ندى 🍀

طيب وتحرك وصار اللي ودك فيه وبعدين ؟ أقولك اللي راح يصير بعدها ؟ راح يتحرك عالفاضي لأن الكرة عند فيني ويبي يخترق من الطرف ويراوغ 3 مليار مدافع .. لأن الفريق بدون أسلوب! كريستيانو يتحرك بهذه الطريقة لأن الفريق كله مقتنع أن وظيفتهم إيصال الكرة لكريستيانو عشان يسجل .. وهو واثق أن الكرة راح توصل له فقط عليه يتحرك ! شفنا تحرك مبابي في كرة أرنولد .. لأن كان واضح لنا كلنا ولمبابي أن أرنولد راح يلعبها عرضية بهذه الطريقة ! لكن لو الظاهرة أو كريستيانو يلعبون حالياً مع هذا الفريق بهذا الأسلوب يوم ثاني قدموا طلب انتقال .. أسلوب معتمد على أعطاء الكرة لفينيسيوس والوقوف والتفرج وانتظاره يمر من 5 لاعبين ! أساساً في ظل هذا الأسلوب العشوائي .. مايقوم فيه مبابي هو الصحيح .. تفريغ المنطقة لفيني ممكن في أمل يراوغ 2-3 بدل 5-6 لاعبين مع زحمة وجود مبابي أي مهاجم في العالم ( حالياً ) يتواجد في ريال مدريد ويتحرك بهذه الطريقة هي مضيعة وقت له وسذاجة. تتحرك اذا عندك مارسيلو خياره الأول التمرير ودي ماريا وبنزيما والبقية .. لما الفريق يلعب ( كفريق ) وعارف أن في مهاجم هداف توصل له الكرة وينهي لك.