صيّاف

«ربنّا آتنا في الدُّنيا حسنةٌ وفي الاخرةِ حسنةٌ وقِنا عذابَ النار»

"نسايم الليل للعشاق ساعي بريد معها من احبابهم حبة خشم واعتذار ياليت ذيك الصروح اللي غلاها تليد يصنع لها شي يحميها من الانهيار اول دروب الغلا ترحيب ومصافح ايد واخر دروب الغلا دمعة رجل وانكسار والعشرة اللي يكون الحب فيها زهيد اخِير منها الفراق بـ عزّ نفس ووقار يا ملهمتني وانا ما اخترت اقول القصيد الفوضوي في حياته يكره الاختيار انفاسك تمرني مع كل صبحٍ جديد ريحة خزامى منابتها بطون الزبار انا شقي قبل اعرفك وامنياتي جليد اصفّها فالظلام وتنصهر فالنهار طفولتي شي قاسي آه ما ابغى استعيد شريط ذكرى احلبْ الناقة وردّ الحوار كانو يقولون لي كابر وخلك شديد وصدّقتهم لين عاش احساسي مستعار مستقبلي ضاع ما عينت شورٍ سديد محتاج لي شخص ينظر لي بعين اعتبار لين انكف الليل واقبلت عليّ من بعيد يا طلّتك حسستني قيمة الانتظار جردت نفسي من الماضي وجيتك وحيد اوجزت فيك الوفاء والصدق والانتصار قلت احضنيني بموت بنظرتينك شهيد قلت لي الموت بسهوم العيون انتحار لقيت فيك القساوة من قصايد لبيد ولقيت فيك العذوبه من قصايد نزار عشت اجمل سنين عمري في رحابك سعيد واثنينا مخلصين ولا نعرف البوار كنت اتمنى يكون الحب عمره مديد مع إنّي انسان ما اداني طوال العمار الى هنا وانتهينا ، ليش ارددّ واعيد العمر محدود وسنين السعادة أقصار انتي عنيدة وطحتي في غرام العنيد اللي ليا من بغاله طرقةٍ ما استشار جيتي مثل ضحكة الاطفال في يوم عيد ورحتي مثل دمعة الفرقا بصالة مطار" - سعود بن مبارك

الليل في حكم السهر .. والسهر زل والفجر يرقب، وأوّل الصبح شارف وأنا على جال الرجاء .. كل ما هلّ: دمع المحاجر بين محجم، وذارف وتطري علي: ضحكة نديم، وعتب خل ويلوح للغي في عيونك طوارف أضمرته بصدرك، وفي ناظرك طل القلب منهل .. والعيون المغارف من ضاع في غربة طواريك؟ ما دل والبال بابه للطواري موارف حديث نفسٍ لا أهتدى به ولا ضل.. يربت على كتف الصبر، وأنت عارف لو في ثناياه العتيقة طرف حل وفي عتمته قمراء، وفأرضه مشارف وفّفت دونه وقفةٍ تبرد الغل ولمّيت شمله من: "تليدٍ وطارف" - عبدالله البديري

أتذكَّر خطْوِتك، وإحساسك، ودافي عناقي والكفوف اللي تخيط النّور فـ ثياب المسرَّة أنت غيرك لو تعلَّق فـَ العيون، وْفـَ المآقي؟ ما يعوّضني هواه... ولا يسلِّيني مقرَّه أعرفك يا سكَّر أيّامي وأشوف بك اِتّساقي شاعرك وإن ضرّته كلمتك؟ صوتك ما يضرَّه! لو تصدَّد عن وِصالك؟ ما ظمأ فيك التلاقي ولا تودَّد وجهك، ولا نظْرِته، وآخر صوَرَّه! وين أبى أهوّد عن عيونك وأنا غصن اِشتياقي؛ كلّ حبلٍ من نسيم [عيونك النجلاء] يجرَّه «أعطني حُرِّيتي» عن وحدتي أطْلِق وِثاقي الظمأ ما لي معه مَرْكض، ولا لي فيه جُرَّة إن قدرت أمدّ عن هوجك من الريبة، رْواقي ما قدرت أردّ ريْحك عن سماء صوتي وْبرَّه ليلتي في حضرتك؛ وردٍ له التقدير ساقي! فلّ جادلك الكثيف، وثوبك إليَا ارتاب؟ زرَّه واِقتربْ.. لين أتردّد بين شكّي، واتّفاقي وأتمادى فيك، وأستاذن مدى عَطْفِك، وأبرَّه واِذكرْ إنّي من لقاك، لـْ ضحكتك، لـ أوَّل فراقي ما كتبْتِك من فراغ.. ولا قدرت أنساك مرَّة يوم عدّيت الطوَال.. ورحَّبت فيك المراقي جيْت لك مثل السحاب وبارِقه وأطيَب سيَرَّه أتنفَّس هرْجتك، وأشوف بك حتّى اِختنافي المزِيْج اللي يداعب برْدِه إلى اِشتدّ حَرَّه كيف أمرّك وأنت خابرني تحت شجْرَتك باقي؟ أنت بيتك -يا حبيبي- ما تَركْتِه لأجل أمرَّه!

إليَا طرَق صدر الكرِيْم الجوْد مرَّت مشارِيْهك على قافي وش عاد عندي والزعل مردود! قبل أتعرَّض لفحة السافي.. ما عاد في صدر الريَاض عْدود حتّى الظمأ في دارك لحافي خافَت عيوني دربك المسدود وأنا أتفدَّى رِمشك الضافي حتى ظنونك لـْ الليال السوْد قالَت بعد طال المدى: خافي أخاف أعوَّد، والجروح تعوْد! وأنكف وأنا ما أحبّ منكافي كانت عصافيْرك «رفيقة نوْد» وربيعي فـْ دارك.. ومصيافي أجرّ صوْتي بَين نَقص، وزود وأقول -يا كلّ العرب-: كافي ما زلت أحبَّك والسنين شْهود والناس ما تدري عن الخافي! مهما نقلت النار، والبارود وارتاب قلبي قبل ميقافي ما فيها مثلك يا أوَّل العنقوْد حمامةٍ حطَّت على أكتافي أنا -يا كلّ الجوْد والموجوْد-: أركض على بِيْد الوَله حافي كنّي معك ما لي وِطن وحدود أنت الوَطن، وحدود مشرافي! إليَا ذكرْت إن الوِصال: عْهود تذكَّر إنك المَنْهل الصافي! عذر الهوَى في بابك الموصود وعذري مساري قلبي الوَافي.. يفدى هواك الجِدّ والمجهوْد إليَا غَفيْت بـْ حضنك الدافي أنا لك الله — يا رقيق العوْد: أقدِّمك.. وتعوِّد خلافي!

وإن تخيرتك دروب أعرف مشاويرك فـ بالي أنت صوتٍ يجذب السيَّار، ويحدّ الدليلة.. معك يا طيْب السّنين، وفيك يا حلو الليالي! شاعرك وش يَقتله غير المعنَّق، والجديلة؟ من مغبَّات الحياة: أشدّ رَكْبي، وارتحالي.. وأتجمع لك صحاري، وأتفرَّق بك قبيلة يا معاريف الدّيار إن شفت نفسك من خلالي؟ من خلالك كنت أشوف البرق في عِرْض المخيلة! وين أروح إن غيبتني شمسك، وجفَّت ظلالي؟ الظمأ عاري، وصوتك حقّ، وعيونك ظِليلة! ما يهمّ العمر .. لا منه وقف لـ عيون غالي! كيف عاد أسوق لك عمري سحاب! ولا تخيله؟ ردني... لـ أيَّامك الصلفات.. لا زاد اِنعزالي آه «يا ذلّ السؤال» إن صار ما فـ اليد حيلة خابر هذا الحزن سيَّال.. ما له فيك تالي رغم هذا؟ كلما ضجَّت حياتي.. ألتجي له! ليش أميل لضحكتك، وأكسر مقامي، واعتدالي؟ وأتمنّى خنجرك.. وأبدأ نهارك، وأنتهي له! أتذكّر وقفتي دونك ومزحي، وارتجالي وأتسامي لين أدفّ الضلع لعيونك وأشيله الإجابة تحتضر لا سيَّل إحساسك سؤالي.. والدروب مجرَّبة! إلا دروبك مستحيلة هات لي كلّ الكلام وهاك شكّي، واحتمالي! وانتظرني بين هتّان السحاب، وبين سيله وش مضى لك يا مَلاذ الشعر، وإلَّا وِش مضى لي؟ الحقايق غايبة.. والغصن غرَّبني مقيله اِقطع الريبة –يا أبو وجهٍ وراه أسوق حالي– والله إني مرخصٍ نفسي، وروحي في سبيله ما تسوَّلت المدى من ضحكتك لا طاب فالي غايتي لك — ما يبرَّرها طرِيْق، ولا وسيلة! المرَارة في حياتي موغلة، وإلَّا أنت حالي: وكلّ شيءٍ منك عن كثره يكفيني قليله! لا تحاول تشرح أسباب الرحيْل، ولا تبالي! صدة العشّاق مثل الفارس اللي زلّ خيله.. والحياة إن غرّبت صوتي، وخلتني لحالي؟ أدري إنها ما تكون بـ حضرتك إلاَّ جميلة.

لو تباعدَت المشاريه يا وَجْه الغروب ما يردّ الحقّ.. عِذر الوداع، ومغربه مرّ عمْري بَين ليل الصبابة، والهبوب والظمأ، والهمّ، وأصدق قصيدي وأعذبه اللَّيالي يوم جفَّت مداهيل القلوب: تشبه لبعض التفاصيْل عند المنتبه.. يوم أخايل بارق الوَصل، وأعوَّد، وأذوب.. في صحارَى نجد؛ كانَت ديَارك معشبَة! كيف أتوْب وكلّ ما في عيونك ما يتوب؟ كيف أصدّ وكلّ عَذبٍ فـْ صدرك مَشربه! أتردَّد والمساري — لها في كلّ صوْب شاردٍ حتَّى «عليْل النسايم» يرعبَه! أقدر أنسج لك من الرمل ومن النار: ثوب وأقدر أسكن بك «سكون العرب في قرْطبَة» بس ما لي في مسارِيْك يا الظبيّ اللعوب بيني وبين البواريد (في عينك) شِبَه قد هرَبت من الحقَايق وجَافيت الدروب غير قلبٍ والله إنّ القصايد: مَهربه! والله إني لا تسامَت.. عن لسَان الكذوب: ودّي إن وَجهك من الماء، وأصبّه، وأشربَه!

مرّ عمْري بَين ليل الصبابة، والهبوب والظمأ، والهمّ، وأصدق قصيدي وأعذبه اللَّيالي يوم جفَّت مداهيل القلوب: تشبه لبعض التفاصيْل عند المنتبه.. لو تباعدَت المشاريه يا وَجْه الغروب ما يردّ الحقّ.. عِذر الوداع، ومغربه يوم أخايل بارق الوَصل، وأعوَّد، وأذوب.. في صحارَى نجد؛ كانَت ديَارك معشبَة! كيف أتوْب وكلّ ما في عيونك ما يتوب؟ كيف أصدّ وكلّ عَذبٍ فـْ صدرك مَشربه! أتردَّد والمساري — لها في كلّ صوْب شاردٍ حتَّى «عليْل النسايم» يرعبَه أقدر أنسج لك من الرمل ومن النار: ثوب وأقدر أسكن بك «سكون العرب في قرْطبَة» بس ما لي في مسارِيْك يا الظبيّ اللعوب بيني وبين البواريد (في عينك) شِبَه قد هرَبت من الحقَايق وجَافيت الدروب غير قلبٍ والله إنّ القصايد: مَهربه! والله إني لا تسامَت.. عن لسَان الكذوب: ودّي إن وَجهك من الماء، وأصبّه، وأشربَه!

- الثانية عشْر بعد مُنتصف الليل 🔝

بعيد من الغَضب وإلَّا قريب من الرضا، والجوْد تمهَّلْ، ما ورا عِنق الغزال إلَّا مواطنْها حبيبي جادَ صوتي والبدو تعطي من الموجود! وأنا لو ما عذرت ظروْفَها، ما جِيْت ضامنْها أعرْفك! وأتردَّد مع سيوفك.. والهوى مردود يا ربي لا تَسكّن روحي.. إلَّا في مساكنْها ترى حتى هروجِك فالسّحاب وفي هبوب النود أنا ما أصدّ عنها.. لو تصدّ أيَّامنا عنها تذكَّرني إليَا مالت حياتي؛ مع ليَان العود! وعلَّقني: (سنينٍ) في رجاوِي عينك (أرهنْها) عساني لا وقف عمري ما بَيْن النار، والبارود أدَاعِب وَجْنتك.. لين الحقايق «تأمِر، وتنْهى» ديارٍ ما تغافلها الربيع.. أشوفها في زود! أعرف أشجارَها، وأعشق هواها، قبل لا أسكنْها.. وِش يشدّ العواصف؟ وأنت بابك للهوى مَسدود تجرَّى! والله إن حلو المحبَّة من (مجنَّنها) أنا لولاي أحبَّك ما بذلت لـ ضحكتك مجهود! ولا غنّيت في بيوت القصيد.. وبيتك أثمنْها إذا ما سِقت لك صفو الحياة، وصافي القرهود تمرَّد، واِسْرق حقوق العرب؛ لا سنَّت سْننها تحمَّلت اللَّيالي.. في ديَارك! ما قدرَت أعود: وأنا ما أقدَر أخوْن أيَّامها.. لو قلْت لي: خِنْها أحبّ أحلى مشاوِيْري لـ عينك يا ثاني العنقود: وأعرف إن الصباحات الجميلة.. تنخلق منْها.

صباح الخير أمّا بعد : يخجل المرء من فرط رحمة ربه به رغم كثرة تقصيره ، اللهم بقدر ما أنعمت علينا وأسعدت قلوبنا علّقنا بطاعتك وحسن عبادتك يا كريمٌ يا مُجيب .

" الناس من بعدك هلا وأنت لبيه الحاضر أنت وماضي الناس ماضي "

68% 🤯

ذعذعي يا نسمة الليل من كل اتجاه لين تجلا ظلمة الليل شمسن مشرقة هاجسي يدوي بالافكار حتى فالصلاة مخرن فالعين جمرة وفالصدر غلقة لو تسلط له على واحدن قلبه حصاة راح قـلـبه شــارةٍ بـ الرصاص مخرقة من كثر ما حل فيها من يدين الرماة كل واحد يحلف ان العطب من بندقه ساقني مع ليلَ اسود مثل لون العباة تنقلب منه .. الصدور الوسيعة ضيقة مير انا عندي ثقـة والثـقة سترة نجاة ولا ينـال الـعـز راسن خلي من الثقة مستحيل اقـبّل يدين و اقـبّل جـباه لو يضيق الكون ويصير مثل المشنقة ووالله ان ما يصبح الموت اخير من الحياة لين تلقا الكلمة الطيبة فيك صدقة الكريم من المشاريه في وجهه حفاة ياكله وجهه من الشرهه اللي تلحقه والردي خله يسولف ولا تشره علاه لو يعرض وجهه الشمس ما بش عرقه - القوس عبدالرحمن ✍️

رميت اغلا المشاعر في غياهب جُبّ وقلت اسلَم على راس الهوى السالم عسا ماهو غرور ولا كِبر يا رَبّ كثر ماهو ثِقه في قلبي الحالم بعد كثر التجارب فالعَطا والحُبّ انا واجد .. على ( واجد من العالم ) .

7 : 28

للخير نخلة وللشر سيفين 🇸🇦 #يوم_التاسيس

10 : 22 PM ..

حمد العيباني ✍️

دخيل الذاكرة وأن طال هجره ما عليه خلاف لو النسيان حاول .. ما يطول اعز لحظاته وقوف المنهزم قِدم الليالي والظروف أحلاف يهون .. ولا وقوف المنتصر لامن خسر ذاته