Ha - alsultan

Private: @7hiilaa

اشوفك في الليالي السود نورٍ يوصل لرجواي وأعدك وسعة الخاطر لا منها ضاقت رحابي ترا صوتك ونظرة من عيونك تستعيد رضاي لا تشره كل ماشفت السكوت يطوق أعتابي ترا طرد المقفي ماهو بسلمي ولا مبداي ما يقدر دافع الحب الحقيقي يلغي أدابي

عن هواك العذب لا ناسي ولا متغاضي وعن هوى غيرك عيّوف ولا طرا لي نية

ياكم لي احبك و أنت منت عالم سنين مغرم بك وماحبيتني لو يوم اوجعت قلبي ومحدً بعروقه سالم واوجعت عيوني حتى ولا ذاقت النوم أخاف أجيك وارجع دياري اتألم وأخاف ما أجيك ويفوتني العيد بعد الصوم

أحرقت ماضي ذكرياتك وأقفيت وقطعت حبل الوصل بيني وبينك وأعلنت حرب الهجر ضدك وصديت وجهزت حربٍ ضد لهفة حنينك شبيت نار الحب بـ آخر اعواد كبريت وكريتها لين أحرقت ماضي سنينك بعتك بـ أرخص سعر يومك تماديت واليوم دورك تشرب المر بيدينك

بس أنا جيتك كلي شلون أرجع منك خاوي ؟ عطيتك وردة أيامي وجيت في يدينك سيف ووقفت الوقفه اللي تبطي الأيام تبهتها وطاوعك قلبك تبهت فؤادي ؟

تذكرني في ليل وفي سهر وفي حلم تذكرني في بيت من شعر أو أسم علمتني .. إن الحبيب دايم حبيب

السهر موحش بدونك والدروب اشباح دخيلك عدّني لين اول الصبح وتعداني سريتك مامعي غير الظلام وحسرة المصباح ضويت ولا هقيت انك تخيب هقوة العاني أحبك كثر ما يزرع غيابك بالظنون رماح أحبك كثر ماتنبش طيوفك جرح نسياني أحبك كثر ما عطرك بثوب الذاكرة فواح كثر ماوحشتك قامت تمخطر وسط شرياني

مصير الحي يتلاقى ولو عمر المفارق طال ولو مر الف سنة أحلامنا ماني ناسيها حبيبي والبشر صاروا بصبري يضربون الأمثال خمس سنين وطيوفك تناديني وأناديها فقدتك من هنا لين السنين تجود لي بوصال وأضمك بالديار اللي من الفرقى وانا أجيها

يوم وكّد غلاه وشاف حبّه تمكن مسّ قلبه غرور وصاب طبعه بلا

أنا بآخر أيامه سمعت الكلام الجاف وكذبت سمعي لو تشهد له أحداقي بعد مانطق في تالي الليلة أسمي حاف عرفت أنه العربون .. في ليلة فراقي

طاح القناع و بانت وجيه الأقراب وضاعت سنين الود في من جحدها

طويت صفحة غرامك وأنتهى مشوارك وصحيت من حلمٍ أعمى كنت أداريه غديت مثل الذي طال الرجاء بـ اسوار لين أستوعب إن السراب ما يرويه ما عاد لي في رجا وصلك ولا تكرار قلبٍ عطيته وفاء ماتستحق تشريه رح فمان الكريم ولا تسوق الأعذار الطيب فيك ضاع والوقت يمحيه

من يصدق أن عشقي أوله كان إنتظاري وآخره كان بمنام نامت عيونك وسهرته شوف ياقسوة قرارك وأنت متعامي قراري ورد عمري صار يذبل وأنت ماكنك زرعته جيت لك جنة عزيزه وجيت في دنياي ناري ومن يلوم أحساسي بقلبك إذا إني كرهته الخطا منك رضيته ولو تبي هاك اعتذاري ايه أنا آسف لأني صنت وعدك يوم خنته

حبك طغى بقلبي ياصعب المنال حتى صرت أدعي الله لا يبيّن غلاك وسط هوجاسي قلت هذا محال قمت اقرا يا رياض العز في عُلاك جملةٍ قلتها في طواريق الخيال هي حقيقة ولا صرت أتوهم بغلاك ياكبر الحسوفه يا رياض الوصال ذكرتيني بـ خلّي يالله أنا في رجاك

بيني وبينك دروب وناس وأعراف وقبيلة والمسافه ما تباعد غاليٍ عن روح غالي ان سلت بعض الوجيه من التعاليل الطويله ما سلا قلبٍ طموحه ضحكة الوجه المثالي

يانور عيني طفيت عيوني وشلون أعيش بغيابك سنيني كنت الأمل وسط كل الظلام واليوم قلبي غرق في حنيني إن كان بعدك قدر مكتوب أصبر وأخفي دموعي بعيني

إن جاء نحطه بين طيّات الأهداب وإن صدّ ؟ ما عشنا العمر في انتظاره

شحت بروق اسمك وجفت مرابيك وإجتاحني عقب الزعل ما تهيّا أعرفك وأجهل مابقى من مشاهيك وأقول يا كل المشاوير … هيّا عذب المحيّا لو تباعد حراويك أنسج لك دروب السفر في يديّا قلبٍ تعلق في هواك ومساريك حاولت فيه يحب غيرك وعيّا !

طلبتك لاتخليني يابعد عمري وسنيني

أعرف إن القلوب تمل مدة والنفوس تشين ومعك حتى الحزن لا من غمرني زانت أخلاقي