𓆩 الجــــزل 𓆪

اللهم صل و سلم و زد و بارك على سيدنا و نبينا و حبيبنا محمد خاتم الانبياء و المرسلين عدد ما ذكره الذاكرون في كل حين و عدد ما غفل عن ذكره الغافلون ، صلاةً دائمة إلى يوم الدين 🌷

ياكثر ما تلزم الصمَت و عيونك تنوب لحظة فيها لسانك رهين الإعتقال — جابر النشيرا لكن نبي نعطي عيونك زمام الكلام خل النواعس تقوم و تدلِي بدلوها — عبدالله السراهيد خل الكلام من اللسان و اخذ الكلام من العيون اذا بغيت تترجم شعور العرب . . و احساسها — محمد الشمالي عرفت ما تخفيه في صدرها لي من واقع النّظرات منّي و منها — عبدالله بن زويبن … 🌷

« العيون مغاريف الكلام » وفي وصف اخر : متحلف في لسانه أنه ما يقول وعينه ما خلت شي إلا وقالته .

﮼ ~ مزيد الوسمي ~ ﮼ كنت ابيك تكون شي .. و صرت شيٍ ثاني و الخطا ما هو خطاك انا الخطا بعيونه يوم اهيم بصوتك الفيروزي الرحباني و اتخيل كل كلمة من فمك موزونه خاب ظني .. ليت ظني فيك ما خلاني ابني احلامي على حاجه ماهي مضمونه و ليت ما جاني من احساس الندم ما جاني شيٍ يحطم صميم القلب قبل ركونه الجفا اللي عقب لذة و صلك الإنساني و السلام البارد اللي عقب طول المونه اعتذر لك عن خطاب اسلوبي الوجداني الآدمي مهما حصل يبقى رهين ظنونه … 🌷

@jtril_7 نفس البيت اللي يقول الليله الدنيا عليّه .. فضاها اضوق من الابره على ناظم السلك … 🌷

والله إني حاسدٍ مثقاب الإبره يومه أوسع للهّواء من ضيق صدري.

@n2rrl حمد السعيد قال يغيب ؟ براحته خله يروح بعالم النسيان … 🌷

كنت اناظر للفراق بنص عين لين داهمنا الفراق مدااااهمه :(

@n91nn91 نفس ابن جدلان يقول الحب ، من ذاق خمره من رعابيبه والله ان يكّد النواصي شيب ما تابي … 🌷

من شرب من سم لذات الغرايم ماينفعه وصفة طبيب وصوت قاريء 🚶🏼‍♀️

@_alhakm و سالم بن جخير يقول : تضحك على لهجتي لا قلت ماجوره و اليوم قدهي بلهجتنا .. اتحداني … 🌷

ما أجمل مرحلة المحبة التي تصل بك من غير وعي إلى التحدث بلهجة محبوبك أو بلكنته،أو إلى استخدام كلمات يستخدمها وفي ذلك يقول محمد بن فطيس: "غديت أفر حكاي وأساير حكاك وأنا أتشرف لكْنتي وأهتويها" ما أعذب ذلك تجذبني هذه الآثار على اللهجة، وهذا ما ينقل الحب الاعتيادي لمنزلة الاستثنائي

الهوا ، حظّ و نصيب و دمعتي عذرا جفوني للجفون سلوم و الدمعه تخاف من النقيده ليه ؟ يا من تسرق الودّ ، من نظرة عيوني ماحسبتي غيبة اللي لا نوا الفرقا فقيده ؟ كنت اظنّك ما تعيشين العمر لحظه بدوني و اثر ما للظن غير اللوم و لحون القصيده ناصر مناحي … 🌷

كنه سعد الهويدي اللي يقول : بين النجوم المدبحه فارق بشكلك يا الجدي مثل حبيبي يا الجدي في كل شيٍ .. ما عدا انت البشر فالدرب لا من ضيّعت ، بك تقتدي و الفرق ، من شافه غدا و اللي يشوفك ما غدا تخلف عقول الناس و الكافر لا شافه يهدتي و المسم ان شافه ما فكّر فـ الظلاله و الهدا … 🌷

«تمر الفطين المنتبه ويغدي منجوم ويروح الشقردي خاتمٍ بين أصابعها» — خالد بن ماطر

@_alhakm بغض النظر عن الموقف اللي ذكرت لكن طاري دمعة الرجل يقول سالم بن جخير : من اللي يقول ان البكا عيب للشجعان ؟ دموع الرجال من السطر ما تطمنها … 🌷

دمعة الرجل في المواقف العاطفية أعظم ما يدل على انه نبيل

الشاعر الامير : سليمان بن تركي السديري يوم حس ان الله بياخذ امانه كتب له قصيدة طويلة يوصي فيها ولده فيصل و هذي الابيات من عرض القصيدة : اشوف ديّاني وقف لي على الباب يبي الوفا مني و يطلب حسابه ما ينّسي دينٍ تقفّاه طلّاب الدين ما يوفيه كثر الطلابه يا فيصل اودعك توديع من غاب لا ترتجيه انه يجي من غيابه غيبة دهر ماهي شهر عد و حساب في مظلمٍ ينهال فوقي ترابه ابيك لا تجزع و تفزع و ترتاع ان جاك من ينعي و يشلق ثيابه عمر البكا ما فاد حيٍ ولا ثاب لو سر غيرك كان .. سر الندابه … 🌷

جعله فالجنه هو من الشعراء اللي لو انه على قيد الحياه كان الان مايشوف اهل المعلقات السبع شي ، و ارثاه ابن عمه محمد ال شواي بمرثية ملئية بالحزن و في نفس الوقت مليئة بالعذوبة حتى في احزانهم عذبين و قال : ثنا عود نسياني من الذاكره ذعذاع على طاري اللي شتت الهاجس و لمه ليا هب ذكرني غيابٍ بلا مرجاع و انا في غيابه اخطي العلم و اخمه ادوّر على درب الحزن للفرح مهزاع لكن القدم تفكيري يسوقها يمه غيابٍ فرا الاضلاع و اللي ورا الاضلاع غدا اضيق من الخاتم و ذمة ابو ذمه عفا اللّٰه عنه كثر قاف لفكره طاع و كثر ما تموت الهمّه و يحييّ الهمّه حصرت المشاعر فيه من باب (شي و ضاع) بعد ما اكتشفت الذاكره فيه مهتمّه بكته المراجل و الطواريق بالاجماع و رجّالٍ بيبطي و هو ما نشف كمّه وجيه الليالي تلبس من الغيوب اقناع و صكاتها عجله و حنا لها يمه كتبت القصيده من دوافع حزن و ابداع و ابن عمٍ أستاجع من افراق ابن عمه يقولون مابه قمة تستوي بالقاع و انا اقول تحت القاع ودّعت لى قمه … 🌷

عسى البارق اللي هز غيمه ونثّر ماه يبلّ الضما لاجيت أداعب مرابيعه ليا طاح وبل الشوق وأخضرّت خزاماه يعانق خفوقٍ تاه من كثر تلويعه حناياه لجة واصدحت بالغلا ورقاه على غصن راك القلب ذب الشقا ريعه من أدنى بدايه لـ آخر أقصى نهاية لاه تضيع الحروف اليا فرتني مواضيعه وهمٍ تمثنا كل عرقٍ يمر أدماه تعوّد وأنا مثله تعودت تمزيعه مثل ما السحايب سيلها ينتحي مجراه ليا اقفا بقا فالقلب مجرى مناقيعه يجر الجوارح لامشى مثل جر خطاه جذبني منابيت الحيا في مراتيعه كلامه، قوامه، جلسته، وقفته، لاماه عدوله، ميوله، خيزرانه، مطاليعه تثنيه، مشيه، لفتته، طعنته، شلفاه جماله، دلاله، فجرتني ينابيعه واليا سال ملحه وصدقت ديمة محياه تحضنت باروده و ناره وتوليعه رويته جفاف وفي ربيعه عجزت أرواه كثر ما أرتويته هم ما أروى منافیعه أسافر عن دروبه وغصب القدم ينصاه ليا رحت ردتني مخايل مراجيعه عبرت اليسار وطحت فـ أول سفر يمناه ترامت بي اطراف الغلا صعب توديعه سعد الودعاني رحمه الله

@io_e99 @sd280 نفسه اللي يقول : تمر طيوفك العذبه وتحييّ ضحكة محياي عسى شوقك يجيبك لين يوقف بك على بابي … 🌷

أكلم طيوفك لا مرتني بعد طول الضياع حتى الهوى لا هبِّ من يمك، بديت أكلمه ❣️❣️❣️❣️

@aile3381 يا عذاب القلوب التايهات الضوّال قلبً يفز لك بين الضلوع ، انتله سعد ابو من يشوفك كل مبدى اهلال و سعْد من تحتريه و سعْد من كنت له و من تناديه عم و من تناديه خال و من تشره عليه و من تزينّت له اشرق الصبح منّك و التفت لك و قال : اشكر ام الثقل و الذوق و الجنتله … 🌷

وش تحفظون لـ هذا المبدع "

ان جات للجِّد و اشقتني مدامعها علمتها الدمع للعشاق وش يعني الدمع صوتٍ ليا غازل مسامعها تشوف صوتي اذا مريت تسمعني والله ما كنت اطاوعها ولا اسمعها لكنه الحب .. طوّعني و سمّعني ~ ضيدان بن قضعان ~ … 🌷

﮼ الكنق " محمد ابن الذيب " ﮼ ظروفنا ما تستحي و ايامنا ماهيب ريف و الارض من كثر القحط ما عاد شفت اعلافها و حقي على البيت القوي ماهو على البيت الضعيف و اذا بغيت ادمدم الجمه على غرافها خليت شمس العشق مركونه على حد الرصيف الخطه المحبوكه تحقق جميع اهدافها يا اهل الثنائيات مضمون الثنائيه سخيف انا لحالي احكم الدفه مع مجدافها و المعرفي شطر و خاواني و رقّيته عريف لكن تجهله العلوم ارباعها و انصافها يبغى يسوي مع جنابي بهرجه و انا مخيف و هو اذا شاف الدروب المستحيله خافها و " المختلف " مجلة الجمهور و الشعر النظيف ماهي غريبه لا لقيتو صورتي في غلافها بس الغريبه يوم مريت الحسا ياهل القطيف تذكرت عيني مدامعها على مشرافها و اليوم مابه عذر يوم ارقاك يالضلع المنيف الا اني اتعّب رجولي من كثر وقّافها و اكثر مشاريه الشجر عليك يا فصل الخريف هتكت ستر غصونها و اسرفت في كلّافها انا جويع و جوعي مواصل ماهو قطعة رغيف و عيني من الفرقا حداها الهم عن محرافها و العفو عند المقدره صوره من الحب العفيف هذا كلام اللي قطار العمر كله طافها اخذت لي فـ ابها شهر كامل يسمونه مصيف و الشمس تحجبها السحابه و الرعود خلافها و عيّنت صاحبة الشداد اللي تمناها الرديف " ضيدان " قبلي شافها و " الهاجري " قد شافها لكنها استثنتني و روّتني اللي ما يشيف و اخذت ثار اسلافي الغابر بظلم اسلافها الفرصه اللي كنها البرّاق في عرض القنيف لقمة غني مدّها على فقير و عافها و انا طموحي للثقيل من الجواهر يا الخفيف مانيب ادور عملةٍ ما ينعرف صرّافها يا نحرها وش قصة الارداف و الخصر النحيف ؟ قدام اموت فـ حضنها و الا انتحر فـ اكتافها لا يبرد الفنجال و ابلشها مثل بلشت حنيف و اخذ بدل خمسة عشر فنجال بعض اطرافها لو انها حمامة الولهان يا وادي ثقيف ما طاحت دموعي على خدي بعد رفرافها لكن يا قصير الضيافه ما تقصّر فالمضيف دامك تضم من النفوس اثقالها و خفافها لا يا عنيفه هدّي اللعبه ترى الهجر العنيف ما هوب جزءٍ من تقاليد العرب و اعرافها يا بنت حواء عذري اللهفه لو امتد النزيف استلطف جروحك و يستهويني استلطافها و انا من الجنس الخشن و انتي من الجنس اللّطيف و مشاعري بـ احادها و اعشارها و الافها تصرخ غلا محتاج لك محتاج لك يا اغلى وليف و النفس فطرتها يرجّعها على ميلافها و اشتاق لك شوق المسافر من بلاده للنكيف لو اتحداها من السنين الممحلات اعجافها الموت من فرقاك مثل الموت بالسيف الرهيف و العمر واحد و النهاية واحده بانصافها ما عاد عندي شي اقوله بس بـ انوّه و اضيف اذا لقيتي صورتي فـ " المختلف " و غلافها تغطرسي مثل القمر عالي و قولي للرصيف الشمس تحجبها السحابه و الرعود خلافها … 🌷

@_alhakm ايضا من التوقعات اللي ترضي القلب و تغضب العقل حَب عيني جعل عيني بعدهم ما تشوف يمكن انه حَب عيني و طالب ودها ! … 🌷

محمّد عبد الوهاب والخوف من فُقْدان الطرف الآخر: "بلاش تبوسني في عِينيا دي البوسة في العين تفرّق" فيروز والخسارة بشرف المحاولة، على أن يأكلها التردد والخوف: "بوِّسلي عينيه وقولّوا إني ببوّس عينيه"