معتصم النفيسة

منتخب سعودي عمره تحت 23 ؟ 🇸🇦 من انتاج روشن .. نتائج صادمه 😪 حاولت أسوي تشكيلتين محلية من اللاعبين اللي أعمارهم 23 وتحت ، ويكون من روشن: 🔹يلعب ولو بشكل بسيط 🔹اذا المركز شحيح ناخذ من اللي برزوا في منتخب 23U عندي نتائج صادمة حقاً: 🔻ماعندنا حراس غير حامد 🔻لم نشاهد صعود اي طرف يسار ، بعد سالم الدوسري والغنام وغريب .. اللي اصغر واحد فيهم عمره 26 سنة 🔻ما عندنا مهاجمين ابد .. ابد .. ابد .. ابد 🔻شح كبير في الظهير الايسر لدرجة اني استخدمت عبدالملك العييري ايسر في منتخب A، اما منتخب B فالوحيد النجدي .. ولايوجد غيره إلا معاذ فقيهي وأثنينهم ما شوفهم لاعبين منتخب 🔻السناتر محدودين ان لم يكونوا نادرين، وهذه حالة غريبة نوعا ما، لان بالعادة يكون فيه عدد جيد، والاختلاف في الجودة، اليوم لا عدد ولاجودة بالنسبة للأندية : 🔻الهلال لا يوجد له اي لاعب في هذه الخيارات 🔻النصر كذلك باستثناء النجدي 🔻الاتحاد الوحيد من الاندية الكبرى اللي يملك عدد محترم من المواهب الشابة "فرحة و طلال" ما شاركوا كثير لكنهم كانوا بارزين جدا في المنتخب، بالإضافة الى حامد و سعد . 🔻اندية مثل القادسية والفيحاء و الخلود و نيوم تملك خيارات اوسع في الشق الهجومي النتائج محبطة، لان الخيارات ضيقة جدا وهذا اكيد مؤشر ما يبشر بخير .