الطير المهاجر

مساء الخير الحساب هذا حتى وان كان بسم مستعار لن يكون خلاف مبادئ وقنعاتي هو عباره عن استراحه اذا تعبت اخذ لي غفوه فيها ليس اكثر

#عيدعاتق_الشماسي عَلَيّك ياللي مدانيق السحاب امطرت الديره اللي زوليها من الديدحان عليك لجة ركابي بالحنين وسرت قصايد الشوق مايبغالها ترجمان الصدر فاضت رياضه والسواقي جرت عليك لو شحت الجيه وطال الزمان من دونك الشمس غابت والعيون انكرت تذكر زوايا المكان ولا تشوف المكان ياوجد روحي ليا من الطواري طرت عشري تعود على ذيك النواحي ثمان فيها النفل والخزامى والغصون ازهرت واحلام الاطفال فيها والدفا والحنان فيها التفاصيل وافكار الشباب ابحرت من فوق سقف الخيال ودون سقف الجنان فيها السواليف كانت والنجوم اسفرت وشروقها بري حالي كنه الزعفران لابانت الشمس فوق هضابها وانورت صوت العصافير فيها يسعد النفس كان والان عنها الليالي والضعون ادبرت دارت عليها الدواير والله المستعان نسيانها المستحيل ودمعتين حدرت على ثراها ذرفت الدمع والقلب لان سلام مني على الاطلال لو مادرت عني وانا ماصفا جوي ولا الحال زان ✍🏼عيدعاتق الحربي

@mathymazy صح الله لسانك وصح بدنك ماذي

@ab_33bb صح لسآنك يـ الجزل

. . . على ضفآف الصمت والحلم الدفين وقّفت أرآقـب غيـبـتك خـلف الستآر كـنّ الـمـدى بـين الـثـوآني والأنـين مـنـفى يـلـمّ الـظـل ويـمدّ الحصار #مآذي

@mathymazy على الدموع ونغمة الناي الحزين حالي كذا متكرره ليل ونهار الله يبيح البعد ويبيح السنين قد لي زمن واقف ولا مر القطار

#عيدعاتق_الشماسي ماوايقت عيني على النوم ياسعود مدري علامه فارق النوم عيني تقلط بنات الفكر وتقل وتزود ياسعود مدري وين اودي حنيني انا على نفس المواعيد موجود نفس المكان ونفس نبرة ونيني معي قصيد وشمع وعلوم وورود والرسمه اللي لونتها يديني ومعي ملف ايامي البيض والسود وريحة عطر من عطر ماضي سنيني وقلبٍ يضخ من المعاليق ويجود وصوره من احلامي تروح وتجيني وذكرى رسايل باقي النص مفقود ياسعود مرسوله بجوال صيني مشتاق واشواقي بلا سقف وحدود ورى شفق لون الغروب الحزيني وضعي كذا لاهبني طارف النود اجرها مسحوب والا هجيني ✍🏼عيدعاتق الحربي

@mm_nn999 عز الله اني في بعضهم توهمت ! الموقف اكبر من حروف وقصايد اللي على شانه حزنت وتألمت يسمع كلام مروجين المكايد

عز الله اني في بعضهم توهمت ! الموقف اكبر من حروف وقصايد #موضي_العذبه

#عيدعاتق_الشماسي لي وقت راسي مهو رايق ماغير افكر واحس صداع ازرق على الشط و اوايق وارجع على مسرح الاوجاع #كسره

#عيدعاتق الخبت الاجرد يوم اطاول حزومه اخير من لندن ومن جو باريس واخير من رومه ومن ورد رومه بذات لاذعت عصير النسانيس نسايمه تشبه نسايم تنومه تشرح جراهيده صدور المفاليس ليله من الفرحه تواقد نجومه وشواهقه فيها يبات القرانيس واللي على بالي دقايق علومه عليه تاخذني ركاب الهواجيس

#عيدعاتق_الشماسي جديدي خواطر مسفهله وفرحت عيد ومشاعر تزاحم وسط صدري واغردها على وين ماودي تجي وان طلبت تزيد عسا الله يطيّب فال نفسي و يسعدها عيون القصايد تختلف عن عيون الغيد من الروح وعروق العلايق مواردها

كل عام وانتم بخير تقبل الله منا ومنكم صالح الاعمال 🌹🌹🌹🌹🌹

#عيدعاتق_الشماسي طاح قلبي ورى ضلعين ماطحت كلي بيني وبين عثرات الهقاوي مسافه في خيالي علوم وخاطري مسفهلي تقعد الناس ترحل ماعليها حسافه دجت فوق الصحاري مامعي غير ضلي الولايف وصدقان المجالس خرافه في فجوج الخلا فسحه وفيها تسلي عن ضجيج الحياة وسيرها واختلافه غير اسولف مع النجم البعيد المطلي ماغبطت الّرُقُود اللي تناول لحافه اتوسد ذراعي واذكر ايام خلي واتذكر جفاه ولدته وانعطافه من محلي افز شوي وارجع محلي الطواري عنيفه والمشاعر رهافه ياسحابه على جرد المعاليق هلي المعاني ثقيلة وزن ماهي خفافه كل ماقلت ياجزل الهواجيس زلي ردني شايل القيفان لاشال قافه صاحبي لاتعاتبني على حلمي اللي عاش عيشة ملوك ومات ليلة زفافه ✍🏼عيدعاتق الحربي

#عيدعاتق_الشماسي الله وكيلك مابقي فالصدر شي وزعت شرهاتي وفضيتي صدري مازلت حي وحلمي المستحي حي ادري عن الاسباب واقول مدري اللي يجي مقبول واللي مضى سي فوقي فضا مفتوح والارض حدري ولايفي واصحابي العام ياخي راحوا شتات وصرّم الوصل بدري طويتهم مع سالف ايامهم طي ورفعت عن بعض المخاليق قدري ✍🏼عيدعاتق الحربي

#عيدعاتق_الشماسي مالي طلب في ناقضين المواثيق اللي يضنون المواثيق لعبه ماهي كذا ياخادعين المخاليق كذبه ورا كذبه وكذبه وكذبه من حمد ربي سالمات المعاليق حسبت لي حسبه وغيرت حسبه ابعدت والغربه نصيب وتوافيق ماقلت حضي بين الاغراب وش به يوم الهوى كانت غصونه مواريق امطرت له واسقيت شيحه وعشبه واليوم بيبان المشاعر مغاليق وشباكها مقفول مافيه طِبه ماغير افرغ شرهتي فالطواريق واخذ على مرقاب الاحلام وثبه ✍🏼عيدعاتق الحربي

#عيدعاتق_الشماسي مازلت اصور رغبتي وافترضها ولا زالت الرغبه على غير شفي أشوفها متعديه واعترضها وانده لها بالصوت وامد كفي اما تجي والا على الله عوضها كان ادبرت حطيتها تحت خفي ايام وابرا من توابع مرضها وارتاح من بعد المتاعب واغفي ليت الهقاوي تجتمع مع بعضها من قبل لاتقفي ركابي واقفي وليت السعاده تقترض واقترضها مدة شهر لو انها ماتكفي وليت الجروح تسامح اللي نقضها اللي غلط واللي يدور ويلفي قلبي يبي حاجه وعقلي رفضها والنفسي محتاجه مشاعر تدفي ✍🏼عيدعاتق الحربي

#عيدعاتق_الشماسي مشاعري يوم عني قفت ضعونك مشاعر اللي لقي نفسه وضيعها الشمس غابت وحال البعد من دونك ونفسي صدا الطير لاغرد يروعها لامر ذكرك وقام الناس يطرونك اصد واطفي وهج ناري واولعها من خوف لاشافوا عيوني يعرفونك على سنا النار لاشافوا مدامعها عساك طيب عساك بخير وشلونك عساك سالم من الناس وموجعها الوشمه اللي سببها نعّس عيونك مازال قلبي يعاني من توابعها اقول للقلب لاتتعب على هونك ويقول خل المشاعر ليه تمنعها ✍🏼عيدعاتق الحربي

@mm_nn999 صح الله لسانك شاعرتنا موضي وصح الله بدنك طابت ايامك وزان فالك

@ab_33bb الله الله صح الله لسانك وعافاك لاعدمنا مرورك الطيب طال عمرك

المنتظر لاطال ليل الإنتظار يعيش في دوامة الليل الطويل #موضي_العذبه #ليل

@mm_nn999 المنتظر لاطال ليل الإنتظار يعيش في دوامة الليل الطويل ياخذ قرار ويرجع يغير قرار صدره ملاه الضيق والخاطر عليل بينه وبين اللي يبي باب وجدار مطالبه صعبه وحلمه مستحيل يمكن يزين الوقت ويمر القطار يمكن ويمكن يبخل الحظ البخيل

#عيدعاتق_الشماسي قالوا قصيدك كثير وفيه قل بركه قلت المعاني كباري والقصايد ممر مرات برد وسلام ومر حبل شركه ومرات مثل القراح ومر مثل الجمر اقدر الناس والخشم الكبير افركه العمر صفحة وثيقه والمواقف عمر اصيب في معركه وازل في معركه بعض المعارك خساره ماورها ثمر وين الموازين وين العالم المدركه العلم عكس الجهل والجهل موتٍ حمر النفس فيها الم والصدر فيه حركه مع زامر الحي قلبي مايحب الزمر ✍🏼عيدعاتق الحربي