عبدالرحمن محمد السقا

أبوي كان عسكري. ثلاثين سنة في الخدمة. لكن للحين اتذكر نصايحه يوم صواريخ صدام على الرياض: قال: أول شيء تسمع فيه صوت انفجار أو تشوف ضوء في السماء مو طبيعي اللي يقتل الناس مو الصاروخ دايمًا. اللي يقتلهم إنهم يركضون نحو الشباك يشوفون وش صار. ابعد عن الزجاج. قلت: وإذا ابي اطلع؟ طالع فيني وقال: أنت مدني. مهمتك إنك ما تصير عبء. اللي يطلع بره يظن إنه يساعد. والحقيقة إنه يعقّد على اللي يشتغلون. الشارع وقتها محله رجال الدفاع المدني. مو محلك. قلت: من وين أعرف وش يصير؟ قال: وزارة الدفاع. الهلال الأحمر. هم اللي عندهم المعلومة. مو الجار.. مو صاحبك اللي سمع من صاحبه. الشائعة في أوقات الأزمات أخطر من الأزمة نفسها. لأنها تحرّك ناس من غير سبب. وقبل ما يقوم، قال جملة ما نسيتها: الجندي يتحرك بأوامر. المدني الذكي يتحرك بمعلومة. واللي ما عنده أوامر ولا معلومة، يجلس بمكانه ولا يتحرك.

في كل شبر من الوطن .. تاريخ يروى ورؤية تتحقق. #اليوم_الوطني_السعودي_94   #السعودية_داخل_كل_سعودي #نحلم_ونحقق