقول "يا ريت ما رحت شربت قهوة وبقيت معن". اخ على هيدا القهر.

على هذا الجنون أن يتوقّف !

قديش صعبة تترحمو ع حدا بدون ما تنكشولو كل شي سيء قالو؟ معليش شوية رحمة! انو ما حدا ملاك ما قايل شي سيء بحياته! بشعة هالعادة وقفوها!

الحزن كبير لحد دموع الرجال 💔

أصعب ما في هذه الحرب ليس القصف، بل ذلك الأمل الذي لامس قلوبنا البارحة ثم تحوّل مساءً إلى كابوس ثقيل.. كأنّ السلام مرّ من هنا واختار الّا يتوقف عندنا !

إسرائيل عملت مجازر.. الإنسان الطبيعي بأي بلد بالعالم تلقائيا بيسب إسرائيل. المخلوق الطائفي الحقير صار بده يناقش مين إنتصر ويتمسخر ويناقش مواضيع طائفية ويسجل نقط بالسياسة. ما هي إسرائيل عم تضرب كرمال البهايم الي مثلك يحكو هيك.

قديش بدك تكون مريض نفسي وحاقد وفاقد للإنسانية حتى توصل لدرجة الخبث وتشمت بموت هيك ملائكة 🤍

شيلوا وسائل الاعلام المنباعين بفرنكين هني واعلاميينهم والتجييش تبعهم وفتنهم…هيدا حال كتيرر من اللبنانيين…ولاد أصول

نور الحلوة شهيدة🥀

كانو احلام وامل المستقبل ل اهلن كانو فرحة نطرة ٩ شهور كانو ضحكة وزينة بيوت الشهداء مش ارقام ! هول مش ارقام! #بيروت

متل نهار انفجار المرفأ

يا حرام اللبناني عم ينفخ بهالسيجارة وقاعد حد الراديو وناطر ليشوف اذا حدا معبّرو بالإتفاق الإلهي او رح يكفي حرب استنزاف وتدمير وتهجير

تجربة اجتماعية #لبنان_معًا_أو_لا_يكون

ما شوّه صورة اهل الجنوب الا امثال فادي بو دية وحسين مرتضى وكل حدا متلن ببعبع عالشاشة وبيستقوي بخطابن المقرف كل مرة عم ببعدوا العالم عنا. هول محلن بالبيت وبس ما فيك تكسب العالم وانت ما عندك سلطة على ٢ همن المشاهدات والاستفزازات

إسرائيل اليوم قتلت، من بين كتار، الصحافيين فاطمة فتوني و علي شعيب، و جورج و ابنو إيلي اللي كانوا عالطريق رايحيين يجيبو غراض من رميش. إسرائيل ما بتميّز بين فاطمة و جورج و لا بين علي و إيلي. إسرائيل بتقتل وبس. #ما_إلن_ربّ

ابتلينا بأسوأ عدوّ ممكن يكون عند أي شعب، عنده العسكري متل الصحافي متل أي مدني. الله يرحمك يا فاطمة ويصبّر قلب عيلتك

السوشال ميديا مش انعكاس كتير للواقع ... اهل جونية و غيرن مستقبلين العالم احسن استقبال و اذا صار شي مشكل فهيي حالة فردية

في هذه الحرب، تكثر المشاهد القاسية لكن مشهد تفجير اسرآئيل لجسر القاسمية كان موجعا على نحو شخصي. هذا الجسر الذي أعبره في طريقي إلى قريتي أعرفه جيدا، أعرف كيف يبدو فجراً، حين يكون الطريق شبه خال والهواء خفيفًا وحين أشعر بمجرد تجاوزه أنني دخلت في عمق قرى الجنوب، في الطرق التي تقود إلى قريتي وبيت أهلي. الجسور ليست إسمنتا وحديدا فقط، هي ذاكرة طريق ورابط صامت بيننا وبين أماكن نحبها. تفجير الجسور لا يقطع طريقا فحسب لكنه يكسر ذلك الإحساس البسيط بأن هناك طريقا دائما للعودة...