تحت بشته ذراي، وأحتمي في درعه المجسور
حزامي، مسندي، ظهري، عسى بالخلد نتواجه
كثر ما حن لقينا بالحياة " أشخاص " دون حضور
بنلقى دايمٍ بالقبر ، أكثر شخص نحتاجه
لا تحزن الماضي ،ولا تضمن الجاي
ياما اختلف مستقبلٍ في مساره
كانت لي الطايف ،دياري وملفاي
وتاريخ ميلادي على الإستماره
الله ُأكبـر . . يامـقادير دنيـاي
الحين أجيها كل فترة زياره!
١٤٤٧/٨/٣هـ
📍الطايف
لا تناظر في عيوني يمكن تْبيّح تعبها
خلّني يمّك أحس بعطفك والمس أمانك
خايفه لا تلمح دْموعي وتسأل عن سببها!
ثم تشيل الضيق من صدري لصدرك من حنانك
والله ان دنياي من دونك "يُبه" يذبح لهبها
ما ضحكت الّا معاك وعايشه فيها عشانك
١٤٤٦/٩/٢٥هـ
من:
«ودّه محلات بيع الورد يقفلها
الورد ماله محل الّا بساتينه»
إلى:
«من خاف لايقطف الزهرة ويقتلها
هو نفسه اللي قطف لك وردة سْنينه»
•استثناءات محمد السهلي
طفلٍ تشيله بالغلا راحتينك
بكره يماري بك إذا صار رجال
وياخذ من ،أطباعك ،وفكرك ،ودينك
قبل يْتهجى حرفه وينطق "الخال"
والصوره اللي كان فيها يمينك؟
اليا كبر يصبح يمينك بالافعال