ناصـر وكفى ...⌨⃔⃔⃔

المزح مثل الملح يفسد ليا زاد لكن تمعن ما يقوله لسانك معاد للكلمة ليا جت معواد ياطيب المنجا لسانك حصانك ولسانك ان ماجملك يبن الاجواد ولا على قول الرجاجيل هانك

يالله الغفران بالعشر التوالي يا عظيمٍ نرتجي عفوه و خيره ظلنا في يوم نحتاج الظلالي يوم ظلّك مالنا مزبان غيره

تفحص اصحابك عقب سن الاربعين واحذف من الميه ثمانين وعشر ومن العشر خذ واحد اوخذ لك اثنين ياقل من يصمل على كثر البشر ثلاثة ارباع البشر متقلبين منافق وعله وكذابً اشر ملوعتنا ايامً ومجربين ولا كل مايطري علينا للنشر

وقفنا على باب الأمل وقفة المحتاج ورجينا كريمٍ ماهو , يصكّ بيبانه يناجيه عبده وما يردّه سحا واحراج ويطلبه من فضله ومدّته واحسانه عسى مِقبِل الأيام يسر ورخا وافراج وعسى ما مضى يمحاه عفوه وغفرانه .

لك وقت متغير علي بالحيل عقب الغلا كأنك معاديني الحرب بين ايران واسرائيل لاتحسب انها بينك وبيني

ولاكن اسمع كلامي كان تغليني لانشدوك العرب لاتقول خلاني قل راح يقضي لزوم له وياتيني يسوقه الشوق ولا فضل عدواني لاتفرح عداك فيك ولا عدويني حتى لو انك تمر وما تحفاني والي لك اني ماابدل فيك ثانيني ولا يجي في مكانك واحدٍ ثاني

@EmiratesPostUAE تم ارسال رساله ع الخاص

الأصحاب واجد والعلاقه وثيقه واللي يباشرنا بطيبه نجازيه واللي يروح الله يسهل طريقه والله معه وأن عود والله يحيه ماعادني بسعى لكشف الحقيقة الكذب مادانيه والصدق مابيه ماعبد قلوب الاحرار الطليقه الا خطاها الفادح اللي تسويه والله مايجعل داخل الصدر ضيقه الا الصديق اللي صديقه يداريه بالمختصر بعض البيوت العميقه تخلي الرجال يذكر مباديه أنا رفيق اللي يبيني رفيقه وأنا عدو اهل العتب والمشاريه والحب عندي ينتهي في دقيقه اليا انتهى التقدير عند اللي اغليه

يالبيه يا وجه الرضا و الجناب السمح يا عذب الوصوف و شف بالي و ترويقة مضارب رموشك في خفوقي مضارب رمح عليك الله ارفق فـ الخفوق و معاليقه معك لـ القريحة لهفة و لـ المشاعر جمح تهادى ولك عذب القصيد و طواريقه انا اقول عاتبني يا مجمول وأكتب وامّح علي الحرام اني معك ما اعرف الضيقة

تمر السنين وتجتوّل والقلوب تهاب وتبقين فالعمر المحدد مثل ما أنتي عزيزة نسب وأطهر من الديّن التواب رفيعة مقامٍ هان عمري ولا هنتي تمرين ويصير السماء خيرها صبّاب وتزين الأراضي كل ما أنتي تزينتي فداك الشعر والناس والحلم والأحباب وأنا والسنين المقبله وين ما كنتي

سولفي أنتي أفصح من نطق حرف ضاد لو كلامك خطأ .. جمالك يصحّحه مقتنع في جميع آرائك من الوداد لو تقولين طار الطير دون أجنحة ولا تقولين أنا ماعاد عندي عتاد عينك وجيدك وخصرك ماهي بـ أسلحة ؟

والله ما منك " لا مفرّ ولا نجاه " معكْ الضمير يسوق عمره لـ اللّحد أنت الدعاء اللي تخشه في الصلاه و تستودعه يومياً .. الواحد الأحد غيّرت في عيني " مفاهيم الحياه " حتى التناقض لجل يرضيك أتّحد أسمي هو أسمي لا دعاه اللي دعاه و أسمي بصوتك ما بعد قاله أحد

أنتي أصعب وصف وأحلى مستحيله وأنتي أصدق روح وأجمل مسفهله كيف أوصف عنق وأغازل جديله والقصيد أصغر من التوصيف كله أعترف لك ما معي في الوصف حيله غير أقول اللّه عليك فكل طله

أنتي .. سيدة هذا الزمن وأحلى زمانه يبتسم إذا ابتسمتي وينجرح لامن بكيتي أنتي أنتي لك حضور ولك مقام ولك مكانه تذبل وجيه النساء في وجه نورك لا بديتي أنتي أنتي بكل ما تحوين من ثقل ورزانه تنصت الأشياء من حولك ليا منك حكيتي

أتلذّذ بالطواري ونسناس الهبوب لو ما جالك ذكر بين العلوم العابره كنّ في كبدي من الشوق والفرقى شبوب المحاني ذي صويبه وهذي جابره من غلاك ومن محبتك قلي كيف أتوب وأنت حبّك في ضلوعي وقلبي خابره ❣️

ياراع الوجه الابيض والجناب اللي غشاه اللين ترى بعض الليالي من العمر ماهيب محسوبه الى ربي عطاك من المحبه . . . والقبول الزين تجمّل . . واستر الجرح الطفيف - ولبّسه ثوبه توشح بالصبر . . . وابعد عن الشك والتخمين لكن . . . لا تلبس "ثياب الامل" ب الله مقلوبه

تجيك المشاعر طوع ما كنها إلا لك توارد كما ورد الضمايا و مستنّه عليك الفواد منين ماسج يبرى لك تجاهل نصايحهم إيلين أيسو منه أشوف العرب مناك وأشوفك لحالك تبدّى مثل فرق الفريضة على السنه

لو سولف من الصّبح لليل ما مِل ودّك إذا كمّل حديثه يعل له مضحكٍ لا هو حرامٍ ولا حلّ بالهمس لا باللّمس ريقي يبلّه دهق عليّ الباب ما قلت له زلّ وزلزل كياني عمد ماهو بزلّه أطيح له وأقوم وأحطّ وأشلّ حتى ولو الثقل فيني جبله من الدلال يضيّع الدرب ويدلّ الحسن كلّه فيه دقّه وجلّه

ما ودي أخوض في توضيح بعض الأمور الإحتمالات واااجد — واللقاء مُحتمَل جعل العوض يوم بان من الليالي قْصور صدفة تجينا على غفلة تلم الشمل أحرمتني من مقابل وجهك أربع شهور متى تشوفك عيوني والفرح يكتمل؟ ترى الأمل فـ الحبايب مرتبط فـ الشعور مادام باقي شعور .. أكيد باقي أمل

اي والله احبك ولا زلت اعشق وصالك وابيك وفي خاطري لك هيبه ملوك العرب ببشوتها اموت لك واموت منك اموت معك اموت فيك ضع خط تحت الموته اللي تعجبك — واموتها .