اللّٰه عزيز ولا يذل العزيزين
اللي عن دروب الشرف ما تناحوا
حنا اقويا حتى لو ان المساكين
ما ريحونا منهم ولا استراحوا
يدّورون الضعف والطاري الشين
مهبلً لا صاح مجنون صاحوا
راحوا هل الشيمة وراحوا هل الدين
وحتى السرابيت الرياجيل راحوا
-فهد قطنان
مشاعري مع سدول الليل سرايه
ترسل عليك التحيات ورسايلها
العالم اسباب وانتي وحدك الغايه
وانا اتعكز على الاسباب وابذلها
ودي ب شوفك لو ان الشوف ف مرايه
كود اني الهى وقلبي من العنا يلها
لي صاحبٍ وسط نجد وحالته حاله
ياكثر مرواحه وما اكثر مناكيفه
قد راح فالمرجله ثلثين من ماله
ما قد بخل فالوجوب اللازم ل ضيفه
اغليه واقدره وانطّحه فاله
يوم ان غيره ليا من سولف اعيفه
لولا ظروفي حرامٍ لاتعناله
واشرب معه دلةٍ و اوحي سواليفه
يامداهيل صدري مابقى لي موده
ضاقت النفس من كثر العنا والعزاير
دمعي اللي يكض العين وشلون ارده
لاتغارب مطيحه فوق جنحان طاير
اتلهوى مع اشغالي ب كثر المكده
ودي اسلى وانا كبدي تزوع المراير
ل انقضى يومً مْن العمر ماعاد اعده
مامعي صبر اجاري فيه سود الضماير
-سلطان بن بشيّر
