محمد بن مسعود

صـاب قلبي من الايام خطبُ جلل وانا قلبي ثمانه فالصدوف اعشره قام يصرف هجوسه مثل صرف الهلل وانا سامرت هاجوسه وجبت اخبره محمد ال فطيح

@KingSalman ادام الله امن وأمان بلادنا العزيزة

نستذكر في هذا اليوم المجيد تأسيس دولتنا المباركة، التي أقامها الأجداد على كلمة التوحيد، وتحقيق العدل، وجمع الشتات تحت راية واحدة؛ بما حقق بفضل الله تعالى الأمن والازدهار.

مـزن الهواجيس القويّه مستخيل على ضفاف الي وصوفه تنعرف له بارقٍ يـكسـر وميضه جنح ليل خيّـل على الوادي وسـمّا ف الطرف هذي ركون شعابنا منه تسيـل كنـها من ظهور السحايب تنجرف عمّـت ودمّـت راس مشراف طويل اهتـز ركنـه لين ميّـل وأنحـرف وانا على مبدا هل المبدا الاصيل اقدّر الوافي ولا أحب السّـرف ماني مجامل واحد ماله جميل ولا مخاصم غير بـ اعتاب وشرف يا اصحابي الي وزنكم عندي ثقيل لا تحسبون رسالتي ضحك وترف طبع الخفيّف مايدانيه الثقيـل الناس لا تضحك علينا وإتهرف للمنتخب ريس وللخطة وكيل ومدافع ولاعب جناح محترف يعني خذ الحكمة من الراي الدليل من قبل لا نضغط عليك وتعترف ما غِبـنت الاجواد من شح البخيل كثر ما غـبنت من مسببة القرف الي حكاها في القصير وفي الطويل اخطر من مروّج حبوب المصطرف محمد بن مسعود

لا تطلب المدحه من الناس الأقصين الادنين شافت قصتك واعرفتها المدح ماهو ينفع الا الضعيفين والا الرجال فعولها نافعتها الشعر أمانة حق عند الميامين عرضت للأرض وللسماء وإرفضتها وانته تبي سمعتك تبنى بـ بيتين وان هبت رياح اللزوم اهدمتها خذها ترا ابن زويبن قالها زين اخير من سرد العلوم اثمرتها محمد بن مسعود

وجيـه العرب فيها ذهب صافي ،، ونحاس ما تقـدر تـعـرف وجيـههـا قبل وجهتهــا وحنّـا نفصّـل كل ثـوبٍ عـلـى مقيـاس ولا نِنقـص حقـوق النشامـا كرامـتـهـا نعـدد تعاملنـا معـا مختـلف الأجنـاس مثـل ما نعامــل كـل دولـة بعملـتـهـا محمد بن مسعود

اللهم صل وسلم على سيدنا محمد وآله وسلم #نبيكم_صلوا_عليه_لاجل_شفاعته

انتي ثقييله وانا احب الوصوف الثقـال يا اجمل من الساقي الي وردته فايحه حتى السحاء مستحلٍ فيك نصف الجمال والنصف الأخر رومش بالهدب طايحه قوامك الناعم الميّاس ،،،، راس الكمال واطرافك المستتبة ،، كيكـةٍ سايحه عطيني امن وثقه واخذي شموخ ودلال شموخي اغزر من الوسمي ومن رايحه محمد بن مسعود

@Alrayapoet ثقافة ، وعز ، ورمز دولة ، و أصالة دين على كورها للمجـد تاريـخ وإستقـرار لها عندنا ، حب ، ومعزّة ، وتاريخيـن رويناه ، من توحيـد دين ، لـنهـضة دار #شاعر_الراية

فيديو مسابقة المشهد للحلقة الرابعة من برنامج ⁧#شاعر_الراية⁩ #الموسم_الرابع نستقبل مشاركاتكم حتى الساعة العاشرة مساءً من يوم غد🤩👏🏼 🥇المركز الأول: 20,000 ريال 🏅المراكز من الثاني إلى العاشر: 10,000 ريال

يا شرايين المحبه ومفتاح القبول كل باب يفتح لوصل حبك ، طارقه وردة احلام الولايف ما يلحقها ذبول دام يشعاها من الشوق لايح بارقه غير لا تاخذك شكه ولا هرج امهبول الزمن غدّار والوقت نارٍ حارقه وانا جيتك بالمسرّج وبعقال الذلول اتخاطفني سهوم الخصوم المارقه اما بعد ،، السر قاتل وانا فيني فضول ودي اعرف كيف صرتي بوصفك فارقه من مقامك يكبر الوصف فـ الريم الجفول كل ما قام يتطاول غصونٍ وارقه والله اني فيك مغرم وفاتن ومهبول حتى سفني في مراسي شعورك غارقه خل عذال المحبه تقول الي تقول جاو لك غدرا وانا جيت شمس شارقه محمد بن مسعود

الله بــلاني في هواجيس و ضميــر على المدار ،،، يــلــوعها و إتــلوّعه الــضيقـة الي جاتني تالي عصيــــر مـــا زحــزحــتها نــفــثة الــمتطوّعه يــا ليت لي مع الطيور ،، إجناح طير عــلــى الــهبايب يــفرده و إيــكوّعه اكفخ عن الغبراء مثل صاروخ الأيـر أحـــدث مــوديل صــناعةٍ مــتنوّعه الــفــكر تــايه والــبلاوي تــستدير و الارض غــبراء والــوجيه مــشوّعه والأدمــي لا صـار في وضــعٍ خطيــر لــو ســمع صــوتٍ من بعيدٍ ، روّعه على العموم انا اكتفي باللـي يصـيـر لــو طــارت أحــلام الضمير مزوّعه مــاني ب تــابع لا كبيـر ولا صغيـر الــجزل اصــيده والــعسير اطوّعه الــذيب مــا يــتبعك لو جوعه عسير والــكــلب مــا يــتبعك لــين تــجوّعه محمد بن مسعود

انـا واحـدٍ يحـسـب عـظـايم خـطـايـاه لا فـكّــرت في يــومٍ صمـوتٍ وداعــه وتـذكّــرت ربٍ هـيـبـتـه ،، يـوم نـلقـاه تنسّـي رضيـع امّـه حليـب الرضـاعه ياخي وش بقـى في دنيتــك ما تمناه والأيـام حبلٍ ،، مـوقـنـيـن انـقـطـاعـه غنـومتـك ماضٍ تـشـرح البـال ذكـراه ومستقبـلٍ يسـبـق بـشـيـره شـعـاعـه تـرا الـمـاضـي اللـي بعـد فترة تمناه هو الساعـة اللـي روّحـت قبل ساعـه لا تـشـقى ورا رزقـك ورزقـك هو ايــاه وقـدرتك مكتوبـه ،، ونـفسـك وداعـه كنـوز الاراضـي ،، والـقصـور المـبنّـاه هي ارخص رخيـصٍ عنـد كنز القـناعـه تـرا العـافيـه والـطـيـب والعـز والـجـاه غناتـك لـو انـك عـايـش فـي مجـاعـه وجدها فـقيـرٍ صاحـب الـفـقـر يمـنـاه وفقـدها غـنـي مـال وتـاجـر بـضـاعـه هـذا مطمعـه فـالـمـال لاكـنّ مـا جـاه وذا مـطـمـعـه فـالـعـز ولا اسـتـطـاعـه رضى العبد في قسمه ، مراضاة مولاه رضينا به ، وشـكـراً وسـمـعـاً وطـاعــه محمد بن مسعود

يالله عليك اتّـكالي في المـخارج والمداخيل ذكرك لعبدك يمـدّه عزّ ، وايزيده رحـابه منك الفرج يقشع الظلمات وايفك المقافيل وعقوبتك نار ،، يا من رحمته تسبق عذابه انا لي ايام ، لا احب الصباح ولا اكره الليل معالم الارض والي فوقها عندي تشابه ماعاد يغري ضميري لا عزوف ولا مواويل بالعكس تثّـر وانا ماعاد فيني للمجـابه للصدر جولة هموم وضرب قوم ودربكة خيل وعزاوي الي تزيح الحـفّ وتكـدّر شرابـه ضيقٍ علاجه مع المسرى ، مسامر نجمة سهيل وضيقٍ علاجـه يزيد الضيـق وايزيد التهابه يازين شوف الخلا والنار واصناف المعاميل وجمعاء قروم تعز الضيف واتقدّر جنابه وان كلّت النار واعتضنا بنور الشمس ، قنديل طاب السمر والحديث وحفرت قبور الكآبه ناخذ من المزح مثل الي خذينا من غرابيل الانسـان ما يهدر ايامه ولا يهلك شبابـه ما تسرج الخيل واتسل الهناد ويخطم شعيل الا لا صاح النذير وراحت الطمعة نهابه سياسة اكتوبر المرقوم غير سياسة ابريل وراع القرايه ماهو يبدع مثل راع الكتابه محمد بن مسعود

ياسهيرة وليف خذتي القلب بيده اسمعي صوت من صوته تمثنى المجرّه كن صوتي وحيد وكنّك انتي وحيده وسط صدرٍ تغازل ذكرياته صورّه كل وصفٍ على طاريك يصلح قصيده!! للقلم فيه درب ،، وللحبر معه جـرّه ناظم من بحر شعري بيوت فريده يوم شفتك ورى غبّـاته السود دُرّه العزوم القوية والنجوم البعيييده ما توازن على لامـاك مثقال ذره كل ما حرّك النسناس طرف الجريده زوّد الما براااد وزوّد الصدر حرّه من نشد شاعرك عن حاله وعن نشيده ما لقى له جواب من ضميري يسرّه غير علمٍ وراه من الشرايد شريده راكن في زوايا صدري الشرح سرّه جعل وصلٍ عقب لاماك يضرب وريده ضربة تقلع الضلع العوج من مقرّه في مقامك تهون الكايده والشديده مثل ما يصغر المملوك في عين حرّه وانت والله لطيف وذكرياتك سعيده خل عنك الشكوك الي تجي بالمضرّه وانت نورٍ يجي لليل ويفك قيده وانت للقلب شريانٍ وللعين قرّه محمد بن مسعود

على قديمٍ من الذكرى صلاتي قصر أمرّها في طريقي كنّـي اطرد سراب مشيت في دربي بعلم و عقل و بصر معي من الدين حزبه والقناعة زهاب عزيز قوم تبرّا من خزاين مصر لا طاح في جب بير ولا كلته الذياب يالله بعزم كبير وقو باس و نصر من دونك العز يهدم ، والنصر ما يجاب كم لي وانا كل ما مديت حبلي قِصر عن جمّةٍ ما يحاليها لذيذ الشراب لين أقتنعت إن حلمي بين مال وقصر الأوله للفنى والثانيه للخراب تدور الاحداث لا تحصى ولا تنحصر راح العمر لين شاب العزم والصبر ذاب ماني على شرهة ايام الزمن منتصر شرهات الأيام تفتح للصواديف باب وصوادف الوقت بالتفصيل والمختصر يموت منها القوي ويشيب منها الغراب وانا لو انّي قوي ايمان وادهى واصرّ احتاج من خوّته مثل الدعاء المستجاب رفيق عُمرٍ ،، جنابه مثل رايح عصر ان طاح قالو مطر وان راح قالو سحاب محمد بن مسعود

لا تزبن الا راعي الوجه والجاه لاجاك من دنياك شيٍ مقدّر على الضما ينهب لك الدلو بملاه ويصير دون الخوف بابٍ مجدّر لا بان ماجوب الرفاقه تلقّاه وان حدّرو عكفان الاشناب حدّر تشتاق لطبوعه وترتاح لحكاه كنّه بصوته ينظم اللول والدُّر بعض العرب يكفي عن الهم طرياه ايكدّر الي ما ضميره ايكدّر على العوافي راس ماله حكاياه اما يورّد علم والا يصدّر يالله بجودٍ يلحق القاصي ادناه ولا ينوش الا عزيز مقدّر عبدك على بابك يناجيك بدعاه وانت الكرم من باب جودك مبدّر من عزّ بك ما ضاع دربه ولا تاه حتى لو أنّه في الظلام المغدّر محمد بن مسعود

لا يمكنّي ابلش في هل المعرفه والدين اشوف الحقايق واعرف الدار والمربا ما يبلشني الا لون قلبك يبو وجهين على كثر منت إتقلّـبه كنك الحربا انا مستعدّ ابكّـي عيونك الثنتين وبدموع عينك نطلي النية الجربا محمد

كلمة الشاعر ليا وافقت فعل بيــان فِــك باب للقصيدة على الصدر الرحوب القصيد الي ما يشرب من الحكمه ، ضمان لو ورد راعيه عدٍ من المعنى جذوب نعرف الي يكتبه من ضمير ومن لسان مثل ما نعرف كلام الصدوق من الكذوب بـه قصيدٍ كل ما قيل يسمع بالاذان وبـه قصيدٍ ينسمع بالاذان وبالقلوب محمد

اللهم لك الحمد حتى ترضى ولك الحمد اذا رضيت ولك الحمد بعد الرضى

الرخــوم تقــول مـالا تـقــبّـله العـقـول تـنّـهـش ظهــور الأوادم ما تـدري وش تبي إقدحو فـ الله تعالى وفـي عرض الرسول خـل عـاد اللـي ماهـو رب ولاهـو نبــي محمد