Bjarki Benjamínsson🇮🇸 retweetledi
Að halda því fram að við myndum ráða hverjir veiða af því að kvóti fer til ríkja stenst ekki lög ESB. Þú þarft nefnilega enga 'sögulega veiðireynslu' ef þú átt nægan pening til að kaupa fyrirtækin sem eiga hana. Þetta kallast kvótahopp / Quota Hopping og ESB-dómstóllinn hefur margstaðfest að það sé löglegt. Sjá skýrsluna neðst.
Hér eru dæmi sem síðan hjá þér mætti nefna eða taka tillit til og munu líklega gerast hér eins og í öðrum ESB ríkjum.
1. Hvað gerðu Spánverjar í Bretlandi? Spánverjar áttu enga sögulega reynslu á breskum miðum. Hvað gerðu þeir? Þeir keyptu breska báta og kvóta. Bretar reyndu að stoppa þetta með lögum til að vernda eigin sjómenn. Málið fór fyrir Evrópudómstólinn (hinn frægi Factortame dómur). Bretar töpuðu. Dómstóllinn sagði að það væri brot á reglum ESB að meina spænskum ríkisborgurum að eiga breskan kvóta. Bátarnir flagguðu breskum fána en aflinn og arðurinn fór beint til Spánar.
2. Hvað gerðu Svíar í Danmörku? Í stað þess að biðja ESB um kvóta á grundvelli "sögulegrar reynslu" fóru sænskar stórútgerðir einfaldlega og keyptu upp stóran hluta af danska uppsjávarflotanum. Bátarnir eru skráðir í Skagen, en eigendurnir eru sænskir og fjármagnið rennur til Svíþjóðar. Danir gátu ekkert gert þótt þeir hafi verið komnir með einhverjar sérreglur um að þetta þyrftu að vera danskir sjómenn sem ættu að eiga kvóta í dk. Til að toppa það þá eiga svíarnir flestir sér félög utan um kaup og kjör sjómanna svo launin renna til Svíþjóðar en ekki Danmerkur. Það er yfirleitt ekki hlutaskiptakerfi hjá sjómönnum í EU eins og þekkist hér heima þar sem sjómenn fá hluta af aflanum. Þú mættir því bæta við glæru um áhrifin á laun sjómanna ef erlendum skipað yrði flaggað inn á íslandi og farið að landa með erlenda áhafnir eins og gerist í hinum ríkjunum.
3. Hvað gerðist í Eystrasalti? Skoðaðu 'litháíska' ofurtogarann Margiris. Hann er að stórum hluta í eigu hollenska risans Parlevliet & Van der Plas. Hollendingar keyptu sér einfaldlega aðgang inn í lögsöguna.
Svo er önnur dæmisagan þar hvernig danirnir/svíarnir keyptu Banginis UAB og landa í dag öllum aflanum í Skagen á meðan fiskverkafólkið í Litháen missti vinnuna því það átti að bræða heimildirnar í skagen.
Vefsíðan hjá þér er flott en efnislega skautar hún framhjá því hvernig útgerðir og fjármagn í ESB virkar í raun og veru þó Gemini geti lesið lögin og verið með sína túlkun útfrá bókstafnum. Ef Ísland gengur í ESB fellur bannið við erlendri fjárfestingu í sjávarútvegi úr gildi. Spænskir eða hollenskir útgerðarrisar þurfa ekki að semja við íslenska ríkið um 'sögulegan rétt' því það er ekkert að fara að stoppa þá í að kaupa bara Brim eða Síldarvinnsluna á markaði og dæla fiskinum þangað sem hentar.
Íslenskar útgerðir eru samt orðnar frekar stórar í samanburði við þær Evrópsku svo ég hef alveg trú á að þær geti sótt fram en dæmi hver fyrir sig.
Hér er svo uppfærð skýrsla sem sýnir hvernig 5 stærstu í hollandi hafa gert þetta um alla Evrópu. bloomassociation.org/wp-content/upl… skýrslan var uppfærð í fyrra ef þú vilt lesa þér til um hvernig hlutirnir raunverulega fara fram í EU þó lögin segi oft annað.
IS
