وصل

مـن شـــرق الإمـارات، لين غـربــها ؛ تـوجد وصـــــــــل #وصل #الإمارات

في الطوارئ، كل ثانية تفرق .. ودكتورة أمل كانت موجودة، وقفت وحاولت تساعد طفل رغم إنه مب من تخصصها ! وتحاول تكون قوية جدام أهله .. بس القلب يحس بكل شي هني نعرف إن الدكتور قوي، بس إنسانيته تسبق كل شي ✨👩‍⚕

من أهم النقاط في استقرار الحياة الزوجية هي الثقافة المالية 💍 
وايد من المعاريس الجدد ينصدمون من حجم المصاريف بعد الزواج،
 وتتعرقل أمورهم المالية لأن ما كانت عندهم عقلية الادخار والتخطيط من البداية. الزواج مو قرار عادي، هو إدارة دخل، مصاريف، والتزامات يومية. اللي يبدأ حياته الزوجية بوعي مالي، يخفف الضغط عن نفسه وعن شريك حياته، ويفتح باب للاستقرار والادخار والاستثمار من عمر مبكر!

في هالأجواء الماطرة… ما ننسى جنودنا البواسل اللهم احفظهم بعينك التي لا تنام
وسدد رميهم، وثبّت خطاهم، وانصرهم يارب واحفظ شيوخنا وقيادتنا
ويديم علينا نعمة الأمن والأمان🇦🇪 اللهم اجعلها أمطار خير وبركة
واحفظ الإمارات وأهلها من كل شر 🤍🌧️

مبروكين الرحمة و ما أوصيكم علي السواقة .....جعل ايامكم كلها رحمة وسرور . المطر كان يغمر الوالد بالفرح والسعادة.....ربي يسعدكم

ماما هيا اختارت تعيش حياتها في الإمارات 🤍 مع إنها فقدت كل أهلها هناك…لكن رغم كل هذا، اختارت تكمل حياتها هني فبوظبي وظلت مخلصة لهذا الوطن ومتمسكة بأرضه. مرت بظروف صعبة وتحديات لكنها ما تركت هذه الأرض وكانت تقدر كل لحظة فيها. حبها للإمارات عميق لدرجة ما يوصف بالكلمات… فعلاً التمسك بهذه الأرض وحب هالوطن شي ما له حدود 🇦🇪

الميدان… ما يقبل إلا الرجال اللي صبروا وثبتوا وما هزهم خوف… ولا تعب وقفوا بصدورهم وتحملوا كل شي وعيونهم على هدف واحد… النصر ما كانوا ينتظرون شي غير لحظة ترفع فيها الراية 🇦🇪 وكانت قوتهم في صبرهم… وإيمانهم بالنهاية الله يحفظ جنودنا ويسدد رميهم 🤍

تنبيه مهم وفي وقته 🇦🇪⚠️ سلامة الجميع أولاً… والالتزام بهالإرشادات مسؤولية كل واحد فينا
كونوا على قدر المسؤولية والوعي، وخلونا نحرص على نفسنا وعلى غيرنا الله يحفظ الجميع ويجعلها أمطار خير وسلامة 🤍🌧️

هاليوم كان مميز لنا… ولهم 🤍 ودينا الأطفال الأيتام لحديقة الحيوانات في العين وكان هدفنا بسيط…نفرحهم بالعيد لعبنا، ضحكنا، وقضينا وقت ما ينّسى بس الأجمل؟ الفرحة اللي شفناها في عيونهم… ما تنوصف! ✨ العطاء الحقيقي مب بس في اللي نقدمه العطاء في الأثر اللي يبقى بعد ما ينتهي اليوم الله يديم هالخير ويكتب لنا نكون سبب في فرحة غيرنا 🤍

رغم مرور الأيام… ما زالت التحديات مستمرة
ومع كل محاولة… تقف قواتنا لها بالمرصاد 🇦🇪 كل الشكر لأبطال قواتنا المسلحة
والحمدلله على نعمة الأمن والأمان الله يحفظهم ويقويهم، ويديم عزّ الإمارات 🤍

كيف كانت معيشة جنودنا..؟ ينامون من التعب ويقومون على المسؤولية لا راحة ولا رفاهية بس صبر… وقوة قلب كل يوم تحدي وكل لحظة اختبار بس رغم كل هذا؟ ما تراجعوا ولا اشتكوا كانوا عارفين إن كل هالتعب له نهاية وحدة… النصر هذيل ما كانوا بس جنود هذيل كانوا قصة صبر نعيش أثرها اليوم الله يحفظ جنودنا ويرحم من سبقهم 🤍🇦🇪

#إعمار_العقارية تساهم في حملة #حد_الحياة لإنقاذ 5 ملايين طفل من الموت جوعاً بمبلغ 100 مليون درهم👏🏻 محمد العبار: نثمن الأهداف العظيمة للحملة وسعيها إلى المساهمة الفعالة في الجهود الدولية لمواجهة ظاهرة عالمية خطيرة تتمثل بوجود ملايين الأطفال على حافة الموت جوعاً

مررت علينا هالأيام بتحدياتها لكن عشنا رمضان بهدوء وطمأنينة، ما نقصنا شي ولا خفنا من شي، ويانا العيد وفرحتنا مكتملة… والحياة مستمرة بثبات مثل ما تعودنا 🇦🇪 واليوم ويا هالأمطار وخيرها، يزيد شعور الامتنان… لأن خلف هالسكينة رجال يسهرون لأجلنا، يحمون أرضنا وسماءنا بكل قوة وإخلاص. قواتنا المسلحة هي مب مجرد جهة… هي درع الوطن، وعزنا اللي ما يميل. نفخر فيهم اليوم وكل يوم، ونثق فيهم ثقة ما تهتز. ومع كثرة الكلام والأخبار، الوعي واجب… لا تصدق كل شي، وخلك دايماً مع المصدر الرسمي. اللهم احفظ الإمارات، وبارك في جنودها، وسدد خطاهم، وأدم علينا نعمة الأمن والأمان🇦🇪🤍

اللهم كما أمطرتنا برحمتك في الدنيا
أمطر على قبور والدنا الشيخ زايد
ووالدنا وفقيدنا الشيخ خليفة
من رحمتك ومغفرتك ونورك واجعل ما قدماه لوطنهما وأمتهما في ميزان حسناتهما
وارفع درجتهما في عليين، واجعل قبريهما روضة من رياض الجنة 🤍

سمو الشيخ منصور بن زايد آل نهيان في غاليريا مول، أبوظبي…
نشوف معنى القرب الحقيقي من الناس
حضور بسيط… لكن يحمل هيبة كبيرة🤍 قيادة تعيش بين شعبها، تشاركهم تفاصيلهم
وهذا اللي تعودنا عليه في الإمارات 🇦🇪

تنبيه مهم ⚠️ في ظل الأجواء الماطرة التي تشهدها الدولة، توصي وزارة الداخلية بعدم الخروج إلا للضرورة، حرصاً على سلامة الجميع‼️ ومن باب المسؤولية والتعاون…
خلّونا نقلل الحركة ونترك المجال للجهات المختصة تقوم بدورها بكل سلاسة الله يحفظ الإمارات وأهلها ومقيمينها
ويجعلها أمطار خير وبركة 🌧️🤍

ومن مثلج يا بلادي؟ 🇦🇪 حتى صوت المطر و الرعد يطمنونا عليه…
 مطمئنين بوجودكم وبينكم مراعاة دائمة وحرص على طمأنينتنا وهذا عهدنا في هالدولة الله يديم علينا نعمة الأمن والأمان ويحفظ الإمارات وقيادتها 🤍🙏🏻

فيه ناس اليوم بين أهلهم ويحتفلون، وفيه ناس قلوبهم مع أبطالنا اللي مرابطين يحرسون الوطن. تضحياتهم عظيمة… ووقفتهم عز وفخر لكل واحد فينا. نعمة الأمن مب سهلة، وراها أبطال نفتخر فيهم ونرفع الراس فيهم. الله يحفظهم، يقويهم، ويردهم سالمين لأهلهم. نحن في خير وأمان… بفضل الله ثم بفضلهم 🤍🇦🇪

العيد عندنا له عادات وتقاليد توارثناها من الاوليين ✨ نبدأه بالصلاة، ونعايد ونسلم على الكبار قبل الصغار، وكلٍ له طريقته بين البدو والحضر..  عاداتنا جميلة .. ولازم نحافظ عليها ونورثها لعيالنا وأحفادنا ❤️

لمة الأهل والأحباب وفرحة الصغار بالعيادي  هي أجواء العيد اللي دايماً تقربنا من   بعض وتخلينا نعيش فرحة حقيقية. الله يحفظ جنودنا يارب ويعزهم،  ويكتب لهم الأجر على كل لحظة يسهرون فيها عشان أماننا. 🇦 عيدكم مبارك، وكل عام وأنتوا بخير 💫✨

اليوم في العيد سألنا الناس: منو أكثر شخص اشتقتوا له؟ ومنو تتمنون يكون وياكم؟ واكتشفنا إن العيد مب بس فرحة…
العيد حلو بالناس اللي نحبهم،
وأحياناً يكون ناقص بغيابهم كل عام وأنتم بخير… ومع اللي تحبون 🤍 وجنودنا البواسل، اللي اختاروا يكونون بعيد عنا عشان يحمونا…
قلوبنا وياكم ودعواتنا ما تفارقكم الله يحفظكم وينصركم ويردكم سالمين غانمين يارب 🇦🇪🤍