بندر سالم

بين أروقة واستوديوهات مجموعة من القنوات والإذاعات المنطلقة من الرياض، منها الإخبارية والعربية والحدث والشرق؛ شغف مهني لا ينقطع أيام العيد. كل الشكر للزملاء الذين يغيبون عن أسرهم ليحضروا في بيوت الجميع🇸🇦

على الخطا نفسي لها خطام وقياد ولاهيب ترضى يارفيقي مذله ما اقول معصومة ولا اقول تنقاد كلٍ على ما قيل دربه يدله وانا منزهّا ولاهيب ترتاد على حدود الخلق قبل الاخله كيف اتهاون واخلف ضنون الاجواد واستغفل اللي حطني صاحبٍ له وانا لو اخطي ما هنا لعيني رقاد الا وعذري واقفٍ في محله

هلابك عد ماطال الغياب وحنو الغيّاب هلابك يا نظر عينٍ بعد ما غبت عيافه هلابك وازهر بدربك من انواع الزهر ماطاب تلاعب لجلك غصونه من اطرافه ليا اطرافه مجيك وبل وانسامٍ تمثناها هلا وترحاب تنطحها معاليقٍ من الهجران منلافة يا عشقٍ ماطواه الصمت ولا علق عليه اسباب له شعوري إلين اليوم يلومونه على اسرافه لك اللّٰه ما بقى كلمة ولا فكرة تثير إعجاب طرقها شاعرك وأنتي مداه وغاية انصافه ماكان يشوفك دياره ولاكان يشوفك الاحباب يشوفك عمره الباقي لو أنه يروح سولافة مثني كل ما فيني من احساس وغلاً منساب مداهيلك على ماهي ولابه شيٍ تخافة أنا عذرك وأنا بوحك وأنا الآسف وأنا المرتاب وانا اللي لملمس كفوفك نطلت سنيني خلافة ياحسنٍ كل ماطرو ذوات الحسن والانساب عرفت انك من احفاده وجدانك من اسلافه ورثتيهم مثل ورث الملوك اللي تقص ارقاب ويزبن في ذراهم من فقد داره ومشرافه نقدتك والصبر لو هو حديد إن كان مبطي ذاب تولاه الحنين اللي تزايد عقبك شعافه ماكن لي دار ولاديرة ماكن لي اقراب ولا اجناب غريبٍ خطوته تاهت قبل ممشاه وميقافه على أن لي عزم اجبر به كسير وفاقد ومنصاب وحلمٍ يعزل اطراف الدعاوي عزل مطرافة اخذتي البال والمعلوق واخذتي الحرف والكتاب ولا باقي سوى أحلامٍ لها عامين طوافة لحقني مالحقني من مشاريه وزعل وعتاب ماعدت الصاحب الاول كثر صمته ومنكافه ياكم مرة هقيت اني على بعدك جري وغلاب واثر ماني على خبري واثر هقواتي سوافة لك المبدا ولك المنهى ولك الباقي من الاسهاب انا كلي معك لكن شعوري فاقد ضفافة - بندر سالم .

اطلالتك عقب البطى والمواعيد اطلالة المليون عقب المجاعة والله يا حسنك غير من دون تحديد حسنٍ يغير كل ذوق وقناعة انتي صباح العيد وانتي مسا العيد لا يا بعد عيد الربع والجماعة

حتى الجواهر دون عنقك يتيمة عنقك لحاله هو غرام القلايد🤍 للمبدع @bndr_sa 👏🏻

لو ان عطانا في بطون الجراهيد كان الزهر غطى السهل والعدامة

الرزق من دونه توافيق ربي واسبابٍ الله اعلم انها بسيطه الى انكتب لك لو هو عنك متخبي سخر لك اللي فوق وجه البسيطه

كثر العتب ماهوب يجنبك مقسوم اشقيت نفسك وانت مانته مشقى اللي سترها من خلقنا ليا اليوم ماهوب عاجز يستر اللي تبقى

عليك ولا على غيرك رجاي وما بقى من حال تْيمم وجهةٍ طالت وهي تشره على ساقي ..

جميع ما يطري على كل مجنون في هالزمن يطري على كل صاحي

حتى القلايد دون عنقك يتيمة عنقك لحالة هو غرام القلايد

☕️📿 وانا عليك اشفق من اللي فـ المهاد طفلٍ مجيه عقب فقدانٍ قوي. — بندر بن سالم

ظلمنا الغرب أنه يحيك المؤامرات تجاه العرب، فاكتشفنا أن (بعض) العرب يسعى لتدمير وتقسيم عالم العرب.

مشاعرك مهما تخاف انها تميل عيونك تعلم وتعطينا وصاه مابه ثبات وداخلك غصنٍ نحيل تلعبه الذكرى على كل اتجاه

في كل مطلع صمت لي جرة نسم الله يبيحك ياهوى نجد الفريد معك الليالي كانت اشعار ورسم واليوم مافيها على الساحة جديد تفاوت الاحساس يدعو للحسم للي معاليقه يذوب لها الجليد ياللي عليها غيبتك حطت وسم مرورك لحاله بشاير ليل عيد - بندر بن سالم @bndr_sa

عليك ب اللي كل .. مجدٍ تعلاه وخلك من اللي ما ورى عرفهم مجد ولاتحسب أنها بالاسامي وبالجاه كم واحدٍ مجده ماهو « أب عن جد »

دور لي في طرف صدرك مكان يلتجي به خاطري من مهجره ماهو بحاجة شعور ولاحنان كثر مايحتاج وصلٍ ينصره تاه وابطى في ضياع وفي هوان ارهق احساسه وجفف محبره لاتخلينه مع صدوف الزمان وانتي بصدرك بلادٍ تذكره

ماورى بعض التصنع والكلافة غير ترديد العلوم اللي تملح لا تخلطون الذرابة بالضعافة لو وراها ما وراها من تمصلح ماوصلنا اللي وصلوه اهل الخلافة لكن نعرف اللي مايصلح ويصلح

انا ادري انك للمواجيب نطاح لكن ظروفك يابن الاجواد شينه حاول تركدها ترى الفقر ذباح كم واحدٍ طلع مع الوقت عينه

دون الكرامة والحيّا ما به اجناس الفرق واحد خل كثره وقله ما احب اشوف الناس في حاجة الناس احب اشوف الناس في حاجة الله