الكـادي

يارب لا تأخذنا من هذه الدنيا إلا و أنت راضٍ عنّا و سخر من يدعوا لنا بعد موتنا و أرزقنا حسن الخاتمة

@Lccb4kk @s33b8a ادعي بيدج ورجولج 🤣

@alkaotib @s33b8a ماعليج راح ادعي يكثفون عليج الاختبارات مو انتي وايد بخاطرج تردين وجذي فا راح ادعي لج لا تخافين 😃

مو من صجكم ! شفيها اذا صارت حضوري بالعكس احسن مليون مره من الاونلاين والمصخره الي صايره فيه ترا قاعدين تجيبون الشكوك لنفسكم الي مصرين عالاونلاين .. واذا قصدكم عن الاوضاع الحمدلله احنا الحين بأمن وأمان والي بيصير فيكم وانتوا بقاعه الاختبار بيصير فيكم بالبيت #الاختبارات_الحضوريه

@Lccb4kk @s33b8a شدعوا اختبر ويكند بعد 🤣🤣 لا مابي بس بختبر الي علي

@alkaotib @s33b8a وايد مشتطه سمالله عليج انشالله على اشتطاطج انشالله تختربين حتى بالويكند قولي يارب 🥹

@s33b8a ان شاءالله المره الجايه قرار مستقر الحين خلاص حطوه ادرسوا من الحين

@alkaotib انا خاصه ونمشي على قرارات الوزاره حالنا من حالكم بس الفرق احنا بعد اسبوعين فاينل فطبيعي نكون متوترين الاونلاين فيه مشاكل بس مو الحل نقلب حضوري بآخر لحظه التغيير المفاجئ يضغط ترا وماقلنا شي ندرس ونتوكل على الله بس نبي قرار مستقر وعادل يراعي وضعنا

@ri1iti @shotb61 الله يوفقنا جميعاً اذا مودل ولا ورقي ولا اونلاين بالنهايه نفس الاختبار توكلوا على الله ولاتحاتون

@alkaotib @shotb61 " شي سمعته مو متأكده منه " دكتوري يقوله ومو اكيد أنا اتكلم وأقول إذا مودل شالفايده حضوري ؟ بس هذا كلامي

أنا كـ طالبه ماعندي مشكله اداوم حضوري واختبر حضوري بس هل يُعقل ان احنا طول الكورس " اونلاين " ونختبر ميدتيرمات و كويزات اونلاين وفجأه بدون تمهيد حضوري ؟ وفوق هذا في دكاتره جابرين الطلبه يشترون أجهزه عشان اختبارات ( عن بعد ) #الاختبارات_الحضوريه

@Lccb4kk وانتي مبين صغيره وعقلج صغير ف لاتعلقين عندي 🤣

@alkaotib مبين مره كبيره فا ماراح ارد عليج

@s33b8a الضغط الصجي البرامج الي حاطينها بالاونلاين .. انتي شايفه شكثر قاعدين يعسرونها علينا والبرامج تعلق وماتضبط بأي جهاز ومو كل الطلبه عنده جهازين عشان الاختبارات والكاميرات الي مقررينها .. للحين فيه وقت عن الفاينل ادرسوا وتوكلوا على الله

@alkaotib الموضوع مو نبي اونلاين وخلاص الموضوع انه القرار توقيته غلط ما يصير يتغير نظام كامل بآخر اسبوع ونسمع كلام مو منطقي وتقولون عادي وبخصوص الامان اي الحمدلله كلنا بأمان بس التوتر الي صاير حوالينا يأثر مو لازم نكون بخطر يباشرنا عشان نحس بالضغط

@Lccb4kk اي انا طالبه بجامعة الكويت .. ثاني شي الحين الوضع مستقر بالكويت وانتي شايفه الوضع لاتتحججون القرار محسوم ادرسوا بدال الحلطمه الي مالها داعي

@alkaotib يتنا الثانيه الأوضاع مو أمان وبعدين انتي طالبه ؟ لا ولا بس تبين تسولفين اي شي الله لا يسلط على مسلم !!!!

@ri1iti السبب ببساطه مافيه مقارنه بين الحضوري والاونلاين اولاً الحضوري افضل حتى من ناحيه الاختبار كلنا شايفين شلون الدكاتره مصعبين الاختبارات بالاونلاين ثاني شي انج تكونين بقاعه الاختبار قدام عين الدكتور احسن من انج بالبيت واي صوت او حركه تصير يعتبرها حاله غش .. الموضوع جداً بسيط ..

@alkaotib السبب ؟

اللّهم ارزقني خيرَ الأيّام القادمة واكتب لي نصيباً يُسعد قلبي و حقّق لي ما أتمنّى و أرح بالي و يسّر لي أمري

لا سلّم الله من أراد بالكــويت شراً

يا مل قلبٍ من غرابيل الليالي ما أستراح تلزه الأيام وأبطى من عنّاه يلزها الحظ يبرك ويحبي والناس أكافحها كفاح على مواريد الحياة تدزني وادزها أحيان أحس إني جبل متصديٍ وجه الرياح وأحيان أحس إني غصون كل ريح تهزها أبتعلى بالهوى وأرفّ فالجو الجناح وإن كان ماعزيت نفسي ماحدٍ بيعزها

يا الحسيني علّم الدارجي باللي دريت واخس واعقب عن عروس ٍ عريبٍ جدّها الخلا عن دارنا .. وينك و وين الكويت دونها روس ٍ تضدّ العدا وتردّها لو تهدد حدّها في ثراها ما مشيت والله أنا ندفع ارواحنا عن حدّها

حسبي الله ونعم الوكيل اللهُّـــم احفظ الكويت وأهلها من كل سوء اللهُّـــم اكشف من أراد بها شراً وأرنا فيهم قدرتك

أنتم لستم مجرد بطلين يقفان أمام الكاميرا… أنتم صورة وطنٍ كامل يقف بثبات. إلى أبطال الجيش الكويتي والشرطة الكويتية: في ملامحكم نرى الطمأنينة، وفي وقفتكم نرى القوة، وفي صمتكم نسمع رسالة واضحة: الكويت بخير. أنتم الحصن الذي لا يُخترق، والعين التي لا تنام، والقلب الذي ينبض بحب هذا الوطن. في وقت الخطر… تقدمتم، وفي وقت الخوف… طمأنتم، وفي كل لحظة… كنتم على العهد 🇰🇼🫡 #الكويت_خط_أحمر

سُبحانك مابلغتُ عُمري هذا إلّا وأفضالك تغمرني وعنايتك تحوفني وألطافُك تُنقذني فلا سلكتُ سبيلًا إلّا وسبقتني رحمتُك فيه ولا دَنوت من اليأس إلّا وكانت رحمتُك ترافقني فاجعل لي يا الله عُمرًا محفوفًا بالسعادة

سمو أمير البلاد: إن دولة الكويت بفضل الله ثم وعيكم وتلاحمكم قادرة على تجاوز كل التحديات وقد مررنا عبر تاريخنا بمحطات صعبة وخرجنا منها أشد صلابة وقوة وأكثر تلاحمًا وتماسكًا وأعمق إيمانًا بأن هذا الوطن يستحق منا الكثير #تلفزيون_الكويت

أرواحنا سورها 🇰🇼🤍