Sabitlenmiş Tweet
| بما أن الجزء الحالي بالنسبة لي شبهه انتهى، ابغى اتكلم عن تجربتي لنسخة الـPC واذكر لكم الايجابيات فيها و السلبيات 👇🏻
في البداية انا حولت للنسخة هذي بداية شهر يناير قبل بداية حدث السنة و الى اليوم ماغيرتها ومثل ما انتم شايفين في الصورة الركيورد حقي واصل فيه قرابة الـ1000 مباراة.
✅بتكلم عن الايجابيات:
الصدق هي لا تعد ولا تحصى وما ابالغ بهالشيء، اللعبة مختلفة اختلاف جذري عن نسخة الكونسل و السبب؟ الفريمات العالية و سرعة الاستجابة و حرية تخصيص الاعدادات حقت الجرافيكس.
الفريمات توصل 240 فريم اذا عندك شاشة تدعم و جهاز متوسط الى قوي.
بالنسبة لي كنت العب على 144 فريم اغلب الوقت.
ومثل ما قلت لكم القيم بلاي مختلف عن الكونسل بسبب هالاشياء لانه يعطيك اداء افضل والمشاكل المتكررة بالكونسل مثل الثقل و التأخير راح تقل بنسبة كبيرة الي ماراح يفرق مثل السكربتات لانها بجذور اللعبة ما يغيرها لا اعدادات ولا حتى إنترنت وهذا اللي مزعلني باللعبة.
واللي يتابعني من قبل راح يعرف اني تكلمت كثير الفترة الماضية عنها و كيف اني وصلت الاليت دفجن بدون خسارة بتشكيلة ماتتعدى 150 الف!
ومن الايجابيات بهذي النسخة بعد سرعة القوائم جنونية وسببها هي الفريمات اكيد تقدر تتنقل بسهولة بالقوائم وتروح تحديات و تسوي ترقيات بشكل سريع مره.
ممكن هذي ابرز و اهم الايجابيات اللي لازم تعرفها وفيه غيرها اكيد.
❌ الحين ابتكلم عن السلبيات:
اول و اهم سلبية ممكن تواجهها اول ما تحمل النسخة ان اللعبة فيها تقطيع و دروبات وهنا تجي اهمية الاعدادات و خاصة اعدادات برنامج كرت الشاشة + شاشتك هذي كلها مهمه جداً جداً.
وانا عندي اعدادات كروت AMD للي حاب يعرفها راح انزلها اما نفيديا فيه مقطع سبق و ارسلته لكذا شخص وقالي انه فاد معاه.
السلبية الثانية ويمكن هي اكثر شيء متداول عن نسخة الـPC وهي الهاكات!
هل فيه هاكات؟ ماراح اكذب عليك نعم فيه، طيب هل هم كثير؟ وهنا الشيء اللي لازم تعرفه وهو لا ماهم كثير شفتم الـ1000 مباراة هذي والله ما ابالغ لو قلت اني ماقابلت اكثر من 20-25 هاك ويمكن اقل والله ما اتذكر، وتدرون من قبل تشكيلات الموسم الى اليوم ما قابلت ولا هاك مدري الشركة حلت هذي الثغرة او مجرد توفيق.
السلبية الثالثة سوق الانتقالات منفصل عن الكونسل و يبان هالشيء في اسعار بعض اللاعبين اما كمجمل ترا اسعار اللاعبين مقاربة للكونسل اذا ما كانت ارخص في بعض الحالات وبالنسبة لي ما عانيت ابداً بهالشيء.
السلبية الرابعة ان نسخة الـPC مافيها تصفيات لبطولات ولادر.
بالنسبة لي السلبيتين الاخيرة تعتبر هامشية ولا تهم ابد بس حبيت اذكرها لان ممكن منكم احد يهتم لها.
— بالاخير اللي متردد يحول لها او لا للجزء الجديد يجرب هذا الجزء اظن عليها تخفيضات او شيء يجرب و يشوف الوضع بنفسه.
بالنسبة لي ان شاء الله الجزء الجديد راح ابداه على نسخة الـPC.
#EAFC26
العربية
