علي عواض

الهنوف اللي خذت عقلي وهدّت حيلي أشـهـد إنّـي عقبها ذاوي وعظمي فاتر إن تنطّحها الـهـواء مـن قُدْمها يـا ويلي وإن تقفّاها الـهـواء مـن خلْفها يـا ساتر

اثنان مهما صـار لا تنساهم ..... ذكر الله المعبود ، ثُم الـمـوت واثنان مهما صـار لا تذكرهم ..... ما تنْفقه من شُرب ، ولّا قـوت واثنان مهما صـار لا تـأمنهم ..... البحر فـي دوّامته ، والحـوت

تلقى مـع العـزْلـة سـعـادة وانبساط وتـرتـاح مـن نـاسٍ ، يـغـثّـك شوفها إن جيتهم تلقى الـسماجه والهياط وإن رحـت حدّت في قفاك سيوفها

ودِّي إن الـشـاعـر اللي ما له أبياتٍ تناقل يستريح من الكلام الهزل ، لا تربط لسانه وودِّي إن الرَّجْل لامنّه هرج ، يكون عاقل يتركّد لا يجيب الـعـيـد ، ولسانه حصانه

يـا صاحبي وإن كـان تفهـم جوابي دنـيـاك هـذي ما تـسـاوي ولا شي فـ احـذر ومـيـّز فالخطأ والصوابي ما دمت في صحه ودامك بها حي وقدّم لما يـنـفـعْـك يـوم الحسابي واعط الفقير اللي من الوقت مبلي تـرا الكـفـن ، لا مـت ما لـه مخابي مـن شـان تتزوّد مـن المال يا أخي

لا تـحتـقـر الإنسـان لـو كان مـن كان عـامـل بـلـطـف ولا تـعـامـل بجفوه لـ انسـان مخلـوقٍ ولـه قـلـب ولسان ولكـل رَجْـلٍ فـي الـمـواقـيـف هفوه وادمـح خَطأ فكْرك ونفسك مـن الآن لا تقول بـأخـذ لي مـن الوقـت غفوه واحـذر تـطـاوع كـل كـاذب وشيطـان وخذْ لك من أهل الصدق والود صفوه

الـثـلاث الـمـغـريـات ...

رمينا الزمن بالعيب ، والعيب فينا حِن 👇🏻👇🏻👇🏻

صـلَّ الله وسـلَّـم على المبعوث رحمه للعباد مـا غـرَّد الـقُمـري على روس النخيل الباسقه نـبـيـِّنـا اللي تنكتب فـيـه القصائد بـالـمـداد وأبيات شِعْري فالرسول المصطفى متناسقه ويـالله حـقِّـق مطلبي ، وإنَّـك تبلِّغني الـمُـراد وأعـوذ بـك يـالله ، مـن شـر النفوس الفاسقه

مـن ليلة الجمعه إلـى مغرب الجمعه صلوا وزيدوا ، على الهادي رسول الله الـروح تشتاق ،،، ولْـ شوفه لـهـا طمعه المصطفـى اللي بـعـث بـالحق والملّه

خُـذ لـك ، من اليشموم والورد نفحه فـي كـل يـومٍ فـيـه للشمس مشراق وإقرأ من المصحف في اليوم صفحه تـنـجـيـك ، لامن لـفّـت الساق بالساق والـكـيـر حـذرا ،،، مـن لـهـيـبـه ولفحه خلّك مع أهل المسك والناس الأخلاق واللـي على مـا قيل ، مـا معه كُفحه لا تـسـتـمـع فيمـا يـقـولـه ، وتنساق

#عام_هجري_جديد_١٤٤٨ه‍ #سنة_هجرية_جديدة الَّلهم اجعلها سنة خير وبركة علينا ...