✨عوادسليمان الجاسر✨ ،،ابوسليمان ،

ياعبيد لا تبكي ترى الامر من فوق 🚨 تفاجأ الشاعر/ سعد بن محمد بن جليد آل سالم الفهر عبيدة #قحطان "أبو عبيد" رحمه الله بدخول أبنه عبيد عليه وهو يبكي ويشتكي من أبن الجيران "مرزوق" عندما اراد ان يلعب بدراجته و لم يسمح له فتأثر شاعرنا من دمعات أبنه الصغير وتحركت قريحته بالأبيات التالية 🚨 ياعبيد لا تبكي ترى الامر من فوق واللي من الله ما معي فيه حيله تبكي و ثوبك من عنا الوقت مشقوق و حتيش لو ما تحت ثوبك فنيله الخالق الله وأنت يا عبيد مخلوق والرزق عند اللي ينشي المخيله متمسك بك وانت ياعبيد موثوق يوم أنت تالي عزوتي بالقبيله ياعبيد خلك لي وأنا أبوك صندوق ولاثقل حمل الوقت عني تشيله وأبعد عن الي يتهم الجار بالبوق وخلك بعيد عن دروب الرذيله والامثال قالت كل مطرود ملحوق والكون واسع والليالي طويله ومن يعمل المعروف يلقاه مطبوق ومن يزرع العنبر يفوز بحصيله ولابد ماتنور لياليك بشروق ماهي عليك ولاعلي مستحيله لا بد ما تفرج و ننزل بك السوق و نشري لك ثيابِ جداد جميله ثم نشتري لك سيكلِ مثل مرزوق و ياتيك مرزوق الحمد ما تجيله مش الدموع اللي تحدر على الموق الرجل لا من سال دمعه يزيله واليوم لا تبكي ترى الامر من فوق واللي من الله ما معي فيه حيله 🚨 دارت الايام على سعد بن جليد و ييسر الله امره و كثر خيره و تحقق له ما تمناه رحمه الله تعالى 🚨