المُحامية عبـيـر.

للتواصل والاستشارات القانونية التواصل عبر الواتس : wa.me/966550492651 الرجاء عدم التواصل على الخاص.

@Askmuhami وعليكم السلام النفقه تقدر من القضاء حسب راي الخبراء لايوجد احد يقدر يحددها لك القضاء يحدد حسب قدرتك والتزاماتك الماديه

من الخاص📩 السلام عليكم أنا موضوع متزوج منذ 14 سنة ولدي طفلين راتبي 10,500 يعلم الله ما نويت الطلاق إلا بعد ماستنفذت كل الحلول. وتعرض لتشويه السمعة من قبل والد زوجتي ولا أذكر أنها جلست شهر واحد في البيت. مدار السنه قرت الطلاق الصافي بعد القروض البنكية 5500 من راتبي أرجو من المختصين إرشادي على النفقة كاملة مع السكن وجزاكم الله خير

اللهمّ إني احتسب يومي هذا لوجهك الكريم فتقبله مني ويسّرلي أمري وارزقني وبارك لي فيه

@Askmuhami وعليكم السلام رفع دعوى لدى المحكمة والمطالبه بالمبلغ ، و عليك تقديم جيمع مايثبت الدين واثبات المبلغ المتبقي

من الخاص📩 السلام عليكم انا مسلف واحد ١٠٠ الف وبيني وبينه سندين امر كل سند فيه ٥٠ الف وبعد ثلاث سنوات رجع لي 74 الف وانا الغيت السندات على اني بسوي سند جديد بالمبلغ المتبقي وصار يقول مايحتاج وبسددك ماراح اطول اخذت سنتين صابر ونفس كلامه مافي فايده عقبها بلكني من كل مكان وعندي صور للسندات القديمه والحواله وعندي محادثات وصوتيات له تثبت ان باقي عنده لي ٢٦ الف ايش الاجراء

@Askmuhami وعليكم السلام عند سداد الدين يتم كتابه في الحواله انه سداد لدين بالسند رقم والتواصل معه عبر الواتس لتوثيق وصول المبلغ لحسابه وانه يخص السند الالكتروني

من الخاص📩 السلام عليكم انا متسلف من خويي مبلغ كبير وابغى اسدده بس ماني واثق فيه بعد السداد يوقف خدماتي خصوصاً عنده سند لامر الكتروني كيف اضمن حقي

@Askmuhami وعليكم السلام لا تسقط الحضانه مادام هناك من يتولى الحضانه بدلا عنك اثناء غيابك

من الخاص📩 السلام عليكم انا موظفه وساعات عملي ٨ ساعات من ٩ الصباح ل٤ العصر هذا الوقت طفلي يكون برعايه والدتي واختي هل الحضانه تسقط عني ؟

@Askmuhami وعليكم السلام رفع تنفيذ بنفقات الاشهر الماضية ورفع تنفيذ استقطاع شهري بالنفقه الشهريه

من الخاص📩 السلام عليكم انا مطلقه ولدي طفل رفعت قضيه نفقه وحكم لي الشيخ ب٥٠٠ لكن طليقي غير ملتزم بالنفقه كل شهر بحيث شهرين م دفع وتحجج بأنه رافع دعوى زياره ومابيدقع لين يصدر له الحكم بعدها بشهر دفع وهذا الشهر لم يدفع بحجة ان لديه مولود جديد وملتزم معاهم وش الحل !!! كيف اقدر استقطع من راتبه بدون اني الجئ له وانتظر تحويل منه وهل اقدر اني اطالبه بالنفقة المتأخره اللي م دفعها يعني كيف الطريقة تكفون افيدوني!

@Askmuhami وعليكم السلام النفقه تستحق اذا الزوجة مكنت نفسها للزوج بالنسبه للمخالعه يجب رضا الطرفين لرفع طلب خلع بامكانك التوجه لفسخ النكاح اذا كان جميع ماذكرت صحيح ولديك مايثبت ذلك

من الخاص📩 السلام عليكم أنا ملكة من وحدة عن طريق خطابة وووقت الخطبة حققو معاي أهلها ونبشو كل ملفي وما خلو أحد ما سالوه عني لدرجة أنهم أستعلمو عن مخالفاتي و خلو زوج بنتهم بعد ما قابلت اهلها يحقق معاي ويسالني عن كل كبيرة وصغيرة وهل عندك سكر ضغط أمراض وراثية بعد الملكة تبين فيه تخبطات وسلوكيات غريبة من ضمنها خلتني أغير قاعة وراح علي عربون عشان القاعه كيبرة مع أنها جديدة و بعد ماسالت البنت عرفت انها تاخذ دواء حق صرع أسمه كيبرا ويعتبر نفسي طالبتهم بتقرير طبي عشان نكمل الزواج رفضو المهم قلت لوالدتها خذو من المهر 10000 من المهر وردولي الباقي مقدر أكمل أو جيبولي تقرير وبجيبلكم تقرير عن نفسي رفضة الام قالت مالك ولا ريال ، عندي غداً جلسة رفعت علي نفقة تطالب قبل الزواج والدخلة ولا حضرة البنت وغداً جلسة ثانية عشان ماحضرة البنت ، طبعاً ما لوم البنت فشي المشكلة من أهلها أخفو عني وكيف أرفع خلع وأسترد مهري

@Askmuhami وعليكم السلام بالغالب ترد الدعوى حسب اسبابه ومادام لديك نية الرجوع ولكن هو ممتنع يجب اثباتها للقضاء ايضاً يمكنك اثبات الحظر عبر الواتس بالتوثيق بتصوير الشاشه وغيره

من الخاص📩 السلام عليكم زوجي طاردني من البيت ورافع علي فسخ بعوض، وامس كانت جلسة الصلح الاولى، وهو بس يصارخ ويهاوش، وانا شرطي ارجع برضاوه لانه طاردني اكثر من مرة وارجع بدون رضوه اجبارًا من اهلي وغير كذا اعتذر له مع انه الغلطان لكنه تمرد لا حمدًا ولا شكورًا، وبجلسة الصلح بعد رافض الرضوة، وقبل ضاربني مرتين وعندي تقرير، وقالوا فيه جلسة ثانية الاربعاء اتفقوا انت واياها والآن مسوي لي حظر، سؤالي كيف اثبت انه مسوي حظر مكالمات وواتس؟ المكالمات اقدر اروح للاتصالات ويثبت؟ لاني عارفته بيكذب وينكر وهل اذا لاحظوا ان رفض الصلح من قبل الزوج بيحكمون بعوض او بلا عوض؟ لان الواضح انه يبي المهر دايم اذا طردني يكرر بترجعين مهري مع انه هو اللي يوصلني لبيت اهلي بعد لاني ارفض اطلع

@Askmuhami وعليكم السلام جميع الادله لديك تكفي باذن الله حسب محتواها لرفع دعوى والمطالبه براس المال والارباح حسب مايتم تقديمه من الطرف الاخر يتم احتسابها اذا لم توجد خساره

من الخاص📩 السلام عليكم اشتركت مع وحدة تشتغل في الاسهم ووعدتني بالارباح بشكل شهري واعطيتها مبلغ على اساس كل شهر تحولي حولت اول شهر والان لها 8 شهور ما اعطتني طبعا ما بيني وبينها سند كل اللي بينا محادثات واتس اب واتصال ورسائل تحويل من فين اشتكي ومن فين ابداء وهل اطالب بالمبالغ بالارباح اللي وعدتني او فقط راس المال .

@Shouqlaww فعلاً اكثر حركة غير مهنية ، ولا اعرف الفائدة منها بالغالب يتم التهزئ من قبل القضاء وراح يتم امهال الطرف الاخر مهله للرد وتتاجل الجلسه وهذا ياخذ وقت في الجلسات وتاخذ القضية وقت اكثر من اللازم 🤷🏻‍♀️

زملائي المحامين متى ؟ تتركون حركة إرفاق المذكرة في ليلة الجلسة ١-يبين مظهرك ضعيف ٢-مارح تحشر وتسكرها على محامي الطرف الآخره بهذه الطريقة بالعكس تبين عدم احترافيتك أنا مرفقة مذكرتي قبلها بأكثر من أسبوع وهو الحمدلله والشكر توه يرفق الرد عليها وبكرا الجلسة

@meznah911 @Askmuhami عند عمر الخامسة عشر كما نصت عليه الماده 135 من نظام الاحوال الشخصية ولكن يراعى فيها مصلحة المحضون

@abirlaw @Askmuhami في أي عمر يحق للابن او الابنة اختيار مكان معيشته؟

من الخاص📩 السلام عليكم . امرأه تطلقت من زوجها قبل 7 سنوات واخذت الام الحضانة عندما كان عمرالابن سنتين ولم يعترض الاب . سوالي في حال رغبت الام الزواج هل يحق للاب سحب الحضانة علما ان الاب لم يرى ابنه او يسال عنه لاكثر من 3 سنوات . اما مصروف الابن فهو يحول بشكل شهري دون تواصل الاب مع ابنه . عمر الان الان 10 سنوات

معلومات قانونيه: #معلومات_قانونية #قانون #محامي #محامية #محامين #معلومات #tiktok vt.tiktok.com/ZSHy3sdKR/

@Askmuhami وعليكم السلام ليس سبب مقنع للفسخ بدون عوض وفيما يخص المقطع الصوتي فهو يعتمد على السبب الموجود واقراره به

من الخاص📩 السلام عليكم زوجي قبل يخرج من البيت يحط ورقة صغيرة على الباب عشان يعرف أنا أفتح الباب أو لا صورت الورقة وعندي اعترافه صوت بأنه حاط الورقة لسبب غير مقنع! هل يعتبر (بينه) لسوء العشرة الزوجية في حال طلبت فسخ النكاح ؟

@Askmuhami وعليكم السلام بامكانك رفع بلاغ بالنصب والاحتيال لدى مركز الشرطه وبامكانك رفع دعوى والمطالبه بجميع ماتم تحويله له

من الخاص📩 السلام عليكم اولًا بدون اي كلام ماله داعي تمامًا ، واعرف غلطي واني غلطانه .. موضوعي انا كنت ابحث عند خطابات للزواج ، وجاني شخص طلب التواصل معاي رفضت بالبداية رفض قاطع تمامًا ، بعدها تواصلنا و قال لي انه موظف و ان اموره تمام و عال العال ، خلال تواصلنا اكتشفت انه مفصول من دوامه بعد اصرار مني انه يعترف بهالشيء و قال مدة فصله سنتين وبعدها يرجع ، المهم والاهم خلال هذي الفترة كان يطلب مني مبالغ ماليه وصلت المبالغ حول ال٨٠ ألف ، كانت كلها تحويلات بنكيه وللاسف غلط مني ان سبب الحواله كنت اخليه شخصي يعني ما اكتب فيه شيء حاليًا لي اكثر من ٣ شهور اطالبه بفلوسي او على الاقل ارفع سند يثبت حقي رافض انه يعطيني رقم هويته ، و لما ارسل له بالواتس مطالبه بالفلوس ما يرد علي ، يرد على كلامي بالسناب عندي كامل محادثات السناب وهو يقر ان عنده مبالغ ماليه لي طبعًا هذا مختصر للقصه كامله ، ايش الطريقة القانونيه اللي اقدر فيها ارجع حقي كامل ؟ علمًا بأنه كنت حتى اطلبه اثناء مكالمات السناب انه يفتح كاميرا فيديو اشوف وجهه نفس الصور اللي يرسلها لي او لا ، للاسف كان يرفض ويفتعل مشكلة ، وضح لي انه انسان كذاب او محتال او نصاب و متمرس لهذي الشغلات بسبب التصرفات اللي كانت تبدر منه

@Askmuhami وعليكم السلام المخالعه تكون على المهر او التنازل عن المؤخر مقابل الخلع اما الفسخ اما يكون بدون عوض او بعوض يتم تقديره من القضاء يحكم لك به او التنازل عن المؤخر مقابل الفسخ اذا كانت الزوجة تريد الفسخ

من الخاص📩 السلام عليكم في حال وجدت شروط في عقد الزواج مؤخر ٥٠٠ الف في الطلاق هل يحق لي كزوج ان اشرط مبلغ ٤٠٠ الف في حال الخلع او فسخ النكاح ؟

@Askmuhami وعليكم السلام في حال حصول خلوه وتم الطلاق من قبل الزوج تستحقين المهر اما اذا لم تحصل خلوه بينكم تستحقين نصف المهر

من الخاص📩 السلام عليكم انا تملكت قبل فتره وحصل خلاف بينا وزوجي رفع دعوة طلاق ، سؤالي هل لو حصل خلوه بدون مايدخل علي يرجع له المهر كامل او النص؟ خلوه اقصد فيها جلسنا وطلعنا سوا كم مره

@Askmuhami وعليكم السلام نعم بامكانك المطالبه بحقك.

من الخاص📩 السلام عليكم سلفت واحد ١٠٠٠ ريال و كتبت في الحوالة سلف أقدر أطالبه ؟

@Askmuhami وعليكم السلام تسقط الحضانه بمجرد زواجك لكن يراعى مصلحة المحضونين اذ كانت مصلحتتهم لديك حتى بعد زواجك لا تسقط الحضانه واذا مصلحتهم لدى الاب تسقط او اذا تعادل الطرفين بالمصلحة بالنسبه للنفقه لا تسقط اذا استمرت حضانتك للابناء بعد الزواج

من الخاص📩 السلام عليكم خلعت زوجي من سنه وعندي منه 5 اطفال اخذت حضانتهم بعد شكاوي وتقدم لي عريس متفهم لوضعي ومايمانع اني اعيش مع اطفالي سؤالي هل لو تزوجت تسقط الحضانه عني ويرجعون الاطفال لابوهم ؟ والنفقة انا ما اخذ نفقة لي طلبت للعيال بس هل النفقة تسقط ؟ هل فيه طريقة للزواج من غير ماتسقط حضانة اطفالي مع العلم ان العريس اللي تقدم لي يقول شوفي وش اللي يناسبك وماعندي مانع تبين زواج معلن زواج سري زواج مسيار اي شي تبينه موافق عليه واذا تبين تشرطين بعقد النكاح انك تعيشين مع اطفالك واني اوافق على حضانتهم موافق وانا ساكنه مع عيالي في شقة مستأجرتها انا والزوج الجديد مابيعيش مع اطفالي ابداً هو معدد وبيوفر شقة خاصه لي انا وياه نلتقي فيها وشاريني بس قلبي بينفطر على عيالي افيدوني خاصه ان ابوهم شراني وحق شكاوي

@Askmuhami وعليكم السلام النفقه تحدد حسب مقدرتك الماليه والتزاماتك يراعى فيها جميع التراماتك من جهة الخبراء والقاضي لا احد يستطيع تحديد كم النفقه بالضبط بالنسبة للعنف بامكانك اذا استطعت تثبيت العنف ضد الاطفال تقديم بلاغ للحمايه واتخاذ جميع الإجراءات اللازمة في حينها.

من الخاص📩 السلام عليكم انا متزوج وعندي طفلين ١١ سنه و٧ سنوات ويعلم الله حاولت بشتئ الطرق اني استمر ولكن وصلت لحد ماعاد استطيع فيه التحمل بسبب المشاكل وتخبيب والدها واهلها والاذيه التي اتعرض لها من قبلهم .. ارجو من المختصين الرد علا سؤالي راتبي ١٠٥٠٠ المتبقي منه بعد القروض البنكيه ٥٥٠٠ كم مقدار النفقه شامل السكن للاطفالي وماهي طريقة التعامل مع اطفالي بعد الطلاق اذا تعرضو للعنف من قبلهم .. وجزاكم الله خيراً..