عيد نفاع الرشيدي

ياصاحبي في قصتك صرت بحلان ماودي ارخص قيمتك وانت غالي خايف علي اتصير بعدين زعلان تزعل عليه لاقطعت اتصالي #عيد_نفاع_الرشيدي

الطيب مايصلح على غير راعيه وخل المقفي عنك يشعب اركابه اللي يعزك لاتخيب هقاويه ومن صد عده تحت طوبة ترابه #عيد_نفاع_الرشيدي

علم اللي جاك ينشد عن احوالي كل راعي حق معطيه ماجوبه الردى ماهو لابويه ولا خالي طيبنا ماضي ماهو بس هالنوبه لو نعاين بالخطاء بعض الاشكالي اصبحت كل العلاقات مسحوبه #عيد_نفاع_الرشيدي

@hkl_404 @KSA_KFSC صح لسانك ومبرووك الله يوفقه لما يخدم دينه ومليكه ووطنه

الحمدلله والشكر على العلوم اللي تسر جعل الفرح طول العمر اليوم ذا ماله مثيل اليوم هذا يوم عيد احلى خبر جانا سعيد فرحتنا في عبدالمجيد مبروك يالحر الأصيل ضابط وزاهي بدلته علق بمتنه نجمته #هاجر_الرشيدي youtu.be/1wy9A1SRdNw?si… @KSA_KFSC

خدمةمليك الوطن والدين نوماسي وبلادنا اللي بغال الروح نفداها خيراتها اللي علينا مالها قياسي الله من السوء يحمانا ويحماها #عيد_نفاع_الرشيدي

دنياك هذي كلها تمشية حال لو اضحكت لابد فيها انقلابه وادٍ طلع نبته على غيث هطال يبست غصونه عقب ماخضر جنابه مرت عليه سنين ممحل ولا سال ماتقل غيّم في سماه السحابه دنياً تزيّن مايجي لبسها اسمال ياكثر من هو غرته في شبابه #عيد_نفاع_الرشيدي

من عاش بالحيله توريه الايام تدور به مثل الرشاء بالمحالي من زاد عن حده تزل به الاقدام ويرخص مقامه عقب ماكان غالي وانا استفدت بتجربه ماهي اوهام وهبه من المولى عزيز الجلالي على الوفاء والجود والعز مقدام طبيعةٍ ماغيرتها الليالي #عيد_نفاع_الرشيدي

في خاطري جلسه وكلمه من الراس تهدي الاعصاب وتزول همي يازينها بين المغيرب والادماس والجو وقته زين ماهو محمّي هذا هواي وماتبقى للافلاس دنيا الفنى وان فرّقت ماتلمي محبةٍ ماهي لاهلها على ساس دايم ليا طال المدى ماتتمي #عيد_نفاع_الرشيدي

يالله اني كان ماخبت في ظن الرفيق موفياً ماجوب ضيفي وماجوب الخوي مع دروب الخير والعدل زين لي طريق ياعليمٍ بالخفا وش نوايا المنتوي بارتفاع المستوى ساعد الحر الطليق قدرتك تعطيه للجو عزم ومعنوي #عيد_نفاع_الرشيدي

المال مايرفع مقام الرديين والقل مايكسر قوي الضلوعي #عيد_نفاع_الرشيدي

كل مايطري عليه خويا فيه خير قام هاجوس القوافي يغني ويحدا للطواري والروابع فتح باب الضمير لو بنات افكاري بعيد سمعن له ندا الصديق اللي يصافي معك باللي يصير كل ماتبغاه فيا طريقه ماردا مانبيعه في صداقة هل الحبل القصير الهبود اللي على حزة اللازم غدا #عيد_نفاع_الرشيدي

عليك قلبي زاد ولفه زياده اشفق من المسني لنو الرشاريش لوا هني اللي سكنتم بلاده لو ان شوفتكم ممر وتناويش قصرت رجلي عنك خوف وحشاده والا ترى ماهي كلافة مطاريش انظر بحال اللي محلك فواده لاياخذك عنه التغطرس مع الطيش قربك يوصله الرضا والسعاده وان ماقضى عمره بلاماك مايعيش #عيد_نفاع

بعض البشر لو تنصحه صارت علوم ماله نصيب مع الرجال الصريحه اعز نفسي وارتفع وابعد الحوم ماعشت من مد اليدين الشحيحه مع كاسب النوماس لي خشر وقسوم يوم الردي دونه قريبٍ مطيحه قلبي هواه مصاحبة كل شغموم تسمع ليا جيت النشاما مديحه #عيد_نفاع_الرشيدي

هرجك على كبدي مثل در الابهال والا عسل صافي عن الغش مضمون اقنع وصدق عيد في كل ماقال تمون باللي تطلبه مثل مامون #عيد_نفاع_الرشيدي

الوفاء طبع الكريمين واعزاز النفوس من صفات اهل المروات ورجال الادب سلعةٍ من طيبها ماتقدر بالفلوس ولاتثمن في سبايك جنيهات الذهب #عيد_نفاع_الرشيدي

@bdalrhmn67281 تسلم يابو احمد صالح لسانك دايم وانت جزل في قصيدك وافعالك

انا هوايه كسبت الطيب والجود عرف النشاما لابسين الوشاحي والثانيه حنة لقيه ومفرود هذا هواي ومنوتي وانشراحي والعمر لو طالت لياليه محدود اما رحيل العصر والا صباحي لابد من يومٍ مكفن وملحود من راح مارده عليك الصياحي #عيد_نفاع_الرشيدي

دايم تطرق علومٍ مابها خيره الموت كل البشر عنهم ماهو غادي من خشه الذل ماهو رايحٍ ديره يقعد به الخوف ماهو قاطعٍ وادي #عيد_نفاع_الرشيدي