َ

يامنوة الروح يوم ان الحشا ضمش تلي حشا القلب تل ورزي القامه يافتنة الغيد يوم ان الغلا زمش سمي على القلب من خلفه وقدامه ويا تلعة الجيد لامن قلتي بفمش ودعتك الله حبٍ يذبح هيامه روفي بأبو زيد قبل يموت مالمش وهزي قوامٍ لاهندم كن هندامه

يامرحبا والعيون . . بـ شوفتك قرت من يوم غيبتْك واشواقي على ماهي اقول . . نورت ولا . . جيتك . . سرّت ؟ قلبً عشق وجنتك مع طرفك الساهي اللطف من الغيمه البيضا الى درت واحلا من السكر اللي باخر الشاهي ابسط وصايف غزال الريم لا مرت تلّهي . . المنتبه وتنبه . . اللاهي !

من لا يحس بقيمتك وأنت موجود ماهوب ناشد عنك لا صرت غايب حاول تفرق بيض الأيام والسود يا قلب ما كل الحبايب، " حبايب " اللي يبيك يجيك لو دونك قيود يكسر على شانك خشوم الصعايب واللي يبي فرقاك لو دروبك ورود ما جاك لو أنك من أدنى القرايب

ياحبيبي .. ليا هبت هبوبك بْضيقة قلت ياقلبي الملهوف ويش أنت خابر؟ كل ماينقطع صوتك ووصلك دقيقة ليش ماينقطع للشوق و الحب دابر ؟ لو خذلني قصيدي والقلم جف ريقه الحدق و المآقي في غيابك .. محابر تسكن أحبك أعماقي وعمق الحقيقة دايـم اقولها .. لكــنّ بصيغة مْكابر

ودعتك الله ورحت أطوي طوال الدروب و لا عليّ الملام و لا عليك الملام أقبلت مثل السحاب ورحت مثل الهبوب و كبرت في ليلة الفرقا ثلاثين عام و برأت لله من ذنبي و قررت أتوب براءة الذيب من يوسف عليه السلام

بنت عزٍ ماهي من بايعات الغرام الدرابيل ما تلحق مشاريفها من حياها وعفّتها وخوف الملام ذايرٍ من خيال المهتوي طيفها كن عليها من العفّه قطيفة غمام تلتعج من شعاع الشمس اطاريفها نخبوية مجاني من خوال وعمام كل شيخٍ يبي في كرته يضيفها .

كثر المواصل بالهوى ماهو بزين ودك بخلك بين مدّه ومدّه لأن ابن آدم ما ترك طبعَه الشين لا حبّ له شيء وشبع منه هدّه

' لا جفاك اللي تحبه فلا تلحق وراه ما جفاك الا وهو وده إنك تقطعه عز نفسك .. عن تقفاه لا لقّى قفاه مخبل اللي كل ما أقفى وليفه يتبعه وش تبي باللي مايبغيك يامال الغناه ماورى طرد المقفين رزق ومنفعه والله لو أنه يحبك ما سوى ذا السواه كان يمدي دافع الشوق صوبك يدفعه '

أصلك وفصلك فالهوى لا تعدّه الحب مايعرف قبيله ولا دين نكّس حكومات وكسّر أشدّه جاووه عقّال وراحوا مجانين

يطول سكوتك ولا يطول سكاتي ترا الدعوة بسيطة لا تكبرها خلك على خبري وظني وهقواتي خابرني الضيق والضيقات خابرها أنت أجمل اللي تسجل في سجلاتي ان جيت وين البشر وان رحت مكثرها يا أول وآخر قصيدي وأروع أبياتي محدٍ يحب القصايد كثر شاعرها

﴿ لا مَلجَأَ مِنَ اللَّهِ إِلّا إِلَيهِ ﴾

ينتابني شي مايعلم به الا الله يجعلني أصد وجهي وأجلس لحالي من ضيقة الصدر اخاف تخوني زله وتجرح لها واحد في خاطري غالي عرش الهوى الي تولا فيه واحتله لا طاح منه وش الي عاد يبقى لي

كل ما لوح دجى الليل العتيم ساقت الأقدام لدروب الخلا اختلي بالبعد لين ارجع سليم اضمد اجروحٍ فـ قلبي مهملا كن انا والليل والجرح السقيم والعنا والحزن والضيق ازملا وكن حالي بالجفا حال اليتيم ما ملى فارغ هله كثر الملاا اه ياحبٍ وسط صدري قديم اقتحم خلف الحنايا واختلاا

اتغاضى واتغيشم واتسيّب واتظاهر بالامور المستقره من نشدني من بعيد ومن قريب قلت ما فيه اطيب من الحال مره واظهر الهيبه على العالم واغيّب ضيقةٍ حطت لها فالصدر جره اشهد ان ضيق الصدر مقطوع صيّب ياكل ايام العمر والعمر مره

شربت مرك قبل لا أذوق حاليك ومديت لي كاس الفراق وشربته يا قلب قلّي عقبها وين أوديك ؟ الحب ذنب وليتني ما أرتكبته

ما كنّش الا صباح الخير و الخيره لا سولف الصبح لـ عروق السما عنش سمّي عليش السلام .. و فرحة الديره أنتي من الصبح و الا الصبح ذا منش ؟ - محمد المجوّل العجمي .

تجيك حزه تضيق بك الدنيا بدون أسباب ولا سابق إنذار تبلي صدرك بالهموم وتضيق بك الدنيا وهي سعه و وصف شاعر هذا الشعور وقال : " ضايق وأحس الضيقة أكبر من بكاي والضيق يستاهل .. وعيني كريمه ويا ليتها من ضيقة الخاطر وجاي حتى الهوى الليله .. خنقني نسيمه "

تكفون يالي تشوفونه ابي شوفه كيف العمل لامشاهدته ولا سمعه تقول عيني على لاماه مطلوبه كني بها تدرج الدمعه وراء الدمعه خلوني احب خشمه وألمس كفوفة لو كان اشوفة من الجمعه الى الجمعه

الحب ما هوب طيرًا في سما ربّه يرحل متى يرحل وياتي متى ياتي الحب سلطان في ظلمه وفي عدله يجبرني أقول .. رغمًا عن قناعاتي لك الولايه ورث القلب والبيعه الملك لله — ثم إليك مولاتي يا فتنةٍ من إناء الحسن مصبوبه على الجمال الطبيعي بالمقاساتي

يا فتنة الجيل يا غاية منى المستهيض اللي كتب لك طروق الشعر ولحونها انتي جمالك .مثير وللعذارى .نقيض جادل ..وفستانها مأخوذ ..من لونها فستانك الـ pink خلّا كل ذكرى تفيض ترسم على عيني البسمه وفي نونها انا اشهد اني كسبت العمر واني حظيظ ما باقي ..الأجنان الخلد ..وعيونها