المُحامية عبـيـر.

@Askmuhami وعليكم السلام نعم تستحقين الاجرة اليوميه لكل يوم عملتي به

من الخاص📩 السلام عليكم انا موظفه بمحل وللان بفتره تجربه وابي اترك العمل هل لو تركته يعطوني فلوس الايام الي داومت فيها او لا عشاني انا الي تركته؟!

@Askmuhami وعليكم السلام بامكانك رفع دعوى نفقه لك وللابناء اما بالنسبة للسياره بامكانك عمل تفويض له او رفع دعوى والمطالبة بازالة الضرر ويمكنك اصبات ذلك بصور المخالفات او اقرار منه بسبب استخدامه السياره.

من الخاص📩 السلام عليكم انا زوجي نقل سيارته باسمي وعليها مخالفات كثيره وقاعد يعاندني ويزيدها بكل مره وخدماتي موقفه وراتبي كله يروح عليهم ما يساعدني بصرف على عياله او حتى اي شي يخص البيت هل فيه طريقة او اي شي يثبت ان السياره ماهي معي ولا استخدمها وتسقط المخالفات لاني تعبت من الديون ولا فيه حل صلح معه

@Askmuhami وعليكم السلام بعد انقضاء العدة يلزم عقد جديد وحضور الولي وشهود بامكانك ارجاعها وتوثيقها عبر ناجز اذا لم تنتهي العده ولا يحتاج شهود

من الخاص📩 السلام عليكم طلقت زوجتي من ٦ شهور وهي تسكن مع الأبناء في نفس الشقة ولا احد يعلم بالطلاق الا الشهود هل استطيع ارجاعها بشهود فقط ودون علم الأسرة حيث والدها لايعلم بالطلاق

@Askmuhami وعليكم السلام نعم بالامكان رفع طلاق عبر ناجز ولايلزم التلفظ فيه امام الزوجة وبامكانك المطالبه بالمؤجل مادام ال طباق وقع من الزوج والذهب اذا لديك مايثبت انه لدى الزوج بامكانك المطالبه به

من الخاص📩 السلام عليكم بسالكم هل بصير الطلاق من ناجز بدون علم الزوجه😭 اليوم وصلتني رسالة طلاق وتفاجاءت طلاق بعد الخلوه والسبب منه هو سحب نفسه بنفسه وهل اقدر أطالب بحقوقي مثل المؤجل والذهب 😭لأنه اخذ ذهبي قبل فتره مني قال اخبيه عندي امانه مشورتكم يتيمه ولا عارفه كيف أتصرف

@Askmuhami وعليكم السلام النفقه تقدر من القضاء لايمكن إفادتك بمبلغ معين

من الخاص📩 السلام عليكم لو راتب الزوج ٣٠٠٠ وعنده ايجار شقه ١٠٠٠وانا عندي طفل عمره عشره شهور والحين حامل كم يكون النفقه رافعه قضيه نفقه .

@Askmuhami وعليكم السلام الافضل ان يكون لديك صك حضانه للابنه في حال لم يكن لديك وبالنسبه لاخذها لا يمكن الحضانه للام مادام لايوجد سبب من مسقطات الحضانه

من الخاص📩 السلام عليكم عندي استفسار ( بنتي عمرها ١١ سنه وابوها من جبت البنت وصار عمرها سنه ( طلقني ) وعشت عند اهلي وعايشه بخير اهلي وماعلي قاصر من فضل الله ولا طلبت منه نفقه ، ولا رفعت عليه شكوى ومن عمر البنت سنه وهو ماشافها يعني ١٠ سنوات ماشاف بنته ولا ارسل لها شي وكل شي سويته ل بنتي من خيري ماله فضل عليها ولا بشي ومجنبه عنه وعن اهله ما احد سأل عنها ابداً وقبل اربعة شهرين صار يتواصل معنا، عشان يشوف البنت وصار يشوفها بالبيت عن ابوي واخواني ولا تكلمنا بشي ولا عاتبناه ولا قلنا شي ولا نبي منه شي وصار هالحين يقول باخذ بنتي اتمشى انا وهي ونسافر برى يقول وهو مريض نفسي ، ولا عليه اي اتكال بشي والبنت جافله منه من عشر سنوات والله والله والله ماشاف بنته ماهو منع مني لكن هم مافيهم خير ما سالوا عنها ولا مشو لها مصروف كله من خير اهلي علي ، ( هل لو اشتكى بالمحكمة ياخذ بنت مني بالقوة وانا متعلقه في بنتي كثير ولا ابي مشاكل مع العلم مارفعت عليه قضيه من طيبنا وكرمنا مانبي منه شي لانه مايقدر ولايثمر فيهم المعروف والاب اللي ربى ماهو بالاسم ابي رايكم الله يفرحكم .

@Askmuhami وعليكم السلام نعم يمكن التوكيل في اتمام اجراءات الزواج

من الخاص📩 السلام عليكم أنا كبيره بالعمر وتقدم لي واحد عن طريق احدى البرامج من مدينه ثانيه مثلاً أنا من الدمام وهو من تبوك واتفقنا وجاء يوم وقالي أنا عندي فوبيا من الطيران والمسافات الطويله من مده طويله ممكن اخلي احد اخواني اسوي له وكاله ويتمم امور الزواج .. هل تشوفون الموضوع صحيح ؟! علماً بانه قال ممكن احجز احد اخوانك يجون لي وتمم الموضوع عندي !! ايش رايكم

@Askmuhami وعليكم السلام بسند لامر عبر نافذ او الاقرار بدين عبر ناجز

من الخاص📩 السلام عليكم اخوي استلف من زوجي مبلغ ١٠٠٠٠ كيف يقدر زوجي يوثق السلفه لان اخوي بالعاده مايرجع الفلوس

@Askmuhami وعليكم السلام نعم بامكانك عند رفع التنفيذ يتم ادخال الحساب البنكي لك ويتم الاستقطاع من حساب الاب لحسابك البنكي وليس الابناء

من الخاص📩 السلام عليكم انفصلت عن زوجي والقاضي حكم لي بنفقة. زوجي يرسل النفقه على حساب الولد عمره 12سنة ويرسل له الايصال والولد يجي يقول ابوي حول لي. اعطيني الفلوس. يسوي مشكلة بيني وبين ولدي. للعلم. الحساب الموجود في المحكمةحسابي انا (الحاضنة) وليس حساب الطفل. هل يحق لي اني اطلب ان التحويل يكون لحسابي أنا وليس لحساب الولد لتجنب المشاكل ولادارة الاموال بما يتفق مع مصلحة الابناء لانهم أطفال وانا الحاضنة. ياليت جواب رسمي ومستند لمواد الله يسعدكم

@Askmuhami وعليكم السلام النفقه تقدر من القضاء ولا نعلم كم التزامات الاب الماليه يلزم رفع دعوى بالمطالبه بزيادة النفقه ويتم تقديرها حسب دخل الاب والتزاماته

من الخاص📩 السلام عليكم انا منفصله ومعي بنت عمرها ١٠ سنوات وابوها من وقت الانفصال مايرسل مصروف الا٥٠٠ كل شهر والحين البنت كبرت ومتطلباتها زادت غير سواق المدرسه ينقل بمبلغ ١٥٠ ريال البنت بصف الرابع ابتدائي كم يحق لها صرف من ابوها علماً ان راتب ابوها مايقارب ١٥،٠٠٠ .

@Askmuhami وعليكم السلام بامكانك البقاء في منزل الزوجية ورفع نفقه لك وللابناء وبالنسبة لتشويه السمعه اذا لديك مايثبت بامكانك اخذ حقك عبر القضاء فيما يخص الموضوع ولا يمكن لاحد ان يجبرك على رفع الخلع

من الخاص📩 السلام عليكم انا زوجي مريض وعاجز واخذوه اهله عندهم بحجة انهم بيعالجونه بس اللي حصل انهم منعونا من التواصل معه واخذو سيارته وراتبه وحساب المواطن ولا يعطونا المصاريف وكل شي تراكم علي وانا الحين ساكنه ف بيت زوجي انا وعيالي ويبغوني اطلع منه عشان ياخذون البيت ويكلمون اهلي عشان ياخذوني وهم ياخذون عيالي ويقولون اني ارفع خلع ع زوجي ومشوهين صورتي بين العايله ، راتب زوجي تجيني رسايل السحب في التطبيق وكلها تروح لهم قهوه واسواق وورد وانا وعيالي مالنا شي ، في هذي الحالة وش ممكن اسوي ووين اتوجه؟

@Askmuhami وعليكم السلام بامكانك التنفيذ بعقد الايجار بالدفعات المتاخره ولا يحق لك فصل الكهرباء بامكانك طلب الاخلاء بالقوة الجبرية

من الخاص📩 السلام عليكم عندي مستأجره بهذلتني في العمارة عليها متأخرات وماسددت ولاطلعت عقدها ينتهي بعد بكره اقدر اذا انتهاء افصل عليها الكهرباء ومتى اقدم اخلاء للشقة ؟؟

@Askmuhami وعليكم السلام بامكانكم رفع دعوى قسمة ويتم تقسيمها فينا بينكم كل شخص ونصيبه

من الخاص📩 السلام عليكم احنا عندنا تركة بحساب البنك تبع الوالد الله يرحمه ورفض البنك التوزيع الا بوكالة من الجميع واحنا بيننا خلاف ايش الحل بهذي الحاله ؟ وهل تتم الوكاله اذا رفض واحد او اثنين قبول الوكاله؟؟

@Askmuhami وعليكم السلام نعم بامكانك الاتفاق فيما بينكم على الدفعات او توثيقه عبر منصه تراضي

من الخاص📩 السلام عليكم انا رجال متزوج وماحصل توافق بيني وبين زوجتي وبرفع طلاق بس هم حاطين مؤخر وقدره ٥٠ الف وانا معي تقريبا ٣٥ هل اقدر اطلق وادفع لها المبلغ المتبقي أقساط .

@Askmuhami وعليكم السلام اولا المخالعه تكون برضا الزوج مقابل عوض فسخ النكاح يكون لاسباب وتحكم المحكمة بعوض او بدون عوض حسب ماتراه مناسباً للقضية بالنسبة للراتب تسمى نفقه الابناء وللابناء فقط والسكن اما يقوم بتوفيره او عليك استئجار منزل ويتم الحكم بجزء من الايجار يدفعه الاب

من الخاص📩 السلام عليكم أنا طفشت من زوجي كل يوم أنا وياه في مشاكل وضربني أكثر من مره ومايخليني اطلع مع صديقاتي وما أطلع أي مكان كأني مسجونه ووظيفة ممنوعة كل شيء ممنوع صراحة ما عاد أقدر اصبر وإذا شافني طولت على جوالي يأخذه باليوم و اليومين واجلس بدون جوال ابي اخلعة ماعاد اقدر اصبر قالت لي وحدة من صديقاتي إذا خلعته المحكمة تغصبة يمشي لي راتب لنفقة عيالي ويجيب لي بيت ويجيني الضمان وحساب المواطن وأبي أسألكم هو صدق او لا وعيالي أربعة بنتين وولدين كم يعطيني راتب وكم يجيني حساب المواطن والضمان

اللهمّ إني احتسب يومي هذا لوجهك الكريم فتقبله مني ويسّرلي أمري وارزقني وبارك لي فيه

اللهم صل وسلم على سيدنا محمد #يوم_الجمعة #الجمعة #محامية

@Askmuhami وعليكم السلام اذا كان مقتدر مادياً لايلزم ولكن من باب البر والاحسان له

من الخاص📩 السلام عليكم هل البنت الموظفه ملزمه قانونيا تصرف على ابوها فيه حال انه يبي جزء من راتبها؟ مع العلم ان عنده دخل و شركة باسمه

@Askmuhami وعليكم السلام نعم بامكانك الاعتراض على الحكم ، ولكن لايلزم تغير الحكم يجب ان يبنى الاعتراض على اسباب منطقيه مثل قرار الخبراء لم يكن مفصلًا وموضحها لقيمة النفقه المقدره

من الخاص📩 السلام عليكم " أقدر أعترض على حكم نفقة مستقبليه بأن المبلغ قليل جداً م يكفي الولد لان ابوه مقتدر حيل وراتبه يعتبر عالي ولا عنده اي التزامات ولا هو متزوج وهالمبلغ بحسب تقدير الخبراء 500 ريال فقط ممكن يتغير الحكم عند الاستئناف او لا ؟

@Askmuhami وعليكم السلام اذا تمت عقد قرانها يتم ايقاف مبلغ الاستقطاع من التقاعد ويلزم تبليغ الجهه المختصه

من الخاص📩 السلام عليكم اختي مطلقه وعندها بنتين ..وطليقها تزوج وتوفى ما خلفت منه اطفال.. وراتب التقاعد ينزل للبنات ووزوجته .الحين زوجته انخطبت قبل كم اسبوع واخذت من راتبه التقاعد هذا الشهر يجوز لها ؟؟