سعد محمد الدوسري

@S_Khaled0 ياسلااام ياسلاام يابو خالد

من يقنع الشمس ؟

اثناء الحروب اظهار الخوف والهلع بشكل جدّي وعلني من خوارم المروءة سابقاً وحالياً ومستقبلا

@S_Khaled0 ياسلام ياسلام يابو خالد 👏

@cantmmf الله الله الله 👏👏

شاعرٍ لا عد بيته ما يرجو الانتباه يسلب أسماع الرياجيل كنه يقول صوووت يكتبه وتغني به الاكابر للهواه وياصل كبار المجالس من كبار البخوت كل ما عاثوا هل الكذب جعلهم فداه لا تغثرب جمه ولا تغيّر به سكوت يحسبون الشعر فترات .. والشعر الحياه ماتوا اللي يكتبونه .. وهو عيّا يموت

@Nmnaa7y ياسلام ياسلام صح الله لسانك 👏👏

في سيدي سمو ولي العهد الشيخ صباح الخالد حفظه الله ورعاه والجيش الكويتي حفظه الله ونصره ، العب بيمناك يمناك أصقل من السيوف مثل مافيها هلاك عداك فيها طرب ما مثل وقفة صباح الخالد اللي نشوف لو انّها شمس ما كان الشموس اتغرب

الارض و النسناس و البرد و السيل ماهيب تسوى كنهٍ من لهيبك اكحل عيون الاسألة ب التفاصيل وطف الفضول اللي اشتعل في حبيبك اجرح وخل الدم لا وقف يسيل و ان شفتني ببرى منْه رش طيبك مسامر طيوفك مع وحشه الليل الله يجيب الصبح ولّا يجيبك

يبين الغل والا ما يبين الغل انا رجال اعرف المخطيه والمقديه واقدّر الخوّه واعرف ان الليالي زايله وان الوفا لا زال واعرف ان الحسد والكذب شر وفقدة مروّه الا يالله بجاهك من غضبك وفتنة الدجّال والا يالله بجاهك من تضيعافٍ بعد قوّه خبيثين السراير لو يحطون القصار طوال حصايلهم من الدنيا واهلها ذكرٍ امشوّه خليط من النذاله والكراهية والاستغفال مثلّث منت قادر توصفه لو انّك مفوّه تبين في الوجيه الكلمه اللي ماتبي تنقال يميّزها الضمير اللي مهوب يكيد ويموّه وكيف الحال بلسان العدو ماهيب كيف الحال تراها الميسم اللي مندفن في قاعة الدوّه خليين المكارم يحسبون ان الكلام افعال على غش الضعيف من الاوادم فيهم اجروّه ترى المحروم من ربي عطاه الجاه والاموال وعلى ما الله عطاه من المزايا ما شعم ضوّه لا شفت اللي يعبد المال ينصحنا ببذل المال تجنبت الكلام وقلت لا حول ولا قوّه خذوني للشعيب اللي توطاه المسيل وسال ولأنسام الصباح اللي غيومه تارسه جوّه غريبات الليالي مالها وزنه ولا معدال احسب انّي سلمت من الغثا واثر الغثا توّه

ياوطنّا حفظك الله من الخوّان ومدّعين الولا والمنطق الزايف في نسيمك شموخ وفأرضك اطمئنان مالها عند غيرك سامع وشايف يا اهل الوقفه اللي ترجح الميزان في ذراكم يعيش ويآمن الخايف لا تخلّون كلبٍ من كلاب ايران لين ينشال راسه في قصر نايف

وطن نحميه .. وقسم نلتزم به #الجيش_الكويتي

من كثر ما وجهي عَثَت فيه الايام خايف تشوفيني .. ولا تعرفيني زلّ العمر .. وانا لو تمر الاعوام واقف على آخر شي بينك وبيني يوم ارجع لدمعك كأنه ذهب خام وامسّحه .. كني ممسّح سنيني عدا عليك العام واللي ورى العام وللحين احس ان دمعتك في يديني :)

البارحه لا اسمر عبر فيها ولا اسمر ما عبر البرق يبرق والمطر ودّان والدنيا بخير لو نفتل خيوطك خذتك الريح يالبشت الوبر والله ما تجمعك الايادي لا قليل ولا كثير حنا اول حدود الكسور اللي ما يلحقها جبر وأول من يماري به المنذور لا جاه النذير نوصل وينشاف التواضع في نفوس اهل الكبر اللي قبل نوصل يشوفون السما حبة شعير نرفا الخمال ونحسن الظن ونوصّي بالصبر الا لا وكّدنا الردى توكيد قلنا ما يصير كم قبلك صغيرٍ يبي يكبر خذيناه وكبر لكن نسى نفسه وقلنا ياصغير ارجع صغير تقدر تسوّي كل شي وماش علم ولا خبر الا الرقم الاول مااحد يقدر يخليه الاخير الناس مليانه جهل والارض مليانه عبر والمعتبر ماهوب في حاجة وصاه ولا شوير أسهل عليك انّك تحرى لك جوابٍ من قبر ولا تحرّى نبتة المعروف في نجس الضمير

السلام عليكم يرقد اخي فهد في العناية المركزة من اكثر من اسبوعين على اثر جلطة في الراس اسأل الله العزيز القدير ان يشافيه ويعافيه وهو بأمسّ الحاجة للدعاء لعل من بينكم من هو مستجاب الدعوه والله لا يريكم مكروه في غالي

تكون الاخطاء في بعض المواقف صواب احيان سبة جفى و احيان ردة فعل وانا ماعينت لاسئلتك ملاذ وجواب لو الجواب الحقيقي ف الضلوع اشتعل ابعتبر صمتك الي في حضوري عتاب ! و اقول لظنوني الي مشغلتني لعل من عقب ضيعتك في درب الوصل والغياب نسيت سبّة (زعلك) ..وما نسيت( الزعل)

حتى الرجال العارفين الدهايا اللي يروح ويرجع العلم منها نوبٍ تزلّ اقدامهم في قضايا كانو يردّون الجهاهيل عنها

يا صدر ماينفع شهيق ولا زفير طاولتني و انا مطاولني الارق في ليلةٍ عدت ولا عدت بخير ! فيها احتريت الباب لاكن مانطرق ان ماتت امالي مع الثلث الاخير تحيا مع نور الصباح اليا شرق

@fahdal7mad ياسلااام 👏👏

الله يسمّح خطوة اقدامك على الهجر الصحيح تدلّ دربك .. واعذَب طعونك ( تدلّ دروبها ) وانا عسا الله يغفر ذنوب الهوى .. والله يبيح نفسٍ .. تشلّ من الجروح ذنوب فوق ذنوبها اخترت راحة خاطري والناس فالكون الفسيح ماعاد اطالع في ( مزاياها ) ولا في ( عيوبها ) حتى الشفوف اللي وراها كنت اقوم وكنت اطيح اليوم .. والله لاني ( بصوبك ) ولاني ( صوبها )