ابو ماجد الجهني

#يعيش_النقاب ياراعي القلب الخضر دون منقود لا تنزل الميدان من غير سيه يغشنك الغزلان وعيونهن سود وأنته عليك قيود ماهي بليه قالوا عيونك لا تناظر على العود اللي كساه الزين من كل نيه يامبرقع الشيهان برقعك موجود برقع لي الرجال راع الحميه أبو ماجد الجهني

عاجل 🔴 في إنجاز سعودي عالمي جديد .. المملكة العربية السعودية تحافظ على موقعها في المركز الثاني عالميًا بعد أمريكا في معرض آيسف للعام الثالث على التوالي. 🇸🇦🇸🇦

#عيدعاتق_الشماسي لو كان كل ايامنا مسفهله ماكان للفرحه طعم فى ضحى العيد ماهو ضروري نضحك العمر كله ساعه وساعه بين هدنه وتصعيد احلامنا عن وضعنا مستقله في وجهها قامت تبين التجاعيد شوف النجوم العاليات المطله خلف السحاب تغيب قبل المواعيد حنا كذا مابين ضيقه وفله نسرد حكاية قصة الوقت ونعيد ✍🏼عيدعاتق الحربي

@ep_rhm إنا لله وإنا إليه راجعون اللهم ارحمه واغفر له واسكنه الفردوس الأعلى من الجنة أحسن الله عزاكم ورحم الله والديكم

إنا لله وإنا إليه راجعون بقلوب مؤمنة بقضاء الله وقدره انتقل إلى رحمة الله والدي الغالي : الشيخ / سعد بن حمد العامري الجهني شيخ قبيلة العوامرة من جهينة وسوف يصلى عليه إن شاء الله يوم الأحد ١٤٤٧/١١/٩ هـ صلاة الفجر بالمسجد النبوي ونسأل الله العلي القدير أن يغفر له ويرحمه

لا ضاق صدري لـ البغاديد شبيت وزيّنت ما يطرد همومٍ مدالي ولا شلعت لـ اشهب الجيب سجيت سجيت مع دواً من النزل خالي ما مال به راعي الغنم والكواشيت وارتاح لو اني وحيداً لحالي وابعدت عن شوف العفون الشواميت اللي على الزلات جرفٍ هيالي اللي سوالفهم رموز وتخافيت قوم النقاش وقوم قيلٍ وقالي لا عاد مايفرح بزولك ليا جيت بعدك عن الانذال مكسب ومالي ولو لازمي يم الردي ما تعنيت العفن عفن من قديما وتالي ولا قيل شجرا الورد يثمر بحلتيت وقالوه قدامي ثقات الرجالي سج القدم للي لهم بالوفى صيت زمل التخوت اللي تشيل الثقالي ولا ينفع الا طيّبٍ لن توانيت دون الخوي ثني سوات البلالي ورزقي على اللي محصي الحي والميت علام بالغدرا دبيب النمالي هذي هواتي يوم للقاف لديت وهاضت هجوسي يوم جالي مجالي .

ب العيد نرفع باقة الورد تقدير لجنودنا اللي محتمين الحدودي أفعالهم صطر بها المجد تصطير والله حماهم من عيون الحسودي وحنا معاهم صف خلف الطوابير ندعوا لهم بالليل وحنا سجودي أبو ماجد الجهني

@SAUDALmUQHIm ماكل دمعة توجع العين وتروح كم دمعة من العين جابت خيرها والدمعة اللي سالت بخد مجروح يآاا حر ماها ،،، يوم ينزل مطرها أبو ماجد الجهني #

@ateeq3298 الله أكبر نسيتم كاوية الجمر

مغاسل الملابس من اليوم زودوا الاسعار ١٠٠٪ حل يحق لهم هذا كوي الثوب او الشماغ من ريالين الى اربعة ريال

@owee21 صح لسانك بعد رمضان بإذن الله نجاريك

مد النظر واترك الوسواس وابليس لا يحرق أعصابك اليوم تضحك علينا الناس لو ضاق صبري من اسبابك واذكر سنين الدهر والياس لان كان شكيت باصحابك وان جاك منا قصور وباس عود وراء واحسب حسابك ما نصرف الا ذهب والماس والصيف ما يحرق اثيابك #كسرات #كسره #شعر

يارجل لاتنسى حقوق الرفاقه وعلى حقوق الرّبع لاتبدّي القرش فبيوتهم تلقى الكرم واللباقه وتاكل عيال اللي عراقيبها حرش وتعطيك اهلها من التراحيب باقه مجالسً مكسيةً بأفخم الفرش غناتك بربعك ولو ماش فاقه تسوى ملايين الرعايا من الطرش ولا غناة المال هي الحماقه لو تنفخ العلباه وتكّبر الكرش ترى ماهي دايم مزوح ورواقه دنياً تذل الذيب وتنوخ الهرش لو بينها وبينك ضبطت العلاقه وبنت لك من الحلم فوق البحر عرش من طبعها ماتخلي الاصطفاقه ياما خرشت ناسً لهم ثقلهم خرش مادام تحمل بأسم ربعك بطاقه على حقوق الرّبع لاتبدّي القرش

هلا يا رمضان

عسى البارق اللي له حوالي سنه ما لاح تسبح ملايكته من طويق لـ الحرة يفل الشجر و يغني القمري الصداح وتصير الفياض المجدبة منه مخضرة ياكبر الشعور اللي خذاه الزمان وراح مراح العتاب اللي على بال متشره ماكل الطواري تقبل الشرح و الايضاح بعد بيّن الخصم ، وعجزت اتقي شره على كثر ما وقفت دونه وسده باح تمنيت ينصف بـ الخصومة ، ولو مرة سلامي على المتعامي الواثق اللمّاح يمر الخطا فالدرب ماقصّ له جرة شجاعٍ لا شاف الخصم قدام عينه طاح يخليه لين يقوم ، و يعاود الكرة مايسلك طريق الضعف لو من وراه ارباح يشوف المكاسب فيه ما تازن الذرة يعيش النزيه الحّر ، و يعانق الامداح ويموت الوضيع و طاري المدح ما مره من يقلط الشيطان صدره ماهو مرتاح مثل من يحط الجمر في يديه ويكِره تذم العرب غدر العدو و الغدر ذبّاح كذا خلد التاريخ جساس ابـن مرة شريف الخصومة ينتصر لو بدون سلاح وغيره لو يوقف معه جيش ما سره #مثايل

(هاتف العمله) راحتي وعنايتي في يدك ياجزل الوهايب دلّني قدام لاتغويني النفس الكتومه تكتب الأقدار وتصرف ذعاذيع الهبايب كل شيً تعرفه قدّام لانعرف علومه والا أنا لو أقدر احرك مراويح السحايب كان خليت المزون من الرياض اليا تنومه للصعاب من الظروف وللكبار من النوايب احتزم بالمعرفه وضلوعي العوج محزومه مااتخلاّ عن بنود المعرفه سلم وحرايب المبادي فالمحبه والمبادي فالخصومه لو تغيب الشمس عن مطلاعها مانيب غايب عن مواقيف البلاد اللي عن الظيم محشومه الظروف ترد مثبور العزوم اعن الرقايب مير ماتقدر ترد الذيب الأشهب عن سلومه والسيوف الفارقه تطلع من بطون المصايب والشجاع اللي يبا الامجاد ماتقصر عزومه ماتدرّق عن وجيه الخيل ووجيه اللهايب لو تنصّاه الفشق ماجاه يومً غير يومه احترامي للسلوم وللقبور وللنصايب واحترامي للنضام يخلي النفس معصومه اعرف ان اللي وقف في موقفه مقدي وصايب فالدفاع اعن الوطن وعن القياده لاتلومه الوطن يفداه مال وروس وارواح وركايب ينتصر بعناية الرحمن والروم مهزومه. قبلة الدين الحنيف وثامن السبع العجايب مع هل العوجا وغايات المعادين مهدومه كل ما هدا لهيب النار زدناها شبايب لين خلينا وجيه اهل الدنانير مخطومه المثايل زينها همّة ولد وسلوم شايب والقصيد المعتبر مافي سماه الا نجومه واعرف ان المرتزق خايب ومن يعطيه خايب لا يدافع عن وطن ولايدافع عن حكومه لو يعذرب ديرة التوحيد ملعون الصلايب والله انّه ما يشم ترابها ولايهومه من ورا الجوال ياكثر القصايد والطلايب والحقيقه لو يواجه له مره تاخذ هدومه انت مثل الحر الاشقر مير بعيون الحبايب وفي عيون اللي يعرفون الحرار الشقر بومه كثر ماقابلتنا عشرين مرّه وانت هايب كثر ماشفناك تغشاك اللطافه والنعومه انتبه ياهاتف العمله يحطونك سبايب البحر لو يحذفونك فيه ماتقدر تعومه لاتقلد كل من شاف المذله والغلايب استرح في ديرتك ياخبل والحرب محسومه معركة تغلب وبكر يقودها جيش وكتايب وانت لابكري ولا انت بتغلبي ناخذ علومه والله إنّا نحقر الشعّار لاصارو جلايب تشتريهم فالقسا وتبيعهم وقت العزومه

ٰ لامتى .. ياجـامع الفقر .. والحـظ الردي كل مامريت لك باب .. دقيت الجـرس والله .. ان الدرب هـذا .. ضياعٍ سرمدي انشد اللي في مدارس هل الحكمة درس لو حصل لك شي من راعي الكف الندي مكسب الحصني من الذيب لامنه فرس منت واصل لك مشاعر ، ولا سايق هدي لومعك حذوة فرس وانت ماعندك فرس اطلب اللي عم جوده .. على كل اجودي واحــدٍ .. بابه مشرّع .. ولا دونه حرس لاتقول .. اخـطيت .. نو الثريا .. والجدي الله الرزاق .. والعبد .. يجني .. ماغرس #عبدالله_الطلحي

تال ألزمن. حتى الكلاب الوفيه باعت العشره مايوفي الكلب للصحبه وينكرها ضامن بكل القوافل ياعرب خشره لاسارت القافله نبحه يذكرها يابارد الحيل مدري بارد الكشره زيتونتك ياشجر كثرت معاصرها انتاجك البكر سايح مع هل الدشره مخلوط زيتك حقيقه لو تبررها ياغصن ياغصن لاتعتب ولاتشره لاغرك الشوف قربها وكبرها الموجز اليوم مايغني عن النشره لاجل النميمه تكيف مع مصادرها اللي يهايط على العاقل خسر فشره مهما يحاول يحاول مايمررها الموز يوكل ويرمى باالوطا قشره عكس العنب بزرته لازم تحررها جبر الخواطر دوا للقلب والبشره يفرّح القلب والبشره ينورها بالقلب تغريد عقلي مانع ٍ نشره ونفس بدويه عنيده من يقاشرها ابصم واببصم على اللي قال بالعشره مايخدم اللي ملايينه يصررها ربيع نفسك هواها دوره واشره لاصرت قادر ترى الدنيا بحاضرها ياشاكي الهم والضيقات والحشره سجدتك للواحد المعبود كثرها #بدويه_حجازيه

أكمل يا مبدع: ما كل دمعة توجع العين وتروح، (……………………………………………)…

@Agreed22 ما عمر أحد قال لك ( شاطر)

أين عباقرة اللغة العربيه ؟! 😇

@an_7_7__ (كل إناء بمافيه ينضح)واللي ينظر فالمرأة يشوف نفسه

@Agreed22 البرشومي من برى شوك ومن الداخل ٠٠٠٠

#فعالية اتحفونا 😅

مساجلة بين الشاعرين الكبيرين عبدالله بن زويبن المعمري وسعد بن ضعيّان البدراني، رحمة الله عليهما. يقول عبدالله بن زويبن: الشك لا يذبحك يا ابن ضعيّان خله وروح مع الدروب الوساعي قبل يتفشى فيك مثل السرطان وتصافح الدنيا بكف الوداعي أشوف قدرك كبر سلمى ورمان وانته غسلت بسوء ظنك شراعي ما أقول أنا بدر الدجى اللي اليا بان حدر السماء نجمك يضيع بشعاعي حنا هداك الله بني عم وإخوان ماني بحاكم وأنت ما انته براعي اتهمتني بالكبر والكبر طغيان ماني مرجح به على الناس صاعي وإن شفتني في بعض الأوضاع غلطان ماني نبي ياجب عليك اتباعي سج القدم من بين عمّان وعمان والناس واجد وأنت مدرك وواعي الكبر لو يطمع طمع فيه فيحان فيحان ابن ناهس طويل الذراعي كم فارسٍ راسه من الزوم مليان من حربته صاحن عليه النواعي واطلع سجين القوم من سجن غمران عقب انتهت كل الحيل والمساعي ومن العطايا كم عطا عبد وحصان وليا كرم يملا بطون الجياعي من كثر ما يذبح من الحشو والضان كنه مجاور له مغارة سباعي وغيره من العالم مشايخ وفرسان لكن قصّر عن عددهم إبداعي شيّنت فيّ الظن والظن بهتان والهرج زوده ما له ايات داعي لكن لك الشرهة إذا كنت شرهان شرهتك والله ما تروّح ضياعي ابشر بعذرٍ ما يجي فيه نقصان وافي من الأعماق ما هو صناعي عذرٍ يخلص بين داين ومندان على طلي وإلا قعودٍ رباعي والرجل يوجز مثل ما قال راكان ما هو بديكٍ طول وقته يعاعي. رد الشاعر سعد بن ضعيّان: ما لبدت جو السماء غر الأمزان اللي مخايلهن تحجب الشعاعي يا مرحبا ترحيب من قلب ولسان يرقى سنود ومن رفاع لرفاعي مرفوع من شانه وقلته على شان مروّض الشرد الذهان الرعاعي مروّض الصعبات قيفان وأوزان كم فكرة بكر اخترعها اختراعي ابن زويبن عالي القدر والشان اللي قصيده واقعي واجتماعي ينتج مثل مرفوع وإنتاج عبدان بنات فكره يرهبن الشجاعي سنّد عليّ بيوت جزلة وقيفان فيهن طعم حنظل وسكر صناعي خليط متجانس ومعمول بإتقان على الورق بأزرق دموع اليراعي والخلق وهبة قاسمه رب الأكوان بين الأوادم في جميع البقاعي أحدٍ لبيب وطيّب أخلاق ولسان وأحدٍ زعول وجلغمي واندفاعي وفي كل حال أعامل الناس بإحسان ولاني على زلة رفيقي زعاعي أجامل العالم ولا أثير الأضغان وأنفى الردي وأزهم حميد المساعي لو إني أملك لا غطا الجو دخان سمٍ يشادي سم رقط الأفاعي لا ناش راع الكبرياء وين ما كان قطع حشاه من الوريد انقطاعي والصبر زين وله فوايد وبرهان أخير من كثر الحجج والنزاعي والسابقة ما تعن في كل ميدان إلا ليا طال اللغى والصراعي لا فتح الأخصام للحرب بيبان دون القبيلة ما يتزعزع دفاعي أقف لها ميقاف بسنان وعنان ما أندس وأرخي للعدو استماعي أنهيت أنا تعبير عذبات الألحان بعد دعاني للتماثيل داعي.

دخل يشتمني لمجرد انتقادي للمساحات المختلطة :- يا اللي عليّ تهوش وتحمّر العين ماني لسدّ عيونك العور فاضي لو ان عندك مرجله يا المسيكين ما كنت عن وضعك مع الناس راضي تدخل مساحة لابسات الفساتين ديك ٍ يكاكي للدجاج الرباضي ماهي من العاده ولا هي من الدين وانتم خلطتوها سواد وبياضي حنا مجالسنا مافيها نساوين لوّ إنها بالعالم الافتراضي وخواتنا بالستر والمذهب الزين ما يعرضن الصوت عرض المقاضي