عَبْدُ الرَّحمَٰنْ مُحَمَّد

طلعوها مريضة نفسية، طب نفتح تحقيق طيب ونشوف كلامها صح ولا لأ! وسهل تعرفوا كلامها حقيقي ولا لأ لو عايزين، إنما ازاي لازم نطرمخ على مؤسساتنا ما احنا زي الفل ومعندناش حاجة وحشة. هحكيلكم قصة عشان تعرفوا احنا كنا فين وبقينا فين! في عهد سيدنا عمر بن الخطاب -رضي الله عنه- جاتله شكوى من بعض أهل الكوفة بيشتكوا فيه سيدنا سعد بن أبي وقاص -رضي الله عنه- اللي كان والي عليهم، وقعدوا يتهموه باتهامات كتير أشهرها أنه مش بيعرف يصلي بيهم! متخيل بيقولوا ده على مين؟ على خال النبي ﷺ وواحد من العشرة المبشرين بالجنة، قال له النبي ﷺ في أحد: «ارمِ سعد فداك أبي وأمي». المهم سيدنا عمر بعت لسيدنا سعد عشان يسأله في الشكاوى دي وقاله على جزء أنه مش بيعرف يصلي بأهل الكوفة، فسيدنا سعد قاله: «أَمَّا أَنَا وَاللَّهِ فَإِنِّي كُنْتُ أُصَلِّي بِهِمْ صَلاَةَ رَسُولِ اللَّهِ صَلَّى اللهُ عَلَيْهِ وَسَلَّمَ، مَا أَخْرِمُ عَنْهَا، أُصَلِّي صَلاَةَ العِشَاءِ، فَأَرْكُدُ فِي الأُولَيَيْنِ وَأُخِفُّ فِي الأُخْرَيَيْنِ». فرد عليه سيدنا عمر: «ذَاكَ الظَّنُّ بِكَ يَا أَبَا إِسْحَاقَ». سيدنا عمر كان مصدق وعارف إن شكاوى أهل الكوفة كيدية وكلها كذب وكله كان عارف كدة ولكنه كان لازم يحقق فيها، مينفعش تجيله شكوى وتتقفل عشان أي شخص مهما كان، ومكتفاش بأنه يسأل سيدنا سعد على الشكاوى المتقدمة ضده، لأ ده كمان بعت حد يحقق ويسأل الناس في الكوفة، اللي بعته سيدنا عمر ده راح الكوفة وسأل في الجوامع وسأل ناس كتيرة وكله أثنى على سيدنا سعد بالخير إلا شخص واحد قال عن سيدنا سعد: «أَمَّا إِذْ نَشَدْتَنَا فَإِنَّ سَعْدًا كَانَ لاَ يَسِيرُ بِالسَّرِيَّةِ، وَلاَ يَقْسِمُ بِالسَّوِيَّةِ، وَلاَ يَعْدِلُ فِي القَضِيَّةِ». طبعًا كله عارف إنه كلام زور كله، كله بجد بلا استثناء، وسيدنا سعد دعا على الشخص اللي اتهمه ده وربنا استجاب دعوته. براءة سيدنا سعد اتثبتت بشهادة أهل الكوفة، وكله تأكد من براءة سيدنا سعد وكذلك سيدنا عمر تأكد من براءة سيدنا سعد، وبرغم ده عزله من ولاية الكوفة عشان الفتنة وعشان متحصلش نفس الشكاوى دي تاني -الشكاوى الكيدية- وولى حد تاني من الصحابة مكانه. الشاهد من القصة دي ايه؟ إن سيدنا عمر لما وصلته الشكوى حقق فيها ومكتفاش بأنه كذب الشكوى مع أنه لو كان استبعد الشكوى كان هيبقى حقه ومكنش هيبقى ظالم لأن تاريخ سيدنا سعد يشهدله بكل خير، ولكن كان لازم تحقيق عشان ده اللي مفروض يحصل، هو ده العدل مش الظلم والطرمخة. ربنا يتولانا ويرحمنا.

@OsamaWa47165542 أنت بتسلمني تسليم أهالي ياعم أنت التاني 😂😂

@abdurrahmannagy تخيل تعدي من كل اللي كتبته قبل كدة و تتمسك علشان التويتة دي ده يبقى بلوت تويست عالمي

كنت لسة بقول محدش شتمني بعدها بشوية لقيت واحد ممنشن لوزارة الداخلية إني بهيج الرأي العام وإني إخواني.

@1DeDios13_ Fashion pyramid أو Arij الاتنين دول كويسين عن تجربة

حد فيكم اشترى شنطة من online page وطلعت كويسة ويرشحها؟ عاوز شنطة متعددة المهام تنفع اخدها معايا across the day من الشغل للجيم.. اي اقتراحات؟

شباب معلش لو حد جرب نظام ريد في فودافون أو جولد في وي، هل الأنظمة دي تستاهل الفلوس اللي بتتدفع فيها؟ وايه أفضل فودافون ولا وي؟

قال النبي ﷺ: «أتاني جبريلُ عليه السَّلامُ فقال: يا محمَّدُ! عِشْ ما شئتَ فإنَّك ميِّتٌ، وأحبِبْ من شئتَ فإنَّك مفارقُه، واعمَلْ ما شئتَ فإنَّك مجزِيٌّ به، ثمَّ قال: يا محمَّدُ! شرفُ المؤمنِ قيامُه باللَّيلِ، وعِزُّه استغناؤُه عن النَّاسِ».

لأن دي من دول العالم التالت اللي مش مهتمة بصحة الحيوان، فده اللي تسبب في الكوارث دي كلها. ففكرة القتل الرحيم لكل الكلاب مش هتنفع في مصر ووضحتلك السبب أنها هتخل بالتوازن البيئي، وكمان هتسمح لكلاب تانية تدخل مصر من الحدود اللي مع الدول التانية. ولو عملت قتل رحيم لجزء من الكلاب وجزء تاني لأ، فأنت كدة معملتش حاجة لأن الكلاب اللي أنت سبتها من غير ما تعقمها وتحصنها هتتكاثر تاني وتزيد في عددها، وكمان مش هحقق مناعة القطيع بأنك محصنتهاش.

@abdurrahmannagy ثم مش كلها لا طبعا حتي نستطيع ظبط اعدادها المنظر المتخلف ده مش موجود الا عندنا وفي امريكا الجنوبيه والهند فقط والدول المتخلفه وبس استحاله تجد منظر زي ده في الخليج مش اقولك حتي في أوروبا

الكلام ده غير صحيح، الفيران اللي في فرنسا دي اسمها norway rat، حجمها كبير مقارنة بالفيران العادية، وممكن توصل لنص كيلو وسبب انتشارها في فرنسا هي الزبالة الكتيرة هناك وشبكة الصرف الصحي والأنهار اللي داخل المدن، لأن الفيران دي بتعوم كويس جدًا، فده بيمثل صعوبة كبيرة على القطط أنها تطاردها وتقضي عليها، فالقطط والكلاب حتى لو موجودين مش هيقضوا عليها، بل بالعكس هيزيدوا من انتشار الأمراض لأن القطط والكلاب لو موجودين هيزيد احتكاكهم بالفيران دي سواء بأكلهم للفيران أو من براز الفيران دي، فهيتنقلهم المرض اللي بعد كدة هيتنقل منهم للبشر. وفرنسا لجئت لتقليل عدد القطط والكلاب في الشوارع، لأن زيادة عددها هيخل بالتوازن البيئي، زي ما عدم تواجدها هيخل بالتوازن البيئي، لأن القطط والكلاب برضو مصدر لنقل الأمراض وخاصة السعار وفرنسا دولة سياحية مينفعش تسمح للقط والكلاب بالتعدي على السياح بالعض والخربشة، وكمان القطط مش بتتغذى على الفيران بس دي بتاكل الطيور فزيادة عدد القطط في الشوارع هيقلل عد الطيور فهيخل بالتوازن البيئي. طب ازاي فرنسا قللت عدد القطط والكلاب في الشوارع؟ بنت شلاتر مهيئة للحيوانات دي، منعت أصحاب الحيوانات الأليفة أنهم يرموا حيواناتهم في الشوارع وفرضت عليهم غرامات، وخلت أصحاب الحيوانات يركبوا شرايح للحيوانات دي فيها بيانات صاحب الحيوان بحيث لو ضاع وحد لقيه يعرف يوصل لصاحبه، وكمان طبقت سياسة التعقيم، بيعملوا castration للحيوانات دي بحيث يمنعوا تكاثرها.

بقالي فترة عمال أوعد أصحابي وأهلي بعزومات وحاجات هجبهالهم لما أتخرج بإذن الله، وحاسس إن الوعود دي زادت شوية، بس مش مشكلة كله فداء التخرج.

قال النبي ﷺ: «إنَّ النَّاسَ إذا رأوا الظَّالمَ فلم يأخذوا علَى يدَيهِ أوشَكَ أن يعمَّهمُ اللَّهُ بعقابٍ منُه».

القتل الرحيم مش هينفع، الأفضل هو برنامج CNVR برغم أنه مكلف بس هو ده اللي هيحقق مناعة القطيع وهيمنع انتقال السعار من الكلاب للإنسان، وهيمنع تكاثر الكلاب. إنما القتل الرحيم مينفعش، احنا مش استراليا، استراليا جزيرة المياه بتحيط بيها من كل جانب، إنما مصر ليها حدود مع تلات دول، لو عملت قتل رحيم للكلاب كلها في مصر (وده صعب جدًا بسبب أعدادها) فأنت بتفضي مصر كلها من الكلاب والكلاب ليها اولا أهمية في توازن البيئة، ثانيًا أنت بتفضي مكان لكلاب جديدة تدخل مصر من الدول اللي جنبنا وهيتكاثروا وأعدادهم تزيد من تاني، إنما بتعقيم وتحصين الكلاب فأنت هتمنع انتشار السعار وكمان هتمنع تكاثر الكلاب وهتمنع دخول كلاب جديدة لمصر لأن الكلاب دي بتبقى جماعات بتسيطر على مناطق معينة وطول ما مجموعة كلاب في مكان معين فمفيش مجموعة جديدة هتدخل المكان إلا لو المجموعة الأولى مبقتش موجودة.

@abdurrahmannagy مش بالاعداد دي احنا تركنا الموضوع لحد لما توحش وبقي خطر ثم انت رجل عندك اطفال بتنام في الشوارع اعمل لهم اماكن إيواء الاول وبعدين دور علي الكلاب . كلام علمي وكلام من اللي يقضي المشكله لازم القتل الرحيم لحد لما نوصل لرقم معقول استراليا بتقتل الجمال في الصحراء اخلاقيا عادي

@Re9343820Reda @AymonGom3a2 @marwan214825 آمين وإياكم.

@abdurrahmannagy @AymonGom3a2 @marwan214825 نفع الله بك واتاك الحكمة امين

يا جدعان بطلوا غباء! مستشفى الشاطبي دي مستشفى حكومية، الستات اللي بتروح هناك بتبقى مضطرة أصلاً لكدة، أزواجهم مش معاهم فلوس يودوهم مستشفيات خاصة أو عيادات، وطالما هما مش معاهم فلوس، وطالما هما لجأوا لمستشفى حكومي فمفيش أوبشن أنهم يختاروا إن اللي يولدها دكتورة ست، لأن حتى لو الدكتورة الست موجودة فطلبها هيتقابل بالرفض عادي، لأن التعامل هناك إنك في مستشفى حكومي فملكش حق تتشرط، ارضى باللي موجود مش عاجبك روح ولدها برة، ده التعامل هناك بجد. فملوش معنى إنكم تقولوا للناس مش قلنالكم روحوا لدكاترة ستات، الكلام ده لو ده كان حصل في مستشفى خاص أو في عيادات، فالناس دي وقتها عندهم القدرة إنهم يختاروا دكتورة ست يكشفوا عندها وكله بفلوسهم. فبدل ما تقولوا كلام ملوش معنى طالبوا بمعاقبة الدكاترة وطاقم التمريض في المستشفى دي لو ثبت فعلاً أنهم بيعملوا كدة، وطالبوا الدولة بتوفير دكاترة ستات في المستشفيات للحالات اللي زي كدة والناس يكون ليهم حق اختيار الدكتور، وتوفير معاملة آدمية للناس، بدل ما هما يتذلوا ويتقل منهم عشان معندهمش القدرة يكشفوا برة.

في برنامج عالمي بيطبق بس مكلف اسمه CNVR Capture: بيلموا الكلاب من الشوارع Neuter: بيعملولهم تعقيم عشان يمنعوا تكاثرهم وزيادة أعدادهم Vaccination: بيحصنوهم ضد السعار والتارجت يكون سبعين بالمائة من كلاب الشوارع متحصنين. Release: بيرجعوهم تاني الشوارع لنفس مكانهم بحيث يمنعوا دخول كلاب جديد مش محصنة للمكان ده.

@abdurrahmannagy وهو مع الاعداد الفظيعه في مصر دي ومع الحاله الاقتصاديه التي لا تخفي علي. احد يبقي راح ناكل الكلاب ازي ونجمعها في شلاتر القتل الرحيم هو الحل الأفضل في حاله مصر

@AymonGom3a2 @marwan214825 قلت يمكن كلامي يفرق معاه ويصححله مفاهيمه شوية. قال تعالى: ﴿وَإِذْ قَالَتْ أُمَّةٌ مِّنْهُمْ لِمَ تَعِظُونَ قَوْمًا ۙ اللَّهُ مُهْلِكُهُمْ أَوْ مُعَذِّبُهُمْ عَذَابًا شَدِيدًا ۖ قَالُوا مَعْذِرَةً إِلَىٰ رَبِّكُمْ وَلَعَلَّهُمْ يَتَّقُونَ (164)﴾.

@abdurrahmannagy @marwan214825 انا صعبان عليا و الله انك قعدت ترد عالواد دا بكل الكلام اللي صعب علي أمثاله يفهمه مروان دا عيل سيساوي متمسح في شوية السلفيين بتوع تويتر و من العينات اللي هي بتحفظ اي كلام زي البهايم بتوع الريدبل خروف يعني فكك بجد مفيش فايدة دماغه متسستمة

...

@protonmail1299 @moiegy بس يا حمار يا بهيم.

@abdurrahmannagy @moiegy هذا بوست من خلايا رعاع البشرية البنا وقطب الإرهابية المرتزقه نرجوا التحقيق

ماهو ده اللي بتكلم فيه أنه بيتواجد بكثرة في المجاري والأماكن اللي فيها زبالة، ممكن هو عدده قليل في المنطقة اللي أنتِ فيها عشان زي ما وضحتي مفيش زبالة في الشوارع، مفيش مجاري مفتوحة، فده اللي مخلي عددهم قليل في منطقتك. وطبيعة الفيران أصلا حتى لو موجودة مش هتحسي بوجودها إلا بالليل، يعني نادرًا لو شفتيها الصبح، لأن طبيعتها ليلية، نشاطها بيزيد بالليل، وحسب طبيعة الفيران إنك لو شفتي فار واحد فرؤيتك ليه بتدل على وجود فيران أكتر. وزي ما قلت هما مطبقين هناك سياسة المبيدات فلو الفار مات يا إما مات بسبب المبيد أو بسبب أنه كان عنده مرض ده اللي خلاه انكشف فسهل رؤيتك ليه ومات.

@abdurrahmannagy لا حضرتك كلمت المجلس المحلي جه حط سم خده سعادته ومات بعد أسابيع من البحث عنه! وال عمله قبل مايتوفي خلاني أصدق توم وجيري! ومفيش جنبنا زباله ف الشارع ولا مجاري مفتوحة مع اني ساكنه ف حته عادية مش حي الأغنياء يعني

مش مكسوف منها عادي أنا مذكرتهاش لأنها مش إجراء منتشر، يعني مش هو الإجراء الأول اللي بيلجأوا ليه، القتل الرحيم بيكون في حالات محددة، يعني لو مكنش ليه مكان في الشلتر بسبب إن الشلاتر مليانة فبيضطروا يقتلوه، أو كان عنده مرض ملوش علاج والمرض ده معدي زي السعار مثلاً لو كانت عليه أعراض السعار فبيتقتل لأن ده ملوش علاج ووجوده بيمثل خطر على البشر وكمان على الحيوانات التانية.

@abdurrahmannagy وعملت حاجه تاني انت مكسوف تقولها القتل الرحيم لاي كلب أو قطه مفيش حد عايز ياخده

المياه الراكدة مش المصدر الرئيسي ليهم بل مياه المجاري هما بيكونوا موجودين أكتر في المجاري والأماكن اللي فيها زبالة كتيرة، ده غير أنهم كائنات ليلية بيزيد نشاطهم والناس نايمة عشان محدش يحس بيهم، معنى إنك شفتي فار واحد فده معناه إن المكان اللي أنتي شفتي فيه فار واحد فيه فيران أكتر من كدة، وممكن ميكونش فار نرويجي اللي أنتي شفتيه. ومعنى أنه مات، فمعنى كدة أنك شفتيه وهو تعبان وقرب يموت إنما لو كان في نشاطه وطبيعته مكنتيش هتقدري تشوفيه بسبب سرعته وقدرته على الاختباء في أماكن محدش يتخيلها، وسبب موته يا إما بسبب المبيدات أو أنه كان عنده مرض موته فلو لقيتي فار ميت متقربيش منه لأنه احتكال أنه كان عنده مرض معدي موته.

@abdurrahmannagy جايز انا لي هنا سنين وايام مرة جه لي فار صغير واتسم ومات وخلاص مع ان البيت جنب ديتش مفروض بييجو منه

أول مرة تويتين يفيرلوا عندي من غير ما اتشتم من أي حد، أو ممكن اتشتمت بس في ريبلايز وكوتس مش باينة من ناس واخدة شادو بان.

@MunaElMasriya لأ في فيران كتيرة في انجلترا وخاصة الفأر النرويجي وفي بلاغات كتيرة هناك عن ازدياد أعدادهم ووصولهم للبيوت.

@abdurrahmannagy مفيش قطط ولا كلاب شارع ف انجلترا ومفيش فيران غير نادر جداً لما يكون فيه ditch ميه راكده