أيمن كحلان

من أهم الأمور اللي تكون في أي مطبخ نظافة المطبخ العميقة (Deep Cleaning)، وتُعتبر العمود الفقري لأي مطبخ ناجح. مهما كنت تنظّف وتغسل المطبخ يوميًا، لازم يكون عندك يوم ثابت في الأسبوع للديب كلين ليش الديب كلين مهم؟ أولًا: بعض الأحيان يكون عندك منتجات منتهية الصلاحية في الفريزر أو في أدراج المطبخ، وما راح تكتشفها إلا وقت الديب كلين، لأن في هذا اليوم كل شي يطلع وينغسل ويتراجع. ثانيًا: الدهون المتراكمة خلف المعدات، تحت الأفران، تحت الثلاجات، وفلاتر الشفاطات هذي ما تنشال بالتنظيف اليومي، ومع الوقت تتحول إلى: •مصدر روائح كريهة •بيئة جاذبة للحشرات •خطر صحي مباشر •سبب رئيسي لمخالفات البلدية ثالثًا: الديب كلين يساعدك تكتشف: •معدات فيها تسريب •برادات حرارتها غير مستقرة •أدوات مكسورة أو غير صالحة •سوء ترتيب يسبب تلوث تبادلي رابعًا: من ناحية السلامة الغذائية (Food Safety) الديب كلين يقلل بشكل كبير من: •نمو البكتيريا •انتقال التلوث •تلف المواد الخام •شكاوى العملاء خامسًا: نقطة مهمّة كثير يغفلون عنها 👇 الديب كلين يرفع من معنويات فريق العمل العامل إذا اشتغل في مطبخ نظيف: •يلتزم أكثر •يقل الإهمال •تزيد الإنتاجية •يحافظ على الأدوات الخلاصة: 📌 خلي عندك: •جدول ديب كلين أسبوعي •مهام واضحة •مسؤول محدد •متابعة وتوقيع #أسرار_المطاعم #الشيف_خليل_عويص

باركوا لي و ادعوا لنا بالتوفيق .. أطلقنا أول منصّة لبيع و تداول العلامات التجارية في الوطن العربي ! " براند ماركت " موقع من تأسيس الشريك الأستاذ أشرف سندي بفكرة رائعة و رائدة ، الموقع الآن فيه عشرات العلامات المعروضة للتنازل ، الرابط في التغريدة الثانية ، و لا تحرمونا دعمكم و دعواتكم ..

ترند " مقطع متداول " شاب يشارك: المطعم السحابي ممكن يخليك غني بأقل رأس مال ومخاطرة 🤔؟

خليني أعطيك الزبدة هذا البزنس ما يمشي ولا ينجح إلا بثلاثة: ١- مستثمر يعرف يحط ماله بمكانه(راس المال) ٢- إداري فاهم لغة الأرقام والقيادة ٣- شيف مبدع يفهم السوق ويعرف يطور على ذائقة الناس هذول الثلاثة إذا جلسوا على طاولة وحدة يطلّعوا لك دراسة جدوى ذهبية. الباقي؟ حبر على ورق وما يقرأ السوق الحقيقي

هناك دعاة على ابواب المحاكم و السجون و ايقاف الخدمات من أطاعهم قذفوه فيها. مره شخص يقولك مطعم بخاري ما يكلفك ٥٠ الف مره المطاعم تربح ٨٠٪ مره المقاهي الكاسة ما تكلف ريال الى متى؟؟؟؟ هذا الجهل المكعب و الحسبة السطحية 📌المطاعم و المقاهي و الاستثمار بها لا يوخذ من تغريدة قد يتلقفها بعض المدرعمين و تنقلب حياته رأساً على عقب. المطاعم صنعه ولكل صنعه فن تدار به. "لو أن الذين لا يعلمون، كفّوا أيديهم عن التدخل وإبداء الرأي في ما لا يعلمون؛ لقلّ الخلاف والنزاع بين الناس."

شوف… هندسة المينيو ببساطة إنك تفهم منيو مطعمك من جوّه، مو من شكل الألوان والصور. تبدأ تجمع بيانات الثلاث الشهور الأولى وتعرف وش اللي يمشي مع الناس وش اللي يطيح، وش اللي يربحك وش اللي قاعد يصرفك بدون ما تحس. الشيف يعطيك التكلفة الحقيقية لكل طبق، من أول غرام لآخر وقت تحضير، والمحاسب يحسب لك الهامش الصح… مو الهامش اللي تتوقعه. والكاشير يعطيك نبض العميل: وش يطلب بسرعة، وش يتردد فيه، وش اللي ينرفض كثير. ومدير التشغيل يربط كل هالشي ويشوف وش يعطل الخط، وش يسبب هدر، وش يحتاج إعادة صياغة في المنيو. بعدها تبدأ تصنف الأطباق… الطبق اللي يبيع كثير ويربح كثير هذا نجم منيوك، ويحتاج تبرزه وتدعمه وربما ترفع سعره شوي بدون ما أحد يحس. الطبق اللي يبيع كثير لكن ربحه ضعيف لازم تعدل وصفته أو طريقته أو حتى سعره عشان يوقف ينزف. واللي ربحه عالي بس الطلب عليه ضعيف… هنا تحتاج تسوي له spotlight، تربط معه كومبو، أو تعطيه فرصة يظهر. والأطباق اللي لا تبيع ولا تربح تتعبك وتاخذ مساحة وما لها داعي، هذي تتغير أو تنشال. بعدها تجي مرحلة الأسعار… مو ترفع وخلاص، لا… ترفع الذكي اللي مبني على قيمة و perception. أحيانًا طبق بسيط يرفع لك متوسط الفاتورة أكثر من طبق كبير، هنا تبدأ تلعبها صح بالكومبوهات والإضافات اللي تعزز الربحية بدون ما تثقل على العميل. آخر خطوة شكل المنيو نفسه… وين تحط الطبق، وين تبرز صورة، وش تخلي مخفي، كلها تغير مبيعاتك بشكل مباشر. وبعد التعديلات تطلق نسخة جديدة لمدة أسبوعين وتشوف الأثر: ارتفعت المبيعات؟ نزل الهدر؟ صار التشغيل أسرع؟ بعدها تثبّت النسخة الجديدة. هندسة المينيو مو ديكور… هي إدارة ذكاء المطعم من الداخل. لما تعرف وظيفة كل طبق، المنيو يصير يشتغل معك مو عليك